Касьцёл Найсьвяцейшага Сэрца Пана Езуса (Ільля)

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Касьцёл Найсьвяцейшага Сэрца Пана Езуса

Касьцёл Найсьвяцейшага Сэрца Пана Езуса (Касьцёл Найсьвяцейшага Сэрца Езуса) знаходзіцца ў вёсцы Ільля Вялейскага раёну Менскай вобласьці.

Гісторыя[рэдагаваць | рэдагаваць крыніцу]

Будаўніцтва касьцёлу было скончанае ў 1909 годзе. Касьцёл пабудаваны з цэглы і каменю. Архітэктарам касьцёлу зьяўляўся Аўгуст Клейн. Часткова пабудову касьцёлу фундавалі парафіяне, а часткова пан Тукала ўклаў значныя асабістыя сродкі ў пабудову касьцёлу. Сяляне пана Тукалы звозілі з прылеглых тэрыторыяў каменьне на пабудову касьцёлу, за што атрымлівалі грошы. Адносна гэтага факту ёсьць згадкі ў летапісе Сьвята-Ільлінскай царквы:

1908 год. У гэтам годзе ў Іліі пачалі будаваць касьцёл. На жаль, мясцовыя каталікі, зьбіраючы самавольна камяні з чужога поля, узарвалі сем вялікіх камянёў на царкоўным полі. Сьвятар 3 чэрвеня заявіў аб гэтым мясцоваму ўрадніку, прычым сьвятар прасіў скласьці адпаведны пратакол і накласьці арышт на камяні. Ураднік, нягледзячы на другую паперу ад 9 ліпеня з напамінам пра тое ж, ня склаў пратаколу да таго часу, пакуль пра гэта не было заяўлена вялейскаму ўрадніку. Але, пакуль па даручэньні ўрадніка было зроблена дазнаньне, каталікі зьвезлі ўсе камяні з поля, а ўраднік за бязьдзейнасьць і абразу сьвятара словамі «што гэты поп да мяне прывязаўся?» атрымаў толькі вымову.[1]

Касьцёл на працягу доўгага часу не працаваў у пэрыяд камуністычнага панаваньня, а таксама ў часы нямецкай акупацыі. Пасьля Вялікай Айчаннай вайны касьцёл быў ператвораны ўладамі ў малаказавод.

У 1993 годзе ў адноўленым у час перабудовы касьцёле ксёндз Алоіз Кулік правёў абрад асьвячэньня.

Набажэнствы[рэдагаваць | рэдагаваць крыніцу]

У бягучы час у касьцёле праводзяцца набажэнствы ў кожную нядзелю тыдня, таксама па вялікіх сьвятах. Штогод у чэрвені праводзіцца фэст. Набажэнствы ў касьцёле праводзіць ксёндз-пробашч Альковіцкай парафіі Ўладзімер Каспаровіч.

Набажэнствы па нядзелях наведвае 30-50 вернікаў, але часам здараецца, што імшу наведваюць 150 чалавек і болей.

Іншыя зьвесткі[рэдагаваць | рэдагаваць крыніцу]

Некалькі разоў касьцёл навдаў кардынал Казімер Сьвёнтак. Штогод у ліпені касьцёл наведваюць паломнікі.

Заўвагі[рэдагаваць | рэдагаваць крыніцу]

  1. ^ Паводле часопіса «Маладосць» №4 за 1996 год

Літаратура[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]