Канстанцін Рудзянок

Зьвесткі зь Вікіпэдыі — вольнай энцыкляпэдыі
Канстанцін Рудзянок
Пэрсанальная інфармацыя
Нарадзіўся 15 сьнежня 1990(1990-12-15)[1] (33 гады)
Рост 193 см
Вага 88 кг[2]
Пазыцыя брамнік
Клюбы
Гады Клюб Гульні (галы)¹
2012 Гомель 0 (0)
2012 Нафтан 1 (0)
2013—2014 Дынама Берасьце 29 (0)
2015—2016 Слуцак 11 (0)
2016 Іслач 12 (0)
2017 Гомель 11 (0)
2017—2018 Дынама Берасьце 2 (0)
2018 → Тарпэда Менск 15 (0)
2018—2019 Армавір[d] 43 (0)
2020 Дынама Менск 1 (0)
2021 Спадарожнік 11 (0)
2021 Шахцёр Салігорск 0 (0)
2022 Іслач 3 (0)
2022—2023 Нёман Горадня 25 (0)

Канстанцін Рудзянок (нарадзіўся 15 сьнежня 1990 году) — беларускі футбаліст, брамнік казаскага «Кызылжару».

Кар’ера[рэдагаваць | рэдагаваць крыніцу]

Выхаванец гомельскага футболу. Гуляў за клюбны дубль «Гомлю». У траўні 2012 году пакінуў гомельчукоў[3] і ў хуткім часе перайшоў у наваполацкі «Нафтан». У пачатку 2013 году стаў гульцом берасьцейскага «Дынама», дзе неўзабаве быў прызначаны другім брамнікам пасьля Андрэя Клімовіча. Улетку 2013 году выходзіў у асноўным складзе ў двух матчах Кубка Беларусі, а 30 лістапада 2013 году выйшаў на зьмену замест Клімовіча ў апошнім туры супраць «Славіі», тым самым дэбютаваўшы за берасьцейскі клюёб у чэмпіянаце. Пасля зыходу Андрэя Клімовіча ў «Гомель» Рудзянок стаў асноўным брамнімкам «Дынама» ў сэзоне 2014 году, згуляў у 28 матчах чэмпіянату з 32 мажлівых. У сьнежні 2014 году па заканчэньні кантракта пакінуў каманду[4].

У студзені 2015 году склаў дамову з «Слуцкам»[5]. У слуцкім клюбе стаў другім брамнікам пасьля Артура Лясько. Сэзон 2016 году праз траўму Лясько Рудзянок пачынаў асноўным брамнікам, але потым страціў месца ў складзе. У ліпені 2016 году скасаваў кантракт з «Слуцкам»[6] і неўзабаве стаў гульцом «Іслачы»[7], дзе замацаваўся ў якасьці асноўнага брамніка. У сьнежні 2016 году вярнуўся ў «Гомель»[8]. У складзе роднага клюбу пачаў сэзон 2017 году ў якасьці галоўнага брамніка. У ліпені 2017 году яшчэ раз далучыўся да берасьцейскага «Дынама»[9]. Быў другім брамнікам дынамаўцаў пасьля Жэрэмі Малерба, пазьней, згуляўшы ў двух матчах, саступіў месца на полі Паўлу Паўлючэнку.

У пачатку 2018 году склад «Дынама» папоўніў брамнік нацыянальнай зборнай Аляксандар Гутар, і Рудзянок, ня маючы магчымасьці прабіцца ў склад, у сакавіку 2018 году на правах арэнды далучыўся да менскага «Тарпэда»[10]. У складзе сталічнага клюбу стаў асноўным брамнікам. У ліпені 2018 году пакінуў «Тарпэда»[11], а неўзабаве скасаваў дамову і зь берасьцейцамі[12]. Неўзабаве перайшоў у расейскі «Армавір»[13]. У сэзоне 2018—2019 гадоў быў трывалым асноўным брамнікам каманды, а ў другой палове 2019 года стаў часьцей заставацца на лаве запасных.

У студзені 2020 году паводле пагадненьня бакоў пакінуў «Армавір»[14] і ў хуткім часе далучыўся да табару менскага «Дынама»[15]. Быў другім брамнікам менчукоў пасьля Максіма Плотнікава. У чэрвені 2020 году быў пераведзены ў дубль[16], у асноўную каманду больш не вяртаўся. У сьнежні 2020 году па заканчэньні кантракта пакінуў «Дынама»[17].

У пачатку 2021 году далучыўся да рэчыцкага «Спадарожніка», дзе стаў асноўным брамнікам. У ліпені 2021 году перайшоў у салігорскі «Шахцёр»[18], дзе быў рэзэрвовым брамнікам і не зьяўляўся на полі. У студзені 2022 году па заканчэньні дамову пакінуў «Шахцёр»[19] і неўзабаве стаў гульцом «Іслачы»[20]. Пачынаў сэзон 2022 году ў якасьці асноўнага брамніка каманды, аднак у красавіку атрымаў траўму і больш не зьяўляўся на полі. У чэрвені 2022 году паводле пагадненьня бакоў пакінуў «Іслач»[21]. У ліпені 2022 году склаў угоду з гарадзенскім «Нёмнам»[22]

У 2022 годзе быў рэзэрвовым брамнікам, але ў сэзоне 2023 году ўжо замацаваўся ў пачатковым складзе і дапамог гарадзенцам здабыць срэбныя мэдалі чэмпіянату Беларусі. У студзені 2024 году пачаў трэнавацца з казаскім «Кызылжарам» і ў лютым афіцыйна быў аб’яўлены футбалістам клюбу[23].

Статыстыка[рэдагаваць | рэдагаваць крыніцу]

Клюб Сэзон Чэмпіянат
Дывізіён Матчы Галы
Слуцак 2015 Найвышэйшая ліга 6 –6
2016 Найвышэйшая ліга 5 –7
Іслач 12 –8
Гомель 2017 Найвышэйшая ліга 11 –8
Дынама Берасьце 2 –2
Тарпэда Менск 2018 Найвышэйшая ліга 15 –19

Крыніцы[рэдагаваць | рэдагаваць крыніцу]

  1. ^ а б в Konstantin Rudenok // Transfermarkt (мн.) — 2000.
  2. ^ а б в г https://www.fcneman.by/by/komanda/main/761.html
  3. ^ Константин Руденок покинул «Гомель»(недаступная спасылка)
  4. ^ Кирилл Вергейчик и Константин Руденок покинули брестское «Динамо»
  5. ^ Руденок стал игроком «Слуцка»
  6. ^ Курлович и Руденок расстаются со «Слуцком»
  7. ^ «Ислочь» объявила о подписании Константина Руденка
  8. ^ «Гомель» подписал Константина Руденка
  9. ^ «Гомель» объявил о переходе Константина Руденка в брестское «Динамо»
  10. ^ Минское «Торпедо» арендовало у брестского «Динамо» Руденка
  11. ^ Константин Руденок покинул минское «Торпедо»
  12. ^ Брестское «Динамо» сообщило о расторжении контракта с Константином Руденком
  13. ^ Константин Руденок перешел в «Армавир»
  14. ^ Руденок расторг контракт с «Армавиром»
  15. ^ Константин Руденок — новый вратарь минского «Динамо»
  16. ^ Юрий Поклад: «Руденок переведен в дубль. Кроме молодежи, в основном составе сейчас только Плотников и Помазан»
  17. ^ Пятеро футболистов покинули минское «Динамо»
  18. ^ "Шахтер" объявил о подписании Руденка
  19. ^ Кадровые новости
  20. ^ Константин Руденок подписал контракт с "Ислочью"
  21. ^ Футбол. Константин Руденок расстался с "Ислочью"(недаступная спасылка)
  22. ^ Константин Руденок подписал контракт с "Неманом"
  23. ^ Константин Руденок подписал контракт с "Кызыл-Жаром" (рас.)

Вонкавыя спасылкі[рэдагаваць | рэдагаваць крыніцу]

Атрымана з «https://be-tarask.wikipedia.org/w/index.php?title=Канстанцін_Рудзянок&oldid=2484392»