Лявон Вітан-Дубейкаўскі

Лявон Вітан-Дубейкаўскі
	Лявон Вітан-Дубейкаўскі
Дата нараджэньня	7 (19) ліпеня 1869
Месца нараджэньня	Дубейкава[d], Мсьціслаўскі павет[d], Магілёўская губэрня, Расейская імпэрыя;
Дата сьмерці	6 лістапада 1940 (71 год)
Месца сьмерці	Вільня, Летувіская Савецкая Сацыялістычная Рэспубліка, СССР;
Прычына сьмерці	Рак страўніка
Месца пахаваньня	Могілкі Росы;
Месца вучобы	Мсціслаўскае гарадское вучылішча[d]; Інстытут цывільных інжынэраў[d] (1903); Парыжская спецыяльная архітэктурная школа[d] (1910);
Занятак	архітэктар, паэт, генэральны падрадчык, фальклярыст, пэдагог
Навуковая сфэра	архітэктура, цывільнае будаўніцтва[d], паэзія і фальклёр
Сябра ў	Беларускі нацыянальны камітэт, Беларускі камітэт[d], Беларускае навуковае таварыства (1918) і Беларускі інстытут гаспадаркі і культуры
	Лявон Вітан-Дубейкаўскі ў Вікісховішчы

Лявон Вітан-Дубейкаўскі (Лявон Іванавіч; Леў Дубяйкоўскі) (19 ліпеня 1869 (1867?), в. Дубейкава — 6 лістапада 1940, Вільня) — беларускі архітэктар, будаўнік, грамадзкі дзяяч, пэдагог, паэт.

Біяграфія

Скончыў Мсьціслаўскую гарадзкую вучэльню. Будаўнічую адукацыю атрымаў у школе будаўнічых рамёстваў у Варшаве. З 1897 году працуе на Смаленшчыне: адкрыў будаўнічую кантору, будаваў цэрквы на Смаленшчыне.

У 1903 годзе здаў іспыт на інжынэра-будаўніка пры інстытуце цывільных інжынэраў у Пецярбургу. 1907—1909 — вучыўся ў Акадэміі архітэктуры ў Парыжы, атрымаў дыплём архітэктара-мастака.

З 1910 году жыў у Варшаве. У 1913—1915 гадах выкладаў будаўніцтва ў тэхнічна-прамысловай школе, у 1913—1915 працаваў у створаным ім уласным бюро. Падчас Першай сусьветнай вайны працаваў у Арле і на Полаччыне.

У 1919 годзе чытаў папулярныя лекцыі па архітэктуры на беларускіх настаўніцкіх курсах у Горадні і Вільні. У 1922 годзе займаўся будаўнічымі работамі ў Вільні, быў дырэктарам мулярскай школы (1925—1929).

Сябра рэдкалегіі газэты «Беларускі фронт».

Памёр у 1940 годзе. Пахаваны ў Вільні на могілках Росы.

Архітэктурная спадчына

Працаваў у стылях нэаготыкі, мадэрн.

У 1940 годзе скончыў працу «Эвалюцыя і рэформа драўлянага дойлідзтва», якая аднак не была надрукаваная.

Творы

Царква ў Манастыроўшчыне (Смаленшчына)
Царква ў Ярцава (Смаленшчына)
Скарбінца ў Вязьме (Смаленшчына)
Касьцёл ў Відзах (1922 — праект)
Петрапаўлаўскі касьцёл ў Дрысьвятах (1929 — пабудаваны)
Марыянскі манастыр ў Друі (аднаўленьне)
Кватэры польскага войска ў Вільні

Літаратурная спадчына

Пісаў вострыя дасьціпныя паэтычныя творы: байка «Цягне воўк — пацягнуць і ваўка».

Праект касьцёла ў Янатрудзе, 1916 г.
Петрапаўлаўскі касьцёл у Дрысьвятах
Кватэры польскага войска ў Вільні

Літаратура

Vitan K. Lavon Vitan-Dubiejkauski: Da 85 uhodkaŭ naradżeńnia. Niu Jork. 1954.
Архітэктура Беларусі: Энцыклапедычны даведнік. — Менск: Беларус. энцыкл., 1993. — 620 с.: іл. ISBN 5-85700-078-5.

Вонкавыя спасылкі

Лявон Вітан-Дубейкаўскі — сховішча мультымэдыйных матэрыялаў

^ ^а ^б ^в ^г Vìtan-Dubejkaŭskì, Ljavon Ìvanavìč // Нацыянальная служба Чэскай рэспублікі

[_6a16b8dd70d51059-1] а ^б ^в ^г Vìtan-Dubejkaŭskì, Ljavon Ìvanavìč // Нацыянальная служба Чэскай рэспублікі

[1]