Перайсьці да зьместу

Антон Суша

Зьвесткі зь Вікіпэдыі — вольнай энцыкляпэдыі
Антон Суша
Пэрсанальная інфармацыя
Нарадзіўся 25 студзеня 2000(2000-01-25)[1] (26 гадоў)
Рост 181 см
Вага 80 кг[1]
Пазыцыя паўабаронца
Клюбная інфармацыя
Клюб Хваля
Клюбы
Гады Клюб Гульні (галы)¹
2019—2022 Дынама Менск 1 (0)
2020 → Гомель 16 (0)
2021 → Гомель 7 (0)
2022 → Арсэнал Койданаў 3 (0)
2022 → Слуцак 5 (0)
2024—2025 Нафтан 11 (0)
2026—4 Хваля
Зборныя
2019—2021 Беларусь (да 21) 3 (0)

Анто́н Су́ша (нар. 25 студзеня 2000 году) — беларускі футбаліст, паўабаронца пінскай «Хвалі».

Кар’ера

[рэдагаваць | рэдагаваць код]

Клюбная

[рэдагаваць | рэдагаваць код]

Выхаванец СДЮШАР гораду Ігумен. З 2017 году пачаў выступаць за дубль «Дынама», пазьней зрэдку пачаў прыцягвацца да асноўнай каманды. 22 чэрвеня 2019 году дэбютаваў у Найвышэйшай лізе, калі выйшаў у пачатковым складзе ў матчы супраць жодзінскага «Тарпэда-БелАЗ» (0:3) і быў заменены на 31-й хвіліне пры ліку 0:2.

У студзені 2020 году праходзіў прагляд у мазырскай «Славіі», але беспасьпяхова. Пазьней далучыўся да «Гомлю» і ў лютым 2020 году быў арандаваны гэтым клюбам на cэзон 2020 году[3]. У складзе гомельскай каманды пераважна выходзіў на замену. У сьнежні 2020 году вярнуўся ў «Дынама»[4]. У пачатку 2021 году трэнаваўся разам з асноўнай камандай дынамаўцаў, у выніку пачаў у ейным складзе cэзон 2021 году. Заставаўся на лаўцы запасных, гуляючы за дубль. За першую каманду толькі аднойчы выйшаў на замену 23 чэрвеня ў кубкавым матчы супраць «Ліды» (3:0). У ліпені 2021 году зноў быў аддадзены ў арэнду ў «Гомель»[5], дзе 7 разоў выйшаў на замену ў Найвышэйшай лізе і аднойчы ў Кубку Беларусі. У лістападзе 2021 году па заканчэньні арэнды вярнуўся ў «Дынама»[6].

У лютым 2022 году знаходзіўся разам з асноўным складам дынамаўцаў на міжcэзонным зборы ў Сочы, а пасьля вяртаньня праходзіў прагляд у бабруйскай «Белшыне», а ў сакавіку на правах арэнды далучыўся да койданаўскага «Арсэнала»[7]. Не замацаваўся ў камандзе, звычайна заставаўся на лаўцы запасных, зрэдку выходзячы на замену. У ліпені 2022 году арэнда была датэрмінова спыненая[8], і ў хуткім часе паўабаронца быў наноў арандаваны, ужо «Слуцкам»[9]. У слуцкай камандзе спачатку выходзіў на замену, пасьля пачаў заставацца на лаўцы запасных. У сьнежні 2022 году па заканчэньні арэнды пакінуў «Слуцак»[10]. У пачатку 2023 году некаторы час трэнаваўся з дублем «Дынама», але пасьля пакінуў сталічны клюб. У ліпені 2024 году стаў гульцом наваполацкага «Нафтану»[11], а ў студзені 2025 году падоўджыў супрацу з клюбам[12]. Праз год далучыўся да пінскай «Хвалі»[13].

Міжнародная

[рэдагаваць | рэдагаваць код]

10 верасьня 2019 году дэбютаваў у моладзевай зборнай Беларусі, выйшаўшы на замену ў другім тайме ў адборачным матчы чэмпіянату Эўропы супраць зборнай Партугаліі (0:2).

Крыніцы

[рэдагаваць | рэдагаваць код]
  1. 1 2 http://sfc-slutsk.by/person/421
  2. ↑ https://betnews.by/player/anton-susha-naftan-belarus/
  3. ↑ "Гомель" арендовал Сушу и Зайца
  4. ↑ Возвращение Янсане: Беларусь или Казахстан? Архівавана 6 мая 2021.
  5. ↑ Минское "Динамо" отправило трех игроков в аренду
  6. ↑ Арендованные игроки «Гомеля» вернулись в расположение своих клубов
  7. ↑ Минское "Динамо" отдало Антона Сушу в аренду дзержинскому "Арсеналу"
  8. ↑ Васьков, Суша и Малащицкий покинул "Арсенал"
  9. ↑ Минское "Динамо" отдало Сушу в аренду "Слуцку"
  10. ↑ Четверо футболистов покинуло "Слуцк" (рас.) Праверана 2022-12-20 г.
  11. ↑ "Нафтан" усилился 24-летним полузащитником (рас.)
  12. ↑ Капитан и еще пять игроков продлили контракты с «Нафтаном» (рас.). Bet News (2025-01-10). Праверана 2025-03-09 г.
  13. ↑ Антон Суша перешел в "Волну" (рас.). Football.by (2026-02-03). Праверана 2026-02-10 г.

Вонкавыя спасылкі

[рэдагаваць | рэдагаваць код]
Атрымана з «https://be-tarask.wikipedia.org/w/index.php?title=Антон_Суша&oldid=2657358»