Гамэльн

Гамэльн
Населены пункт
Сьцяг Герб
Кароткая назва: Hmln
Краіна	Нямеччына
Кіраўніцтва і ўлада
Кіраўнік адміністрацыі	Кляўдыё Грызэ[d]
Геаграфія
Плошча	102,53 км² (31 сьнежня 2017)
Вышыня НУМ	68 м
Часавы пас	UTC+1 і UTC+2
Каардынаты	52°06′ пн. ш. 9°22′ у. д.
Насельніцтва
Колькасьць	▲57 916 чал. (31 сьнежня 2023)
Лічбавыя ідэнтыфікатары
Тэлефонны код	05151 і 05158
Паштовы індэкс	31785, 31787 і 31789
Нумарны знак	HM
Сайт	hameln.de (ням.)
Гамэльн на мапе Нямеччыны Гамэльн

Га́мэльн (па-нямецку: Hamelin) — горад у Нямеччыне, у зямлі Ніжняй Саксоніі. Адміністрацыйны цэнтар акругі Гамэльн-Пірмант. Месьціцца на рацэ Вэзэр. Горад больш за ўсё вядомы дзякуючы паданьню пра Гамэльнскага пацукалова.

Гісторыя

Гамэльн пачаўся з манастыру, які быў закладзены яшчэ ў 851 годзе нашай эры. У навакольлі паўстала вёска, якая ў XII стагодзьдзі стала горадам. Лічыцца, што выпадатак зь вядомым міталягічным Гамэльнскім пацукаловам адбыўся ў 1284 годзе і можа быць быў рэальным пэрсанажам, але і некалькі адрозьніваецца ад традыцыйнай гісторыі. У XV—XVI стагодзьдзях Гамэльн быў другарадным сябрам Ганзейскага зьвязу. У чэрвені 1634 году, за часам Трыццацігадовай вайны, генэрал імпэрскага войска Лётар Дытрых зьведаў паразу ў бітве пры Ольдэндорфе ад швэдзкага генэрала Дода Кніпгаўзэна пасьля таго, як Гамэльн быў абложаны швэдзкім войскам.

Эпоха найбольшага росквіту гораду пачалася ў 1664 годзе, калі места стала памежным умацаваным горадам княства Каленбэрг. У 1705 годзе Гамэльн стаў часткай нядаўна створанага курфюрства Гановэр, калі прынц Георг Люі, які пазьней стаў каралём Вялікабрытаніі, атрымаў у спадчыну княства Люнэбург. Гамэльн быў аточаны чатырма крэпасьцямі, праз што места атрымала мянушку «Паўночны Гібральтар». У выніку горад стаў самым моцна ўмацаваным у Гановэрскім курфюрстве. У 1806 годзе Гамэльн бяз бою здаўся францускім войскам пасьля перамогі Напалеона ў бітве пры Ене і Аўэрштэцы.

Вонкавыя спасылкі

• Афіцыйны сайт гораду