Адміністрацыйна-тэрытарыяльны падзел Пакістану

Чатыры правінцыі і чатыры тэрыторыі Пакістану.

Адміністрацыйна́-тэрытарыя́льны падзе́л Пакіста́ну — сукупнасьць падзелу краіны на адміністрацыйна-тэрытарыяльныя адзінкі, якая прадстаўляе зь сябе чатыры правінцыі, фэдэральную сталічную тэрыторыю, дзьве аўтаномныя тэрыторыі і фэдэральна кіруемыя пляменныя тэрыторыі.

Ніжэйшымі ўзроўнямі (далей у пералічэньні гэтага абзацу — паводле зьмяншэньня) адміністрацыйна-тэрытарыяльнага падзелу зьяўляюцца:

• Рэгіёны (агульная колькасьць якіх складае дваццаць сем)
  • Рэгіёны зіла́, альбо дыстрыкты ці раёны (агульная колькасьць якіх складае больш за сто)
    • Тэгсілы (агульная колькасьць якіх налічвае больш за чатырыста)
      • Хаўрусныя рады

Структура

У склад Пакістану ўваходзяць чатыры правінцыі, сталічная тэрыторыя Ісламабаду, фэдэральна кіруемыя пляменныя тэрыторыі ды тэрыторыі Кашміру. Агульная колькасьць адміністрацыйна-тэрытарыяльных адзінак першага ўзроўню складае восем.

Назва	Адміністрацыйны цэнтар	Мапа
Азад Кашмір	Музафарабад
Бэлуджыстан	Квэта
Гілгіт-Балтыстан	Гілгіт
Панджаб	Лагор
Сталічная Тэрыторыя Ісламабаду	Ісламабад
Сынд	Карачы
Фэдэральна кіруемыя пляменныя тэрыторыі	Пэшавар
Хайбэр-Пахтунхва	Пэшавар

Глядзіце таксама

• Рэгіёны Пакістану
• Зіла
• Тэгсіл
• Хаўрусная рада