Уладзімер Саўчанка
| Уладзімер Ягоравіч Саўчанка | |
| Старшыня Гарадзенскага абласнога выканаўчага камітэту | |
|---|---|
| 29 сакавіка 2001 — студзень 2010 | |
| Папярэднік: | Аляксандар Дубко |
| Асабістыя зьвесткі | |
| Нарадзіўся: |
26 лютага 1952.svg){kind=small} Фралоўка, Магілёўская вобласьць, БССР |
| Адукацыя: | |
Уладзімер Ягоравіч Саўчанка (нар. 26 лютага 1952, в. Фралоўка, Касьцюковіцкага раёну) — беларускі палітычны дзеяч, старшыня Гарадзенскага аблвыканкаму (2001—2010).
Кар’ера[рэдагаваць | рэдагаваць крыніцу]
- Скончыў Беларускую сельскагаспадарчую акадэмію па спэцыяльнасьці інжынэр-землеўпарадчык.
- Працаваў выкладчыкам, а з 1974 дырэктарам Брасаўскага сельскагаспадарчага тэхнікуму (Бранская вобласьць, Расея). Пазьней працаваў прарабам, начальнікам ДРБУ.
- старшыня калгасу ў Круглянскім раёне;
- старшыня Круглянскага райвыканкаму;
- 1996—2000: намесьнік старшыні Магілёўскага аблвыканкаму;
- 1999—2001: першы намесьнік старшыні Гарадзенскага аблвыканкаму, курыруе пытаньні аграпрамысловага комплексу;
- 5 лютага 2001: прызначаны выконваючым абавязкі старшыні Гарадзенскага аблвыканкаму (у сувязі са сьмерцю Аляксандра Дубко);
- 29 сакавіка 2001: старшыня Гарадзенскага аблвыканкаму;
- 10 ліпеня 2003: Указам Прэзыдэнта Рэспублікі Беларусь N 303 абвешчана вымова за невыкананьне даручэньняў Кіраўніка дзяржавы аб забесьпячэньні поўнай і своечасовай выплаты заработнай платы працаўнікам аграпрамысловага комплексу рэспублікі і пагашэньні запазычанасьці перад насельніцтвам і сельскагаспадарчымі арганізацыямі за здадзеную сельскагаспадарчую прадукцыю, а таксама за фальсыфікацыю справаздачных дадзеных па гэтых пытаньнях;
- у лістападзе 2004: выбраны ад Гарадзенскай вобласьці чальцом Савету Рэспублікі Нацыянальнага сходу Рэспублікі Беларусь. Чалец Пастаяннай камісіі па міжнародных справах і нацыянальнай бясьпецы.
- студзень 2010: падаў у адстаўку з пасады старшыні Гарадзенскага аблвыканкаму.
Праца на пасадзе старшыні Гарадзенскага аблвыканкаму[рэдагаваць | рэдагаваць крыніцу]
Дзейнасьць Уладзімера Саўчанкі на чале Гарадзенскай вобласьці часта ацэньваецца нэгатыўна.
У першую чаргу зь яго асобай зьвязваюць руйнаваньне гістарычнага цэнтру Горадні, а таксама наступ на мясцовую незалежную прэсу і яе ліквідацыю.
У 2005-2009 гадах была праведзеная „рэканструкцыя“ Гародні пад кіраўніцтвам губэрнатара Уладзімера Саўчанкі. Падчас „рэканструкцыі“ быў зьнішчаны цэлы шэраг помнікаў гісторыі й культуры: магнацкі Палац на Падоле (помнік архітэктуры XVIII стагодзьдзя)[1], стайні Сьцяпана Батуры (помнік архітэктуры XVI стагодзьдзя)[2], флігель палаца віцэ-адміністратара другой паловы XVIII стагодзьдзя. У тыя часы ён выконваў функцыю стайні і карэтнай. Гэты будынак быў самай старой аўтэнтычнай стайняй, якая захавалася на тэрыторыі Беларусі. Пасля трох месяцаў вырашэньня лёсу флігеля, які цалкам захаваўся з 1794 году, яго зруйнавалі[3][4][5].
Крыніцы[рэдагаваць | рэдагаваць крыніцу]
- ^ Страчаны палац на Падоле // harodnia.com
- ^ Ценность, о которой не знали. 10 лет назад в Гродно разрушили здание XVI в.(недаступная спасылка) // hrodna.life
- ^ В Гродно уничтожен очередной памятник истории // Эўрарадыё (рас.)
- ^ В Гродно разрушен флигель дворца вице-администратора XVIII века // naviny.by (рас.)
- ^ У Горадні зносяць флігель XVIIІ стагодзьдзя // Наша ніва