Антон Францішак Брыль

Вонкавыя відэафайлы
	Бэўвульф у арыгінале і перакладзе А. Ф. Брыля — YouTube

	Антон Францішак Брыль
Асабістыя зьвесткі
Нарадзіўся	18 жніўня 1982 (42 гады); Менск
Бацькі	Андрэй Брыль[d]
Літаратурная дзейнасьць
Род дзейнасьці	перакладчык, паэт
Прэміі	«Дэбют» (2012)
Узнагароды	Прэмія імя Карласа Шэрмана (2019) прэмія Цёткі

Анто́н Франці́шак Брыль (нар. 18 жніўня 1982, Менск) — беларускі перакладчык і паэт. Унук Янкі Брыля^[1].

Перакладаў творчасьць Ўільяма Батлера Ейтса, Гая Валерыюса Катула, Джона Толкіна, Сюзаны Кларк і інш. Сярод найбуйнейшых перакладзеных твораў — стараангельская паэма «Бэўвульф».

Біяграфія

Нарадзіўся 18 жніўня 1982 году ў Менску. У 1999 годзе скончыў матэматычную клясу Ліцэю БДУ. У 2004 годзе скончыў факультэт прыкладной матэматыкі і інфарматыкі БДУ па спэцыяльнасьці «матэматык-праграміст». Увесну 2008 году атрымаў ступень PhD ў Трэнцкім Унівэрсытэце ў Італіі па спэцыяльнасьці «machine learning». Жыў ў Дубліне, працаваў на факультэце інфарматыкі Дублінскага гарадзкога ўнівэрсытэту. Цяпер пражывае ў Цюрыху^[2]. Фіналіст конкурсу маладых літаратараў імя Ўладзімера Караткевіча ў 2005 годзе^[1]. Першым на беларускую мову пераклаў гімн Кэдмана — найранейшы помнік стараангельскай паэзіі.

21 чэрвеня 2011 году ў Менску быў прэзэнтаваны дэбютны зборнік аўтара «Не ўпаў жолуд», які зьмяшчае вершы і малыя паэмы, напісаныя ў 2003—2011 гады^[1]. Зборнік заняў другое месца сярод дзесяці найбольш значных літаратурна-мастацкіх выданьняў 2011 году паводле вэрсіі часопіса «Маладосць»^[3] і дзясятае месца паводле вэрсіі газэты «Наша Ніва»^[4]. Зборнік прызнаны найлепшай дэбютнай кнігай паэзіі 2011 году паводле Беларускага ПЭН-цэнтру і Саюзу беларускіх пісьменьнікаў^[2].

Ляўрэат прэміі часопіса «ПрайдзіСвет» за 2011 год за пераклады з польскай і лаціны^[5] (Ф. Д. Князьнін, А. Э. Адынец, Ю. У. Нямцэвіч, Г. В. Катул). Пераклад стараангельскай паэмы «Бэўвульф» (апублікаваны асобным выданьнем у 2013 годзе) газэта «Звязда» назвала «галоўнай беларускай кнігай 2013 году»^[6].

Крыніцы

^ ^а ^б ^в Прэзентацыя кнігі Антона Францішка Брыля — 21 ліпеня. Наша Ніва (21 ліпеня 2011). Праверана 22 ліпеня 2011 г.
^ ^а ^б Найлепшай дэбютнай кнігай — 2011 стала…. Радыё Свабода (14 сакавіка 2012). Праверана 15 сакавіка 2012 г.
^ Чарнякевіч, Ц. Кніга года-2011 па версіі часопіса «Маладосць» // Маладосць. — 2011. — № 12.
^ Макарэвіч, С. Найлепшыя кнігі 2011. Наша Ніва. Праверана 5 лютага 2012 г.
^ Лаўрэаты прэміі «ПрайдзіСвета» за 2011 год – Башарымава, Мартысевіч і Брыль. ПрайдзіСвет (27 чэрвеня 2012). Праверана 28 чэрвеня 2012 г.
^ Ціхан Чарнякевіч І наш "Бэўвульф" // Звязда. — М.: 2013.

Літаратура

Бэўвульф / пер. са стараанглійскай мовы Антона Францішка Брыля. — Мінск : Зміцер Колас, 2013. — 130 с.

Вонкавыя спасылкі

Антон Францішак Брыль на ПрайдзіСвеце
Брыль, А. Ф. Уславім годна гаспадара горняга: духоўная паэзія англасаксаў // Наша Вера. — 2008. — В. 46. — № 4.
Антон Францішак Брыль: Добрая брытанская кніжка // ПрайдзіСвет, 21 красавіка 2010
Антон Францішак Брыль: Я спрабую напісаць верш, які сам стаў бы чытаць // ПрайдзіСвет, 09 жніўня 2011
Антон Францішак Брыль: Пра ўсё і пра ўсіх // ПрайдзіСвет, 14 лістапада 2011

[ref1-1] а ^б ^в Прэзентацыя кнігі Антона Францішка Брыля — 21 ліпеня. Наша Ніва (21 ліпеня 2011). Праверана 22 ліпеня 2011 г.

[gf-2] а ^б Найлепшай дэбютнай кнігай — 2011 стала…. Радыё Свабода (14 сакавіка 2012). Праверана 15 сакавіка 2012 г.

[3] Чарнякевіч, Ц. Кніга года-2011 па версіі часопіса «Маладосць» // Маладосць. — 2011. — № 12.

[4] Макарэвіч, С. Найлепшыя кнігі 2011. Наша Ніва. Праверана 5 лютага 2012 г.

[5] Лаўрэаты прэміі «ПрайдзіСвета» за 2011 год – Башарымава, Мартысевіч і Брыль. ПрайдзіСвет (27 чэрвеня 2012). Праверана 28 чэрвеня 2012 г.

[6] Ціхан Чарнякевіч І наш "Бэўвульф" // Звязда. — М.: 2013.

[1]

[2]

[3]

[4]

[5]

[6]