Урал Екацярынбург

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Урал
FC Ural Yekaterinburg.svg
Поўная назва Урал (Екацярынбург), Уралмаш, Урал і Машиностроител
Заснаваны 1930
Горад Екацярынбург, Расея
Стадыён Цэнтральны
Умяшчальнасьць: 27 000
Кіраўнік Сьвярдлоўская вобласьць
Галоўны трэнэр Дзьмітры Парфёнаў
Чэмпіянат Прэм’ер-ліга
 · 2018—2019 10 месца
Хатнія колеры
Выязныя колеры
Трэція колеры
http://fc-ural.ru/

«Урал» (па-расейску: Урал) — расейскі футбольны клюб з гораду Екацярынбург. Заснаваны ў 1930 годзе. Адзін з найстарэйшых футбольных клюбаў Расеі, які мае гісторыю з моманту заснаваньня каманды «Машынабудаўнік» пры Ўральскім заводзе цяжкага машынабудаваньня, затым неаднаразова зьмяняў сваю назву.

Гісторыя[рэдагаваць | рэдагаваць крыніцу]

Датай заснаваньня клюбу лічыцца 1930 год, аднак згодна з публікацыямі «Ўральскага працоўнага» вынікае, што ўралмашбудаўнікі стварылі першую футбольную каманду яшчэ ў 1927 годзе, калі толькі ўзводзіліся корпусы будучага заводу. Тады ж каманда дэбютавала ў восеньскім першынстве Сьвярдлоўску пад назвай «Машынабудаўнік». Дэбют каманды ў турнірах СССР адбыўся на Кубку СССР па футболе 1938 году. Тады клюб вылецеў на стадыі 1/128 фіналу, атрымаўшы паразу паводле сумы двух матчаў краснаўральскай камандзе «Калярмэт». Дэбют у чэмпіянаце СССР датуецца 1947 годам. У гэтым сэзоне сьвярдлоўскі клюб «Авангард» заняў у другой групе 9 месца з 10 магчымых. Каманда працягвала ўдзельнічаць у другой групе чэмпіянату СССР, прапусціўшы з прычыны рэзкага скарачэньня колькасьці камандаў у розыгрышы сэзоны 1950, 1951 і 1952 гадоў.

У сэзоне 1953 году адбылося вяртаньне клюбу ў першынство краіны. Пачынаючы з гэтага часу, каманда пачала прагрэсаваць і з кожным сэзонам набліжацца да найвышэйшай прыступкі лігі. У 1959 годзе «Машынабудаўнік» заняў другое месца ў 6 зоне клясы «Б». Праз два гады ён атрымаў канчатковую назву «Ўралмаш» і паўтарыў посьпех, а ў сэзоне 1962 году каманда заняла першае месца ў сваёй зоне. У фінале «Уралмаш» заняў трэцяе месца, што не дазволіла клюбу прайсьці на павышэньне ў клясе. Аднак у 1963 годзе Фэдэрацыя футболу СССР прыняла рашэньне павялічыць лік камандаў клясы «А» да 38, падзяліўшы клясу на дзьве групы. Дадзенае рашэньне спрыяла выхаду клюбу ў другую групу клясы «А». У другой групе клясы «А» каманда правяла шэсьць сэзонаў, завяршыўшы сэзон 1968 году на першым месцы.

Сэзон 1969 году клюб правёў у вышэйшай лізе чэмпіянату СССР, аднак заняўшы апошні радок, зноўку вярнуўся ў дывізіён ніжэй. Гэта быў першы і апошні ўдзел сьвярдлоўскага клюбу ў элітным савецкім футбольным дывізіёне. У далейшым клюб выступаў у другім і трэцім дывізіёнах савецкага першынства. У 1976 годзе быў зафіксаваны адзін з рэкордаў выніковасьці ў гісторыі «Ўралмашу». У рамках другой лігі СССР чыцінскі «Лякаматыў» прыехаў у Сьвярдлоўск, маючы ў сваім складзе толькі 10 футбалістаў. Матч скончыўся перамогай футбалістаў Сьвярдлоўска зь лікам 9:0.

Пасьля распаду СССР клюбу выдалася магчымасьць выступаць у вышэйшай лізе чэмпіянату Расеі. У ёй «Уралмаш» правёў пяць сэзонаў з 1992 па 1996 гады, а найлепшым дасягненьнем за гэты час было восьмае месца ў 1993 і 1995 гадох. У 1996 годзе клюб страціў магчымасьць выступаць у эліце і апусьціўся ў першую лігу. На наступны сэзон клюб апусьціўся яшчэ ніжэй — у другую лігу.

Склад[рэдагаваць | рэдагаваць крыніцу]

Па стане на 6 красавіка 2020 году
Пазыцыя Імя Год нараджэньня
2 Сьцяг Расеі Аб Шамсідзін Шанбіеў 1997
3 Сьцяг Армэніі Аб Вараздат Араян 1992
4 Сьцяг Расеі Аб Арцём Мамін 1997
5 Сьцяг Польшчы Аб Мацей Вілюш 1988
6 Сьцяг Польшчы ПА Рафал Аўгустыняк 1993
8 Сьцяг Расеі ПА Раман Емяльянаў 1992
10 Сьцяг Румыніі ПА Эрык Бікфалві 1988
11 Сьцяг Расеі ПА Дзьмітры Яфрэмаў 1995
13 Сьцяг Камэруну ПА Пэтрус Бумаль 1993
14 Сьцяг Расеі ПА Юры Бавін 1994
15 Сьцяг Украіны Аб Дзяніс Кулакоў 1986
17 Сьцяг Баўгарыі Нап Мікалай Дымітраў 1987
18 Сьцяг Польшчы Нап Міхал Кухарчык 1991
Пазыцыя Імя Год нараджэньня
20 Сьцяг Расеі Нап Андрэй Панюкоў 1994
21 Сьцяг Расеі Аб Ісламжан Насыраў 1998
27 Сьцяг Расеі Аб Міхаіл Мяркулаў 1994
31 Сьцяг Расеі Бр Яраслаў Гадзюр 1985
35 Дзяржаўны сьцяг Беларусі Аб Мікалай Золатаў 1994
44 Сьцяг Расеі ПА Андрэй Ягорычаў 1993
57 Сьцяг Расеі ПА Арцём Фідлер (капітан) 1983
58 Сьцяг Нідэрляндаў ПА Атман Эль-Кабір 1991
77 Сьцяг Расеі Бр Алег Баклоў 1994
79 Сьцяг Расеі Нап Арцём Юсупаў 1997
88 Сьцяг Расеі Нап Павал Паграбняк 1983
95 Сьцяг Расеі Аб Ігар Калінін (ар. Дынама) 1995

Галоўныя трэнэры[рэдагаваць | рэдагаваць крыніцу]

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Commons-logo.svg Урал Екацярынбургсховішча мультымэдыйных матэрыялаў