Спартак Шклоў
| Спартак Шклоў | |
 | |
| Заснаваны | 1992 |
|---|---|
| Горад | Шклоў, Беларусь |
| Стадыён |
Спартак Умяшчальнасьць: 2500 |
| Чэмпіянат | Другая ліга |
| · 2022 | 9—16 месца |
«Спарта́к» — беларускі футбольны клюб з гораду Шклова. Заснаваны ў 1992 годзе. Найлепшым дасягненьнем клюбу ёсьць 8 месца ў Першай лізе ў сэзоне 2008 году.
Гісторыя
[рэдагаваць | рэдагаваць крыніцу]«Спартак» доўгі час гуляў у Другой лізе, некаторы час шклоўскі клюб быў фарм-клюбам магілёўскага «Дняпра». Доўгі час «Спартак» быў трывалым прэтэндэнтам на павышэньне, і ў рэшце рэшт клюб трапіў у Першую лігу. Але, правёўшы там два сэзоны, вярнуўся ў Другую лігу. У 2010 годзе клюб паводле фінансавых чыньнікаў перайшоў у чэмпіянат Магілёўскай вобласьці[1].
У красавіку 2014 году, пасьля трох гадоў адсутнасьці на рэспубліканскім узроўні, шклоўскі клюб зноў стаў удзельнікам Другой лігі[2]. У выніку каманда апынулася ў сярэдзіне таліцы, заняўшы 13 месца пры 24 удзельніках. У сэзоне 2015 году «Спартак» стаў фарм-клюбам магілёўскага «Дняпра», да складу шклоўцаў далучыліся былыя дублёры магілёўцаў. У Другой лізе каманда рухалася ў сярэдзіне турнірнай табліцы сваёй групы і не прэтэндавала на выхад у фінальны раўнд, але здолела стварыць невялікую сэнсацыю ў Кубку Беларусі, выгуляўшы спачатку фаварыта Другой лігі «Ўзду», а потым у першым матчы 1/16 фіналу атрымаўшы валявую перамогу над чэмпіёнам краіны — барысаўскім БАТЭ (2:1), хоць той і гуляў дублюючым складам. Гэтая параза стала для барысаўцаў першай у сэзоне 2015 году. Тым ня менш, у матчы ў адказ барысаўскі клюб не пакінуў шанцаў клюбу з усходу краіны, то бок пасьля паразы зь лікам 7:0 «Спартак» скончыў свой шлях у першынстве.
У пачатку 2016 году «Спартак» вырашыў не заяўляцца ў Другую лігу, аб чым канчаткова стала вядома ў красавіку 2016 году[3]. У 2016—2020 гадах клюб браў удзел у чэмпіянаце Магілёўскай вобласьці, дзе ў 2019 годзе стаў чэмпіёнам свайго рэгіёну. У 2021 годзе ў выніку аб’яднаньня Другой лігі з чэмпіянатамі абласьцей «Спартак» зноў далучыўся да Другой лігі. Па вяртаньні ў трэцюю паводле моцы лігу «Спартак» у першы ж сэзон заняў толькі 6 месца, пераўзышоўшы толькі «Касьцюковічы». У наступным розыгрышы клюб у Магілёўскім дывізіёне скончыў розыгрыш на 2-м месцы, у тым ліку дзякуючы запрашэньню Аляксандра Клешчанка, які меў досыць досьведу гульні ў Першую лігу. Нападнік скончыў сэзон з 19 галамі на сваім рахунку. Клюб, дзякуючы высокаму месцу ў сваім дывізіёне, узяў удзел у плэй-оф, але адразу ў 1/8 фіналу паводле вынікаў двубою саступіў гарадзенскаму «Нёману-Белкард».
Статыстыка
[рэдагаваць | рэдагаваць крыніцу]Чэмпіянат і Кубак Беларусі
[рэдагаваць | рэдагаваць крыніцу]| Сэзон | Ліга | Месца | Г | В | Н | П | РМ | Пкт | Кубак |
|---|---|---|---|---|---|---|---|---|---|
| 2014 | Другая | 7 | 22 | 9 | 3 | 10 | 26–31 | 30 | — |
| Другая — за 13 месца | 13 | 2 | 1 | 0 | 1 | 8–4 | |||
| 2015 | Другая | 7 | 18 | 6 | 4 | 8 | 24–23 | 22 | 1/16 |
| Другая — за 13 месца | 14 | 2 | 1 | 0 | 1 | 2–2 | |||
| 2021 | Другая — Магілёўскі | 6 | 18 | 3 | 3 | 12 | 22–52 | 12 | 1/64 |
| 2022 | Другая — Магілёўскі | 2 | 14 | 11 | 1 | 2 | 64–20 | 34 | 1/64 |
| Другая — плэй-оф | 9—16 | 2 | 1 | 0 | 1 | 4–5 | |||
| 2023 | Другая — Магілёўскі (захад) | 1/64 |
Галоўны трэнэр
[рэдагаваць | рэдагаваць крыніцу]- Уладзімер Прыгодзіч (2001—2015)
- Дзьмітры Цярэнцьеў (з 2021)