Антон Пуціла

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Антон Пуціла
Антон Пуціла
Пэрсанальная інфармацыя
Нарадзіўся 23 чэрвеня 1987 (32 гады)
Ворша, БССР
Рост 180 см
Вага 74 кг
Пазыцыя паўабаронца
Клюбная інфармацыя
Клюб Алтай
Нумар 15
Клюбы
Гады Клюб Гульні (галы)¹
2004—2010
2008
2010—2013
2013—2014
2014—2015
2015—2017
2017—2018
2019—
Дынама Менск
Гамбург
Фрайбург
Волга
Тарпэда Масква
Газыянтэпспор
Анкарагюджу
Алтай
80 (7)
3 (0)
45 (0)
37 (2)
20 (4)
31 (2)
34 (4)
7 (0)
Зборныя
2008— Беларусь 56 (6)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана на
17 сакавіка 2019.
² Колькасьць гульняў і галоў за нацыянальную зборную
ў афіцыйных матчах, адкарэктавана на
24 сакавіка 2019.

Анто́н Канстанты́навіч Пуці́ла (нарадзіўся 23 чэрвеня 1987 году, Ворша, БССР) — беларускі футбаліст, гулец турэцкага клюбу «Алтай» і нацыянальнай зборнай Беларусі. Гуляе на пазыцыі паўабаронцы.

Кар’ера[рэдагаваць | рэдагаваць крыніцу]

Выхаванец аршанскай ДЮСШ і РДВАР-«Дынама» (Менск). Прафэсійную кар’еру пачаў у менскім «Дынама» ў 2004 годзе, дзе выступаў за дубль і дэбютаваў у чэмпіянаце Беларусі. У 2005 годзе цягам сэзону ўвайшоў у асноўны склад каманды.

У лістападзе 2007 году Пуціла тры тыдні знаходзіўся на праглядзе ў «Гамбургу», дзе трэніраваўся й удзельнічаў у спарынгах з аматарскай і другой камандай клюбу, а з асновай правёў некалькі трэніровак. У выніку было вырашана, што Антон будзе выступаць за нямецкі клюб на правах арэнды да канца 2008 году з правам выкупу[1]. Дэбют за «Гамбург» у Бундэсьлізе адбыўся 10 студзеня 2008 году ў хатнім матчы супраць «Бохуму», дзе Антон выйшаў на замену на 81 хвіліне. За год у чэмпіянаце Нямеччыны ён выходзіў на поле ўсяго 3 разы. Да заканчэньня тэрміну арэнды ў «Гамбургу», дзе на Пуціла больш не разьлічвалі, у лістападзе ён пабываў на праглядзе ў маскоўскім «Лякаматыве», але да канкрэтных прапановаў справа не дайшла[2]. У міжсэзоньні Антон вярнуўся назад у «Дынама», якому належаў паводле кантракту яшчэ на працягу двух гадоў.

У жніўні 2010 году Пуціла перайшоў у «Фрайбург»[3], у дэбютным сэзоне за які ў чэмпіянаце правёў 25 матчаў і вызначыўся дзьвюмя галявымі перадачамі. У лютым 2013 году кантракт быў скасаваны па дамоўленасьці бакоў[4].

У лютым 2013 году падпісаў кантракт з расейскім клюбам «Волга» да канца сэзону 2012—2013 гадоў[5]. Па выніках сэзону 2013—2014 году «Волга» вылецела з расейскай прэм’ер-лігі, што дазволіла Пуцілу скасаваць кантракт паводле адпаведнага пункту ў ім[6]. Пасьля гэтага Антон зьехаў у Менск, дзе падтрымліваў форму разам з клюбам «Менск», пры гэтым чакаючы прапановаў ад іншых клюбаў.

1 верасьня 2014 году як вольны агент перайшоў у склад расейскага клюбу «Тарпэда», дамова была разьлічана да 31 траўня 2016 году[7][8]. У ліпені 2015 году падпісаў кантракт на два гады з турэцкім клюбам «Газыянтэпспор»[9]. У жніўні 2017 году падпісаў кантракт з клюбам «Анкарагюджу»[10]. У студзені 2019 году перайшоў у турэцкі клюб «Алтай»[11].

Міжнародная кар’ера[рэдагаваць | рэдагаваць крыніцу]

У нацыянальнай зборнай Беларусі дэбютаваў 4 лютага 2008 году ў турніры нацыянальных зборных на Мальце ў матчы супраць зборнай Армэніі (1:2).

Дасягненьні[рэдагаваць | рэдагаваць крыніцу]

«Дынама» Менск

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]