Аляксандар Дубко

Аляксандар Іосіфавіч Дубко
Старшыня Гарадзенскага абласнога выканаўчага камітэту
1994 — 2001
Прэзыдэнт:	Аляксандар Лукашэнка
Прэм’ер-міністар:	Міхаіл Чыгір Сяргей Лінг
Папярэднік:	Сямён Домаш
Наступнік:	Уладзімер Саўчанка
Дэпутат Вярхоўнага Савету Рэспублікі Беларусь 13-га скліканьня
9 студзеня 1996 — 27 лістапада 1996
Прэзыдэнт:	Аляксандар Лукашэнка
Прэм’ер-міністар:	Міхаіл Чыгір
Асабістыя зьвесткі
Нарадзіўся:	14 студзеня 1938 Ілава, Шумілінскі раён
Памёр:	4 лютага 2001 (63 гады) Горадня
Партыя:	КПСС, Аграрная партыя Беларусі
Дзеці:	Аляксандар Дубко (малодшы)
Бацька:	Іосіф Дубко
Адукацыя:	Гарадзенскі селькагаспадарчы інстытут
Узнагароды:

Падтрымка Аляксандра Дубко на прэзыдэнцкіх выбарах ў Беларусі 1994 году

Алякса́ндар Іо́сіфавіч Дубко́ (14 студзеня 1938, в. Ілава, Шумілінскі раён — 4 лютага 2001, Горадня) — старшыня Гарадзенскага аблвыканкаму, Герой Беларусі (пасьмяротна).

Біяграфія

Навучаўся на агранома ў Гарадзенскім сельскагарспадарчым інстытуце. З 1960 — аграном-сямёнавод, дырэктар навучальнай гаспадаркі «Станіславова» Гарадзенскага селькагаспадарчага інстытуту.

Начальнік упраўленьня сельскай гаспадаркі Бераставіцкага райвыканкаму (1966—1970), дырэктар трэсту малочна-гародненых саўгасаў Гарадзенскай вобласьці (1970—1972), старшыня калгасу, старшыня рады сельскагаспадарчага прадпрыемства «Прагрэс» Гарадзенскага раёну (1972—1994).

У 1982 атрымаў званьне Героя Сацыялістычнай працы.

Дэлегат шматлікіх зьездаў КПБ і КПСС. На XXVIII зьезьдзе КПСС вылучаў Лігачова кандыдатам на пост намесьніка генэральнага сакратара ЦК КПСС.

Старшыня Гарадзенскага абласнога савету дэпутатаў (1991—1993). Са сьнежня 1994 старшыня гарадзенскага аблвыканкаму.

Вылучаўся кандыдатам у прэзыдэнты Рэспублікі Беларусь на выбарах у 1994.

Сябар Аграрнай партыі Беларусі з 1995 году, уваходзіў у цэнтральную раду. Старшыня Беларускай Рады калгасаў і Саюзу аграрнікаў Рэспублікі Беларусь.

Сябар Савету Рэспублікі Нацыянальнага Сходу Рэспублікі Беларусь, сябар Камісіі па міжнародных справах і нацыянальнай бясьпекі.

Пасьмяротна ўзнагароджаны званьнем Героя Беларусі, указ № 361 ад 30 чэрвеня 2001.

Меў сына Аляксандра Дубко (малодшага) — дырэктара гарадзенскага гарэлачнага заводу, першы віцэ-губэрнатар Магілёўскай вобласьці.

Вонкавыя спасылкі

• Дубко Александр // Кто есть кто в Беларуси. — М.: Книжный дом «Университет», 1999. — ISBN 5-8013-0068-6
• Біяграфія Дубко
• Праграма кандыдата ў прэзыдэнты А. Дубко