Перайсьці да зьместу

Уладзімер Бушма

Зьвесткі зь Вікіпэдыі — вольнай энцыкляпэдыі
Уладзімер Бушма
Пэрсанальная інфармацыя
Нарадзіўся 24 лістапада 1983(1983-11-24)[1] (41 год)
Рост 190 см[3]
Вага 80 кг[3]
Пазыцыя брамнік
Клюбная інфармацыя
Клюб Крумкачы
Нумар 1
Клюбы
Гады Клюб Гульні (галы)¹
2002—2010 Тарпэда-БелАЗ 88 (0)
2011—2012 Гомель 53 (0)
2013—2014 Менск 52 (0)
2015—2017 Шахцёр Салігорск 62 (0)
2018—2022 Тарпэда-БелАЗ 89 (0)
2022 Макслайн 0 (0)
2023—4 Крумкачы 28 (0)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана на
2 лістапада 2024.

Уладзімер Бушма (нарадзіўся 24 лістапада 1983 году, Менск, БССР) — беларускі футбаліст, брамнік клюбу «Крумкачы». Уваходзіць у Клюб беларускіх брамнікаў, якія не прапускалі галы ў 100 і болей матчах на найвышэйшым узроўні[4].

Кар’ера

[рэдагаваць | рэдагаваць крыніцу]

Ужо ў дзіцячыя гады захапляўся футболам, але ўсур’ёз вырашыў займацца футболам з 16 гадоў. Дэбютаваў у складзе аматарскага сталічнага клюбу СКАФ. У 2001 годзе перайшоў у склад «Тарпэда», у якім гуляў амаль дзесяць гадоў. З 2004 году гуляў за асноўную каманду, дзе хутка стаў асноўным брамнікам. Выступаючы за жодзінскі клюб, Уладзімер выдаў некалькі працяглых сэрыяў без прапушчаных мячоў. Сэзон 2008 году прапусьціў з-за траўмы[5].

У 2011—2012 гадах зьяўляўся гульцом футбольнага клюбу «Гомель». Сэзон 2012 году, частку якога прапусьціў з-за пералому пальца[6], правёў у канкурэнтнай барацьбе за месца ў асноўным складзе супраць сэрбскага брамніка Срджана Астоіча, якую балканец ня здолеў вытрымаць і сышоў з клюбу. У сьнежні 2012 году падпісаў кантракт з клюбам «Менск»[7]. Быў першым брамнікам менчукоў, а выдатнай гульнёй у сэрыі пэнальці дапамог клюбу здабыць Кубак Беларусі 2013, а пазьней прайсьці ў раўнд плэй-оф Лігі Эўропы. У верасьні 2013 году атрымаў траўму, празь якую выбыў да канца сэзону. У студзені 2014 году падоўжыў кантракт зь «Менскам» на год. Аднавіўшыся ад траўмы, зноў стаў асноўным брамнікам «Менску» і заставаўся ім увесь сэзон 2014 году. У студзені 2015 году па заканчэньні кантракта пакінуў сталічны клюб[8].

Пасьля расстаньня зь «Менскам» накіраваўся на прагляд у малдаўскую «Дачыю», якую незадоўга да таго ачоліў беларускі спэцыяліст Алег Кубараў, зь якім Бушма працаваў у «Тарпэда» і «Гомлі», але кантракт гэтак і ня быў заключаны[9]. У лютым 2015 году перайшоў у салігорскі «Шахцёр»[10]. У складзе гарнякоў пачаў змагацца за месца ў асноўным складзе з найлепшым брамнікам чэмпіянату Беларусі Артурам Катэнкам, у выніку здолеў забясьпечыць сабе месца ў старце. У лістападзе 2015 году падоўжыў кантракт з салігорцамі[11]. 29 красавіка 2016 году, захаваўшы браму ў недатыкальнасьці ў матчы супраць «Нафтана» (2:0), уступіў у беларускі Клюб «сухіх» брамнікаў[12]. У сэзоне 2016 году канчаткова замацаваўся ў якасьці асноўнага брамніка салігорцаў, дапамог камандзе здабыць срэбраныя мэдалі. У сьнежні 2016 году яшчэ на адзін сэзон падоўжыў пагадненьне з «Шахцёрам»[13]. У першай палове сэзону 2017 году быў асноўным брамнікам, а ў ліпені атрымаў траўму. Акрыяў ў кастрычніку таго ж году, але на полі перастаў зьяўляцца. У пачатку 2018 году падпісаў кантракт з жодзінскім «Тарпэда-БелАЗ»[14]. У першай палове сэзону 2018 году чаргаваўся ў браме з Іванам Канавалавым, пазьней замацаваўся ў якасьці асноўнага брамніка. У сэзоне 2022 году пачаў саступаць месца на апошнім рубяжы Дзьмітру Дудару. У жніўні 2022 году паводле пагадненьня бакоў пакінуў жодзінскі клюб[15].

У лістападзе 2022 году далучыўся да рагачоўскага «Макслайну» напярэдадні пераходных матчаў за месца ў Найвышэйшай лізе супраць койданаўскага «Арсэнала»[16]. У сакавіку 2023 году стала вядома, што Бушма застанецца ў «Макслайне» на сэзон 2023 году[17], аднак у выніку ня быў зарэгістраваны і неўзабаве перабраўся ў «Крумкачы»[18][19]. У сьнежні 2023 году атрымаў трэнэрскую ліцэнзію катэгорыі B[20]. У сакавіку 2024 году ўвайшоў у трэнэрскі штаб «Крумкачоў»[21].

Дасягненьні

[рэдагаваць | рэдагаваць крыніцу]

Статыстыка

[рэдагаваць | рэдагаваць крыніцу]
Клюб Сэзон Чэмпіянат
Дывізіён Матчы Галы
Шахцёр Салігорск 2015 Найвышэйшая ліга 18 –18
2016 Найвышэйшая ліга 29 –19
2017 Найвышэйшая ліга 15 –7
Тарпэда-БелАЗ 2018 Найвышэйшая ліга 19 –13

Асабістае жыцьцё

[рэдагаваць | рэдагаваць крыніцу]

Жанаты, ёсьць дачка. Уладзімер мае запамінальную сьветлую пляму на валасах, якая зьяўляецца народжанай прыкметай[6].

Крыніцы

[рэдагаваць | рэдагаваць крыніцу]
  1. ^ а б в Vladimir Bushma // Transfermarkt (мн.) — 2000.
  2. ^ а б http://krumkachy.by/player/бушма-уладзімір/
  3. ^ а б в г https://footballfacts.ru/person/218332
  4. ^ Сухо стой. Бушмы куш (рас.)
  5. ^ Владимир Бушма отвечает на вопросы телеканала ЛАД. YouTube
  6. ^ а б Владимир Бушма: «Физически подготовиться время есть, и моральные силы найдутся». Football.by
  7. ^ Владимир Бушма подписал контракт с «Минском» (рас.)
  8. ^ Владимир Бушма покинул "Минск" (рас.)
  9. ^ Наша "Дачия". Сломанные носы (рас.) Архіўная копія ад 2015-03-24 г.
  10. ^ Владимир Бушма подписал контракт с «Шахтером» (рас.)
  11. ^ Бушма и Матвейчик продлили контракты с "Шахтером" (рас.)
  12. ^ Сухо стой. Бушмы куш (рас.) Архіўная копія ад 2022-07-07 г.
  13. ^ Бушма и Рыбак продлили соглашения с "Шахтером", Игнятиевич и Котенко покинули клуб (рас.)
  14. ^ Владимир Бушма возвращается в «Торпедо-БелАЗ» (рас.)
  15. ^ Владимир Бушма покинул "Торпедо-БелАЗ"
  16. ^ Владимир Бушма стал игроком "Макслайна"
  17. ^ Бушма продолжит выступать за "Макслайн" (рас.) Праверана 2023-03-08 г.
  18. ^ Бушма не с "Макслайном", а с "Крумкачамi". Трио "воронов" для "Жодино-Южного". И любопытные легионеры "Арсенала" (рас.) Праверана 2023-04-01 г.
  19. ^ Владимир Бушма официально стал игроком "Крумкачоў" (рас.) Праверана 2023-04-14 г.
  20. ^ Александр Глеб, Владимир Бушма, Павел Рыбак и другие получили тренерскую лицензию "В" (рас.)
  21. ^ Владимир Бушма вошел в тренерский штаб "Крумкачоў" (рас.)

Вонкавыя спасылкі

[рэдагаваць | рэдагаваць крыніцу]
Атрымана з «https://be-tarask.wikipedia.org/w/index.php?title=Уладзімер_Бушма&oldid=2583235»