Васіль Казакоў

	Васіль Казакоў
Міністар аховы здароўя Рэспублікі Беларусь
	17 ліпеня 1990 — 25 кастрычніка 1994
Прэм’ер-міністар:	Вячаслаў Кебіч
Папярэднік:	пасада створаная
Наступнік:	Інэса Драбышэўская
Асабістыя зьвесткі
Нарадзіўся:	4 сакавіка 1935; в.Усушак Чавускі раён, БССР
Памёр:	9 верасьня 2018 (83 гады)
Адукацыя:	Менскі дзяржаўны мэдычны інстытут
Узнагароды:

Вікіпэдыя мае артыкулы пра іншых асобаў з прозьвішчам Казакоў (неадназначнасьць).

Васі́ль Сьцяпа́навіч Казако́ў (4 сакавіка 1935, в.Усушак Чавускага раёна Магілёўскай вобласьці — 9 верасьня 2018^[1]) — беларускі дзяржаўны дзеяч, першы міністар аховы здароўя незалежнай Беларусі з 1990 па 1994 год.

Жыцьцяпіс[рэдагаваць | рэдагаваць крыніцу]

У 1959 годзе скончыў Менскі дзяржаўны мэдычны інстытут.

Пасьля заканчэньня ВНУ вярнуўся ў родны рэгіён, дзе прайшоў усе прыступкі службовай лесьвіцы — ад шараговага ўрача да абласнога кіраўніка. Чатыры гады працаваў тэрапэўтам Хоцімскай райбальніцы, яшчэ пяць гадоў — намесьнікам галоўнага ўрача.

З 1965 па 1972 гады ўзначальваў Касьцюковіцкую райбальніцу. У 1972 яму прапанавалі пасаду намесьніка загадчыка аддзела аховы здароўя Магілёўскага аблвыканкама, а потым 9 гадоў ён кіраваў гэтым аддзелам.

У 1987—1990 — намесьнік міністра аховы здароўя БССР.

У 1990^[2] — 1994^[3] гг. — міністар аховы здароўя Рэспублікі Беларусь.

З 1994 году — галоўны ўрач санаторыю-прафілякторыю «Сьвітанак».

Пад рэдакцыяй В. Казакова выдадзены «Даведнік лекара агульнай практыкі» ў 2 тамах. Ён — аўтар шэрагу прац пра захворваньні дзяцей у Беларусі пасьля аварыі на ЧАЭС.

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Міністры аховы здароўя Беларусі: 1919—2011 гг. ^(рас.)
І. В. Панцюк. «Камісары і міністры аховы здароўя Беларусі: гісторыка-біяграфічныя звесткі»^(рас.)
Горние институты Василия Казакова(недаступная спасылка) ^(рас.)
Горние институты Василия Казакова(недаступная спасылка) ^(рас.)
Экс-министру и «отцу» нашей газеты — 75!(недаступная спасылка) ^(рас.)

[1] Памёр першы міністар аховы здароўя Беларусі Васіль Казакоў // Наша Ніва, 11 верасьня 2018 г. Праверана 11 верасьня 2018 г.

[2] Пастанова Вярхоўнага Савета Беларускай ССР ад 17 ліпеня 1990 г. №145-XII «Аб прызначэньні Міністра аховы здароўя Беларускай ССР»^(рас.)

[3] Пастанова Кабінэта Міністраў Рэспублікі Беларусь ад 24 кастрычніка 1994 г. №131 «Аб адстаўцы Міністра аховы здароўя Рэспублікі Беларусь Казакова В.С.»^(рас.)

[1]

[2]

[3]