Замасьць

Замасьць
польск. Zamość
Ратуша і Вялікі рынак
Герб Замасьці Сьцяг Замасьці
Першыя згадкі:	1580
Краіна:	Польшча
Ваяводзтва:	Люблінскае
Прэзыдэнт места:	Анджэй Внук
Плошча:	30,5 км²
Вышыня:	212 м н. у. м.
Насельніцтва
колькасьць:	66 788 чал.
шчыльнасьць:	2189,77 чал./км²
Часавы пас:	UTC+1
летні час:	UTC+2
Тэлефонны код:	+48 84
Паштовыя індэксы:	22-400 — 22-410
Нумарны знак:	LB
Геаграфічныя каардынаты:	50°43′14″ пн. ш. 23°15′31″ у. д.
Замасьць на мапе Польшчы Замасьць
Галерэя здымкаў у Вікісховішчы
http://www.zamosc.pl

За́масьць (па-польску: Zamość) — горад і гарадзкая гміна ў паўднёва ўсходняй частцы Люблінскага ваяводзтва Польшчы, адміністрацыйны цэнтар павету, сталіца Замасьцкага ваяводзтва ў 1975—1998 гадах. Зьяўляецца культурным, адукацыйным і турыстычным цэнтрам ваяводзтва. Па колькасьці насельніцтва Замасьць займае трэцае месца ў ваяводзтве, але па плошчы займае 10 месца. У 1992 годзе гістарычная частка гораду была ўнесеная ў сьціс Сусьветнай Спадчыны ЮНЭСКО.

Замасьць стаіць на рацэ Лабунька.

Гісторыя

Гарадзкія правы Замасьць атрымала ў 1580 годзе, згодна з прывілеем канцлера і вялікага гетмана Яна Замойскага. У XVII стагодзьдзі горад пачаў хутка разьвівацца. У 1648 годзе Замасьць асаджалася казакамі Багдана Хмяльніцкага, а ў 1656 годзе швэдзкімі войскамі. Аднак захапіць горад не атрымалася. Падчас Паўночнай вайны Замасьць была захопленая швэдзкімі і саксонскімі войскамі.

Пасьля падзелу Рэчы Паспалітай горад трапіў у склад Аўстрыйскай імпэрыі (з 1772 году). У 1809 годзе Замасьць была далучанае да Варшаўскага герцагства. З 1818 году Замасьць знаходзілася ў складзе Расейскай імпэрыі, дзе стала ўезным горадам Люблінскай губэрні. У 1821 годзе адбылася мадэрнізацыя гарадзкой крэпасьці, у выніку якой значна зьмяніўся зьнешні выгляд гораду. Крэпасьць стала важным пунктам вайсковай абароны падчас паўстаньня Тадэвуша Касьцюшкі, які быў узяты расейскімі войскамі адным з апошніх.

Падчас Першай сусьветнай вайны праз Замасьць прайшла лінія чыгункі (1916 год). Пасьля абвяшчньня незалежнасьці Польшчы ў 1918 годзе, тут адбылася камуністычнае паўстаньне пад кіраўніцтвам маёра Ліса-Кулі. У 1920 годзе ў навакольлі Замасьці былі разьбітыя савецкія войскі, якімі кіраваў Міхаіл Тухачэўскі.

У верасьці 1939 году горад быў акупаваны савецкімі войскамі, якія хутка перадалі горад пад уладу фашысцкай Германіі. На працягу Другой сусьветнай вайны каля Замасьці быў утвораны канцэнтрацыйны лягер, дзе загінулі каля 8 тыс. чалавек, а таксама лягер для савецкіх ваеннапалонных. 11 ліпеня 1944 году Замасьць бала захопленае Савецкімі войскамі.

З 1975 да 1998 году Замасьць была сталіцай Замосьцеўскага ваяводзтва, а з 1999 году стала павятовым горадам Люблінскага ваяводзтва.

Вонкавыя спасылкі

• Афіцыйная старонка