Андрэй Гарбуноў

**Андрэй Гарбуноў**
	Андрэй Гарбуноў
Пэрсанальная інфармацыя
Нарадзіўся	29 траўня 1983 (41 год); Магілёў, БССР, СССР;
Рост	190 см
Вага	83 кг
Пазыцыя	брамнік
Клюбы
Зборныя

Андрэй Гарбуноў (нарадзіўся 29 траўня 1983 году, Магілёў, БССР) — колішні беларускі футбаліст, брамнік. Былы гулец нацыянальнай зборнай Беларусі. Уваходзіць у Клюб беларускіх брамнікаў, якія не прапускалі галы ў 100 і болей матчах на найвышэйшым узроўні^[3]. Цяпер працуе трэнэрам.

Паводле некаторых меркаваньняў добра валодаў гульнёй нагамі й гуляў на лініі брамы^[4]. Андрэй меў мару выступаць за маскоўскі ЦСКА, за які заўзеў ягоны бацька^[5].

Кар’ера

Клюбная

Футболам пачаў займацца ў магілёўскай СДЮШАР-7, а прафэсійную кар’еру пачаў у клюбе «Вейна-Дняпро» ў 2000 годзе. З наступнага сэзону абараняў колеры шклоўскага «Спартака», а ў 2002 годзе быў залічаны ў склад магілёўскага «Дняпра»^[6], дзе правёў далі доўгі час, паступова заняўшы месца ў асноўным складзе. Пасьля гэтага некалькі сэзонаў правёў у складзе менскага «Дынама».

У жніўні 2011 году падпісаў кантракт з клюбам «Нёман» з Горадні^[7]. 13 студзеня 2012 году перайшоў у барысаўскі БАТЭ^[8]. Дзякуючы добрай гульні амаль адразу стаўся асноўным галкіпэрам клюбу, здолеўшы выбіць са складу гульца нацыянальнай зборнай Аляксандра Гутара. Усяго празь некалькі месяцаў знаходжаньня ў стане клюбу падоўжыў кантракт да 2015 году^[5]. Паводле вынікаў сэзону 2012 году быў абраны найлепшым гульцом барысаўскага клюбу за бягучы год, апярэдзіўшы на 2 пункты паўабаронцу Рэнана Брэсана^[9]. Акрамя таго Гарбуноў стаўся й найлепшым брамнікам чэмпіянату^[10].

У пачатку красавіка 2014 году кантракт з БАТЭ быў скасаваны па ўзаемнай згодзе^[11]. У першай палове 2014 году заставаўся бяз клюбу, аднак у ліпені 2014 году падпісаў кантракт з грэцкім клюбам «Атромітас»^[12]. Спачатку быў другім брамнікам клюбу, а ў лістападзе 2014 году здолеў замацавацца ў стартавым складзе. Выявіў сябе выдатным футбалістам у сэзоне 2014—2015 гадоў, калі згуляў 12 «сухіх» матчаў у чэмпіянаце і дапамог «Атромітасу» трапіць у Лігу Эўропы. 6 жніўня 2015 году, захаваўшы ў недатыкальнасьці браму ў матчы Лігі Эўропы супраць швэдзкага АІКу (1:0), дасягнуўшы адзнакі ў 100 «сухіх» матчаў на найвышэйшым узроўні і тым самым далучыўшыся да беларускага клюбу «сухіх» брамнікаў^[13]. У пачатку 2016 году страціў месца ў асноўным складзе і да канца сэзону не зьяўляўся на полі. «Атромітас» прапанаваў падоўжыць кантракт, але Андрэй разглядаў іншыя варыянты працягу кар’еры^[14]. 27 чэрвеня футбаліст усё ж пастанавіў застацца ў «Атромітасе», адначасна зьмяніўшы нумар з 30-га на 35-ы^[15]. У сэзоне 2016—2017 гадоў быў трывалым асноўным брамнікам. Пакінуў клюб у траўні 2017 году^[16].

У студзені 2018 году падпісаў кантракт зь менскім «Дынама»^[17]. Замацаваўся ў якасьці першага брамніка каманды, выцесьніўшы Сяргея Ігнатовіча. Паводле вынікаў сэзону 2018 году быў прызнаны найлепшым брамнікам чэмпіянату Беларусі. У студзені 2019 году стала вядома, што Гарбуноў пакідае «Дынама» па заканчэньні ўгоды^[18]. У студзені 2019 году перайшоў у «Тарпэда-БелАЗ»^[19]. У жодзінскай камандзе ня даў рады ў канкурэнтнай барацьбе з Уладзімерам Бушмам, у выніку чаго ў матчах зьяўляўся эпізадычна, а з верасьня праз траўмы выбыў да канца сэзону. У пачатку 2020 году заставаўся па-за складам ды не браў удзелу ў таварыскіх матчах. У сакавіку 2020 году кантракт з «Тарпэда-БелАЗ» быў скасаваны^[20].

Міжнародная

30 сакавіка 2015 году дэбютаваў у складзе нацыянальнай зборнай Беларусі ў таварыскай гульні супраць зборнай Габону.

Дасягненьні

Чэмпіён Беларусі: 2012, 2013
Срэбраны прызэр чэмпіянату Беларусі: 2008, 2009
Бронзавы прызэр чэмпіянату Беларусі: 2018
Найлепшы брамнік чэмпіянату Беларусі: 2012, 2018
У сьпісе 22 найлепшых гульцоў чэмпіянату Беларусі: 2012, 2013, 2018
Уладальнік самай працяглай сухой сэрыі чэмпіянату Беларусі ў 2008 годзе

Статыстыка

Клюб	Сэзон	Чэмпіянат
Клюб	Сэзон	Дывізіён	Матчы	Галы
Дынама Менск	2018	Найвышэйшая ліга	28	–14

Крыніцы

Вонкавыя спасылкі

[_4ec62d80018dea0c-1] а ^б ^в Andrey Gorbunov // Transfermarkt (мн.) — 2000.

[_0dac7f19d6ba40d6-2] а ^б ^в Andrey Harbunow // FBref.com (мн.)

[3] Андрей Горбунов провел 100 «сухих» матчей на высшем уровне (рас.)

[4] Андрей Горбунов: «После завершении карьеры хочется остаться в футболе»

[goals_27112012-5] а ^б Андрей Горбунов: «Всегда мечтал играть за московский ЦСКА»

[6] Голкипер Андрей Горбунов стал футболистом борисовского БАТЭ

[7] Горбунов подписал контракт с «Неманом» (рас.)

[8] Андрей Горбунов стал игроком БАТЭ (рас.) «Прессбол», 13 студзеня 2012

[9] БАТЭ определил Горбунова лучшим игроком сезона

[10] Андрей Горбунов: «Удивлен, что Сулимы не было в списке претендентов на награду»

[11] БАТЭ расстался с Горбуновым (рас.)

[12] Андрей Горбунов подписал контракт с «Атромитосом»

[13] Андрей Горбунов сыграл 100 "сухих" матчей на высшем уровне

[14] У Андрея Горбунова есть несколько вариантов продолжения карьеры

[15] Андрей Горбунов продлил контракт с "Атромитосом" и сменил игровой номер

[16] «Атромитос» попрощался с Андреем Горбуновым (рас.)

[17] Андрей Горбунов стал игроком минского «Динамо» (рас.)

[18] Горбунов покинул минское "Динамо"

[19] «Торпедо-БелАЗ» объявило о подписании Горбунова (рас.)

[20] Горбунов покинул "Торпедо-БелАЗ", По и Бондаренко на правах аренды перешли в "Смолевичи"

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]

Пэрсанальная інфармацыя
Андрэй Гарбуноў

Нарадзіўся	29 траўня 1983(1983-05-29)^[1]^[2] (41 год) Магілёў, БССР, СССР
Рост	190 см
Вага	83 кг
Пазыцыя	брамнік
Клюбы
Гады	Клюб	Гульні (галы)¹
2000	Вейна^[d]	3 (0)
2001	Спартак Шклоў	16 (0)
2002—2007	Дняпро Магілёў	67 (0)
2008—2011	Дынама Менск	61 (0)
2011	Нёман Горадня	9 (0)
2012—2014	БАТЭ	57 (0)
2014—2017	Атромітас	76 (0)
2018	Дынама Менск	28 (0)
2019	Тарпэда-БелАЗ	6 (0)
Зборныя
2015—2019	Беларусь	19 (0)