Джымі Ўэйлз

Зьвесткі зь Вікіпэдыі — вольнай энцыкляпэдыі
Джымі Ўэйлз
Jimmy Wales 2014 on CeBIT Global Conferences, Wikipedia Zero

Джы́мі До́наль «Джы́мба» Ўэйлз (па-ангельску: Jimmy Donal "Jimbo" Wales, нар. 7 жніўня 1966) — заснавальнік Фонду Wikimedia, некамэрцыйнай карпарацыі, якая кіруе Вікіпэдыяй і некаторымі іншымі вікі-праектамі. У 2003—2006 гг. быў прэзыдэнтам фонду. Ўэйлз таксама зьяўляецца заснавальнікам камэрцыйнай кампаніі «Wikia» (не зьвязаная з Wikimedia), у якой ён зьяўляецца сузаснавальнікам праекту «Wikicities».

Біяграфія[рэдагаваць | рэдагаваць крыніцу]

Нарадзіўся ў горадзе Ханцьвіль, штат Алабама, ЗША. Вучыўся ў Олбурнскім унівэрсытэце і Ўнівэрсытэце Алабамы. Зьбіраўся напісаць доктарскую дысэртацыю ў галіне фінансаў, але ў выніку яе не напісаў. Пазьней у Чыкага займаўся каштоўнымі паперамі, што дазволіла яму стварыць уласны капітал.

У 1990-х Ўэйлз заснаваў пошукавую сыстэму «Bomis». Але на гэты момант ён больш не ўваходзіць у ейную раду дырэктароў, хаця і зьяўляецца дагэтуль мажарытарным акцыянэрам.

У сакавіку 2000 году заснаваў вольную энцыкляпэдыю «Нупэдыя». Галоўным рэдактарам якой быў прызначаны Лары Сэнгер. Энцыкляпэдыя стваралася навукоўцамі і ўсе артыкулы праходзілі экспэртную ацэнку.

Прыватнае жыцьцё[рэдагаваць | рэдагаваць крыніцу]

У Джымі Ўэйлза ёсьць дачка Кіра (па-ангельску: Kira, нарадзілася ў 2000-2001 годзе), ейнае імя паходзіць ад імені галоўнай гераіні антыкамуністычнага раману «Мы — жывыя» Эйн Рэнд[1].

Глядзіце таксама[рэдагаваць | рэдагаваць крыніцу]

Крыніцы[рэдагаваць | рэдагаваць крыніцу]

  1. ^ Amy Chozick Jimmy Wales Is Not an Internet Billionaire  (анг.) // The New York Times. — 2013.

Вонкавыя спасылкі[рэдагаваць | рэдагаваць крыніцу]

Джымі Ўэйлзсховішча мультымэдыйных матэрыялаў