Алекс Так
| Алекс Так | ||
|---|---|---|
_by_Sandro_Halank%E2%80%93090.jpg)
| ||
| Рост | 193 см | |
| Вага | 100 кг | |
| Пазыцыя | нападнік | |
| Кідок/Ловы | правы[d] | |
| Грамадзянства | ||
| Дата нараджэньня | 10 траўня 1996 (27 гадоў) | |
| Месца нараджэньня | ||
| Клюб | Бафала Сэйбрз | |
| Выступаў за | ||
| Гульнявая кар’ера | 2012 — цяпер | |
Алекс Так (па-ангельску: Alex Tuch; нар. 10 траўня 1996 году) — амэрыканскі хакеіст, нападнік клюбу «Бафала Сэйбрз» з Нацыянальнай хакейнай лігі. У 2014 годзе на драфце НХЛ быў абраны клюбам «Мінэсота Ўайлд» у першым раўндзе пад агульным 18 нумарам.
Кар’ера[рэдагаваць | рэдагаваць крыніцу]
Так яшчэ зь дзяцінства выступаў за розныя дзіцячыя каманды. У веку 18 гадоў быў абраны на драфце НХЛ быў абраны клюбам «Мінэсота Ўайлд» у першым раўндзе пад агульным 18 нумарам. Адразу пасьля гэтага, два гады правёў у складзе каманды Бостанскага каледжу. 13 красавіка 2016 году склаў свой першы прафэсійны кантракт з клюбам зь Мінэсоты. Правёўшы з клюбам НХЛ перадсэзонны збор, далучыўся да фарм-клюбу з АХЛ «Аёва Ўайлд». Дзякуючы ўдалым выступам у канцы сэзону быў выкліканы ў галоўную каманду, зь якой дэбютаваў 4 лютага 2017 году ў матчы супраць «Ванкувэр Кэнакс»[1]. У чэрвені 2017 году праз пашырэньне лігі клюбам «Вэгас Голдэн Найтс» Так далучыўся да каманды, зь якой дайшоў да фіналу Кубка Стэнлі. 19 кастрычніка 2018 году працягнуў супрацу з клюбам, склаўшы сямігадовы кантракт на 33,25 мільёны даляраў[2]. У сэзоне 2021—2022 гадоў прапусьціў вялікую частку сэзону праз пашкоджаньне з плячом. 4 лістапада 2021 году поруч з Пэйтанам Крэбсам быў абменены ў «Бафала Сэйбрз» на Джэка Айкела. Сам гулец, як прызнаваўся, зь дзяцінства быў заўзятарам бафалаўскага клюбу, таму зацята ўзяўся за працу[3]. У дэбютным матчы супраць «Нью-Джэрзі Дэвілз» адзначыўся асыстэнцкім пунктам, але ягоная каманда атрымала паразу[4]. 1 студзеня 2022 году адначыўся голам у браму «Бостан Бруінз»[5]. У кастрычніку 2022 году зарабіў хет-трык у матчы супраць «Калгары Флэймз»[6]. Сэзон 2022—2023 гадоў выдарыўся ўдалым, бо поруч з Тэйджам Томпсанам і Джэфам Скінэрам гулец за 74 матчы здолеў пакласьці на свой рахунак 79 пунктаў, закінуўшы 36 шайбай і аддаўшы 43 галявыя перадачы[7]. Клюб ня здолеў прабіцца ў плэй-оф.
Крыніцы[рэдагаваць | рэдагаваць крыніцу]
- ^ «Alex Tuch to make NHL debut for Wild on Saturday». NHL.
- ^ «Vegas Golden Knights Sign Forward Alex Tuch To Seven-Year Extension». Vegas Golden Knights.
- ^ Lysowski, Lance (16.12.2021). «Alex Tuch bubbling with excitement ahead of long-awaited Sabres debut». The Buffalo News.
- ^ Hoppe, Bill (30.12.2021). «Alex Tuch’s debut sign of brighter times ahead for Sabres». Buffalo Hockey Beat.
- ^ «At The Final Horn | Tuch scores 1st with Sabres in OT loss to Boston». NHL.
- ^ «Alex Tuch has 1st NHL hat trick, Sabres beat Flames 6-3». ESPN.
- ^ «Alex Tuch Stats and News». NHL.