Гартс Эдынбург
| Гартс | ||||||
 | ||||||
| Поўная назва | Heart of Midlothian Football Club | |||||
|---|---|---|---|---|---|---|
| Заснаваны | 1874 | |||||
| Горад | Эдынбург, Шатляндыя | |||||
| Стадыён |
Тынкасл Умяшчальнасьць: 17 420 | |||||
| Прэзыдэнт | Эн Бадж[d] | |||||
| Галоўны трэнэр | ||||||
| Чэмпіянат | Прэм’ер-ліга | |||||
| · 2021—2022 | 3 месца | |||||
| ||||||
| heartsfc.co.uk(анг.) | ||||||
«Гарт оф Мідлётыян» (па-ангельску: Heart of Midlothian F.C.) — шатляндзкі футбольны клюб з гораду Эдынбургу, прадстаўнік Прэм’ер-лігі Шатляндыі. Адзін з двух клюбаў гораду, якія прадстаўляюць найвышэйшую лігу краіны, другі мае назоў «Гібэрніян». Хатнія матчы праводзіць на стадыёне «Тынкасл», які месьціцца ў эдынбурскім раёне Горгі. Стадыён зьяўляецца хатняй арэнай з 1886 году й зьмяшчае 17 420 гледачоў. У 2005 годзе летувіска-расейскі бізнэсоўца й банкір Уладзімер Раманаў выкупіў большую частку правоў на клюб у былога ўладальніка Крыса Робэртсана. На сёньняшні дзень клюб знаходзіцца пад вонкавым адміністрацыйным кантролем, паклаўшы канец уладаньню клюбам Уладзімерам Раманавым. Апошнім значным дасягненьнем клюбу лічыцца перамога ў Кубку Шатляндыі ў 2012 годзе, дзе ў фінале «сэрцы» перамаглі свайго спрадвечнага суперніка клюб «Гібэрніян» зь лікам 5:1[1].
Гісторыя[рэдагаваць | рэдагаваць крыніцу]
Найбольш ранішняе згадваньне клюбу пад назовам Heart of Midlothian у спартовым кантэксьце было зроблена ў газэце The Scotsman 20 ліпеня 1864 году, калі каманда The Scotsman і Heart of Midlothian праводзілі гульню ў крыкет. На сёньняшні дзень невядома меў гэты клюб дачыненьне да футбольнага ці не, але ў тыя часу ў Брытаніі шмат клюбаў таксама добра гулялі ў іншых відах спорту[2]. «Гартс» быў заснаваны ў 1874 году. Па розных меркаваньнях назва была ўзята ад папулярнай невялічкай танцавальнай залі[3], якая ў сваю чаргу так звалася па вядомым рамане сэра Ўолтэра Скота «Сэрца графства Лётыян» (Heart of Midlothian).
Клюб пачаў мець сур’ёзныя фінансавыя праблемы ў лістападзе 2011 году, што азначала, што кіраўніцтва было не ў стане выплаціць гульцам заробную плату[4], і клюб быў выстаўлены на продаж[5]. Заробак за кастрычнік быў выплачаны позна, а заробак за лістапад гульцы ўбачылі толькі праз дваццаць дзевяць дзён, літаральна за дзень іхнага заробку за сьнежань[6]. Але й заробак за сьнежань таксама ня быў выплачаны своечасова[7], з-за чаго прафзьвяз гульцоў падаў скаргу ў кіраўніцтва шатляндзкай Прэм’ер-Лігі[8]. У гэты пэрыяд клюб параіў гульцам шукаць новы клюб[9]. 4 студзеня 2012 году кіраўніцтва Прэм’ер-Лігі загадала «Гартсу» выплаціць усе нявыплачаныя заробкі да 11 студзеня й настойвала, каб заработная плата студзеня павінна была быць выплачана ў тэрмін да 16 студзеня[10]. «Гартс» выплаціў усе заробкі 16 студзеня пасьля продажу Эгерта Ёнсана ва «Ўулвэргэмптан Ўандэрэрз»[11].
17 чэрвеня 2013 году «Гартс» быў перададзіны пад вонкавы кантроль, маючы пазыку ў памеры 25 мільёнаў фунтаў стэрлінгаў[12].
Фарм-клюбы[рэдагаваць | рэдагаваць крыніцу]
Наступныя клюбы раней прымыкалі да «Гартсу», калі яны ўваходзілі ў холдынг Уладзімера Раманава: «Коўна» (Летува), «Партызан» (Беларусь).
Дасягненьні[рэдагаваць | рэдагаваць крыніцу]
- Чэмпіён Шатляндыі: 4
- 1895, 1897, 1958, 1960
- Уладальнікі Кубка Шатляндыі: 8
- 1891, 1896, 1901, 1906, 1956, 1998, 2006, 2012
- Уладальнікі Кубка лігі Шатляндыі: 4
- 1955, 1959, 1960, 1963
Склад[рэдагаваць | рэдагаваць крыніцу]
- Актуальны на 10 лютага 2023 году
|
|
.svg){kind=small}
Крыніцы[рэдагаваць | рэдагаваць крыніцу]
- ^ "Hearts's demolition of Hibernian in Scottish Cup final devoid of fire". Guardian.
- ^ The Scotsman. Нумар ад 20 ліпеня 1864, London Hearts.
- ^ Альбэрт МакКі, «The Hearts 1959» ст. 29
- ^ "Hearts failure! Tynecastle club admit they can't afford to pay players' wages". Daily Mail.
- ^ "Romanov puts Hearts up for sale". Sky Sports.
- ^ "Hearts stars finally get November pay but will complain to SPL if December wages don't arrive". Daily Record.
- ^ "Hearts players’ pay: Delayed November wages are paid but Hearts players still ready to act"(недаступная спасылка). The Scotsman.
- ^ "Hearts squad lodge official SPL complaint over unpaid wages"(недаступная спасылка). Scottish Television.
- ^ "Hearts surgery". The Sun.
- ^ "SPL Statement ~ Heart of Midlothian FC". Scottish Premier League.
- ^ "Hearts pay overdue December wages thanks to Eggert Jonsson sale to Wolves". The Telegraph.
- ^ Hearts: SPL side to enter administration. BBC News
Вонкавыя спасылкі[рэдагаваць | рэдагаваць крыніцу]
| Агульныя | |
|---|---|
| Нацыянальныя бібліятэкі | |
