Александрыя (футбольны клюб)

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Александрыя
FC Oleksandriya.svg
Поўная назва ФК Олександрія
Заснаваны 1948
Горад Александрыя, Украіна
Стадыён Ніка
Умяшчальнасьць: 7000
Галоўны трэнэр Уладзімер Шаран
Чэмпіянат Прэм’ер-ліга
 · 2020—2021 9 месца
http://fco.com.ua/

«Александрыя» (па-ўкраінску: Олександрія) — украінскі футбольны клюб з гораду Александрыі. Заснаваны ў 1948 годзе.

Гісторыя[рэдагаваць | рэдагаваць крыніцу]

Клюб быў заснаваны пасьля Другой сусьветнай вайны і меў назву «Шахтар», якая прадстаўляла мясцовае вугальнае прадпрыемства на нацыянальным узроўні ў першынстве калектываў фізычнае культуры. Пачатак быў няўдалым, бо ў першым сэзоне шахтары трывалі 7 паразаў у 7 матчах, заняўшы выніковае восьмае месца, а праз год зноўку каманда скончыла сэзон на восьмым месцы, але ўжо сярод дзесяці камандаў. У выніку клюб правёў наступныя тры сэзоны ў другой групе чэмпіянату калектываў фізычнае культуры. Александрыйцы аднавілі свае выступы ў аматарскім чэмпіянаце СССР з 1956 году.

У 1960 і 1961 гадох, як рэгіянальны чэмпіён, «Шахтар» двойчы беспасьпяхова згуляў супраць кіраваградзкай «Зоркі» ў пераходных матчах за права гуляць у клясе Б. На пачатку сэзону 1962 году клюб быў далучаны да розыгрышу чэмпіянату СССР клясы Б. Свой першы матч клюб згуляў у розыгрышу Кубку СССР 9 траўня 1962 году ў Александрыі супраць ровенскага «Калгасьніка». «Шахтар» здабыў перамогу ў тым матчы зь лікам 4:3. На наступным этапе 1/128 фіналу 21 траўня ў Запарожжы александрыйскі клюб трываў паразу ад мясцовага «Мэталюргу» зь лікам 1:2. Усяго «Шахтар» 5 разоў удзельнічаў у розыгрышу Кубка СССР. Першыя тры сэзоне ў чэмпіянаце СССР клюб змагаўся за захаваньне месца ў дывізіёне, а пазьней александрыйцы сталі моцным клюбам сярэдзіны табліцы. Апошні матч ў розыгрышах Кубка СССР шахтары правялі 27 красавіка 1966 году ў Александрыі супраць «Крыўбасу», дзе гаспадары саступілі зь лікам 0:2. Самая пасьпяховая камандай клюбу была каманда 1968 году, калі ў фінальным турніры за права гуляць у другой групе клясы А «Шахтар» заняў восьмае месца. У клясе Б каманда гуляла 9 сэзонаў.

Пасьля чарговай рэарганізацыі чэмпіянату СССР «Шахтар» страціў статус каманды майстроў і на працягу 18 гадоў выступаў ў савецкіх спаборніцтвах сярод фізкультурных камандаў. Чатыры разы на гэтым турніры «Шахтар» быў другім, у 1973, 1974, 1975 і 1989 гадох, і адзін раз трэцім у 1972 годзе ў сваёй зоне. Да таго ж клюб аднойчы прабіўся у фінал аматарскага кубка УССР 1974 году, дзе саступіў трафэй львоўскаму «Сокалу», 0:0 і 0:1.

У 1991 годзе клюб з новай назвай «Паліграфтэхніка» дэбютаваў у спаборніцтвах незалеэнай Украіны, распачаўшы з трэцяга дывізіну, дзе адразу стаў пераможцам сваёй зоны, а на фінальным турніры, які прайшоў у Марыюпалі, стала бронзавым прызэрам лігі, што дало клюбу права выступаць у Першай лізе нацыянальнага чэмпіянату Ўкраіны. Свой першы матч у новай лізе каманда правяла 14 сакавіка 1992 году ў Александрыі супраць чаркаскага «Дняпра». Гульня скончылася перамогай александрыйцаў зь лікам 3:1. У час незалежнасьці александрыйцы былі дастаткова пасьпяховымі ў першай лізе за выняткам сэзонаў 1996—1997 і 1997—1998 гадоў, бо клюб не апускаўся ніжэй за восьмае месца ў турнірнай табліцы. У сэзоне 2000—2001 гадоў клюб заняў трэцяе месца і атрымаў права выступаць у элітным дывізіёне чэмпіянату Ўкраіны. «Паліграфтэхніка» два сэзоны запар здолела захаваць прапіску ў найвышэйшай лізе, двойчы займаючы 13-е месца. Па выніках сэзону 2001—2002 гадоў у Кіеве давялося згуляць пераходны матч супраць жытомірскага «Палесься», у якім александрыйцы былі мацнейшыя за суперніка зь лікам 1:0. Аднак, празь фінансавыя цяжкасьці у 2003 годзе клюб быў вымушана прыпыніць свае выступы ў элітным дывізіёне. Ужо з новым назовам «Александрыя» ў сэзоне 2004—2005 гадоў пачала свой новы ўздым.

Склад[рэдагаваць | рэдагаваць крыніцу]

Актуальны на 8 верасьня 2021 году
Пазыцыя Імя Год нараджэньня
1 Сьцяг Украіны Бр Валянцін Гарох 2001
2 Сьцяг Украіны Аб Аляксандар Мельнік 2000
4 Сьцяг Украіны Аб Уладзіслаў Бабагла 1998
5 Сьцяг Украіны Аб Цімур Сьцяцькоў 1998
6 Сьцяг Украіны ПА Кірыл Кавалец 1993
8 Сьцяг Украіны ПА Іван Калюжны 1998
9 Сьцяг Аргентыны Нап Кляўдыё Сьпінэльлі (ар. Джэноа) 1997
10 Сьцяг Украіны Нап Максім Трацьякоў 1996
11 Сьцяг Украіны Аб Дзяніс Мірашнічэнка 1994
14 Сьцяг Украіны Аб Глеб Бухал 1995
16 Сьцяг Украіны ПА Кірыл Дрышлюк 1999
17 Сьцяг Украіны Нап Алег Кажушка 1998
19 Сьцяг Украіны Нап Сяргей Грын 1994
Пазыцыя Імя Год нараджэньня
20 Сьцяг Украіны Аб Ігар Кіруханцаў (ар. Шахтар) 1996
22 Сьцяг Украіны ПА Эміль Мустафаеў 2001
23 Сьцяг Украіны Нап Уладзімер Адарук 1994
27 Сьцяг Украіны ПА Аляксандар Дземчанка 1996
29 Сьцяг Украіны Аб Андрэй Цурыкаў (ар. Мэталіст) 1992
30 Сьцяг Украіны ПА Юры Капына 1996
31 Сьцяг Украіны Бр Алег Білык 1998
37 Сьцяг Украіны ПА Сяргей Рыбалка 1990
70 Сьцяг Украіны Нап Андрэй Новікаў 1999
77 Сьцяг Малі Аб Бурама Фамба 1999
79 Сьцяг Украіны Бр Сяргей Ермакоў (ар. Шахтар) 2002
90 Сьцяг Латвіі Аб Каспарс Дубра (капітан) 1990
99 Сьцяг Украіны Нап Дзяніс Усьціменка 1999

Вонкавыя спасылкі[рэдагаваць | рэдагаваць крыніцу]