Дзьмітры Арцыменя

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Дзьмітры Канстанцінавіч Арцыменя
Старшыня Гарадзенскага абласнога выканаўчага камітэту
1983/1991 — 1993
Папярэднік: Сяргей Кабяк /
першы ў РБ
Наступнік: Сямён Домаш
Асабістыя зьвесткі
Нарадзіўся: 28 верасьня 1932
в. Стайкі, Наваградзкае ваяводзтва, Польская Рэспубліка
Памёр: 20 верасьня 1993
Горадня, Беларусь
Партыя: КПБ(б)-КПСС
Сужэнец: Галіна Апанасаўна
Дзеці: сын Сяргей, інш.
Узнагароды:
Ордэн Працоўнага Чырвонага Сьцягу

Дзьмітры Канстанцінавіч Арцыменя (28 верасьня 1932, в. Стайкі (цяпер Баранавіцкага раёна) — 20 верасьня 1993, Горадня) — савецкі і беларускі партыйны і палітычны дзяяч.

Біяграфія[рэдагаваць | рэдагаваць крыніцу]

Нарадзіўся ў в. Стайкі (цяпер Баранавіцкага раёну) у сялянскай сям’і. У няпоўныя 15 гадоў пайшоў працаваць на Баранавіцкі рамонтна-мэханічны завод. У 1953 скончыў Пінскі гідратэхнікум. Працаваў у Зэльве старэйшым раённым мэліяратарам.

Быў абраны другім, а затым першым сакратаром Зэльвенскага райкаму камсамола. У 1960 накіраваны ў Менскую партыйную школу (скончыў у 1964). У 1964 пераехаў у Сьвіслач. Старшыня Сьвіслацкага райвыканкаму. Накіраваны ў Астравец. Першы сакратар Астравецкага райкаму партыі. У ліпені 1977 пераведзены ў Горадню на пасаду намесьніка старшыні аблвыканкаму. З кастрычніка 1983 (пасьля ад’езду Сяргея Кабяка на працу ў Віцебск) прызначаны старшынём Гарадзенскага аблвыканкаму. Захаваў пасаду і ў незалежнай Беларусі. Праводзіў паседжаньні па-беларуску.

Дэпутат Вярхоўнага Савету 12-га скліканьня. Разглядаўся партыйнай намэнклятурай, як адзін з кандыдатаў на пасаду старшыні Вярхоўнага Савету Беларусі ўзамен Станіслава Шушкевіча.

Ініцыятар стварэньня эўрарэгіёну «Нёман».

Забойства[рэдагаваць | рэдагаваць крыніцу]

У нядзелю ўвечары 20 верасьня 1993 быў забіты стрэлам у сэрца на ганку свайго дома ў Горадні. Пахаваны на Гарадзенскіх могілках па праспэкце Касманаўтаў. Забойства, якое так і не было раскрыта, стала адным з самых гучных злачынстваў у гісторыі першых гадоў незалежнай Рэспублікі Беларусь.

Узнагароды[рэдагаваць | рэдагаваць крыніцу]

Памяць[рэдагаваць | рэдагаваць крыніцу]

На радзіме ў вёсцы Стайкі Баранавіцкага раёну імем Арцымені названа вуліца.

Вонкавыя спасылкі[рэдагаваць | рэдагаваць крыніцу]