Эманюэль Адэбаёр

**Эманюэль Адэбаёр**
	Эманюэль Адэбаёр
Пэрсанальная інфармацыя
Нарадзіўся	26 лютага 1984 (40 гадоў); Лямэ, Тога;
Рост	191 см
Вага	84 кг
Пазыцыя	нападнік
Клюбы
Зборныя

Эманюэль Адэбаёр (па-француску: Emmanuel Adebayor; нарадзіўся 26 лютага 1984 году, Лямэ, Тога) — былы тагалескі футбаліст, нападнік. Гулец нацыянальнай зборнай Тога. Удзельнік чэмпіянату сьвету 2006 году й неаднаразовы ўдзельнік Кубкаў афрыканскіх нацыяў.

Кар’ера

Клюбная

Выступаў за ангельскі «Арсэнал» (2006—2009), за францускія клюбы «Манака» (2003—2006) і «Мэц» (2001—2003).

Нядрэнна дэбютаваў за «Мэц» у сэзоне 2001—2002 гадоў, але яшчэ мацней ён ўразіў усіх у наступным сэзоне, забіўшы 13 галоў. Такой гульнёй зацікавіў «Манака». З гэтым клюбам дайшоў да фіналу Лігі чэмпіёнаў сэзона 2003—2004 гадоў, а таксама быў прызнаны найлепшым тагалескім гульцом году.

За «Арсэнал» дэбютаваў у матчы супраць «Бірмінггэм Сіці», які кананіры выйгралі зь лікам 2:0, а сам тагалезец забіў адзін з галоў. У сэзоне 2006—2007 гадоў Адэбаёр забіў 8 мячоў у складзе «Арсэнала» й з сыходам Анры стаў галоўнай ударнай сілай свайго клюбу. У траўні 2007 году гульц падпісаў з «Арсэналам» доўгатэрміновы кантракт.

18 ліпеня 2009 году за 25 млн фунтаў перайшоў у «Манчэстэр Сіці»^[4], дзе адразу забіў 14 галоў у Прэм’ер-Лігі. Аднак у сэзоне 2010—2011 гадоў Адэбаёр спыніў трапляць у асноўны склад і ў студзені 2011 году быў аддадзены ў арэнду мадрыдзкаму «Рэалу» да канца сэзону з правам выкупу за 15 млн фунтаў.

25 жніўня 2011 году на правах арэнды перабраўся ў «Тотэнгэм Готспур». Пераход 28-гадовага футбаліста быў афіцыйна пацьверджаны лёнданскім клюбам. 21 жніўня 2012 году «Тотэнгэм» выкупіў правы на гульца, сума зьдзелкі склала 5 млн фунтаў^[5].

Міжнародная

За нацыянальную зборную Тога пачаў гуляць у 2000 годзе. Стаў сапраўдным героем краіны, забіўшы 11 галоў у афрыканскай кваліфікацыі на чэмпіянат сьвету 2006 году й стаўшы ейным найлепшым бамбардзірам, дзякуючы чаму зборная Таго ўпершыню ў сваёй гісторыі патрапіла на мундыяль. Нягледзячы на невялікі канфлікт з кіраўніцтвам зборнай на Кубку афрыканскіх нацыяў 2006 году, Эманюэль стаў капітанам зборнай.

Дасягненьні

«Рэал»:

Уладальнік Кубку Гішпаніі: 2011

Крыніцы

^ ^а ^б ^в Emmanuel Adebayor // Transfermarkt (мн.) — 2000.
^ ^а ^б ^в EMMANUEL SHEYI ADEBAYOR // Argentine Soccer Database (гішп.)
^ ^а ^б ^в Sheyi Emmanuel Adebayor // As (гішп.) — Madrid: PRISA, 1967. — ISSN 1888-6671
^ Adeybayor signs for Blues. Manchester City FC
^ Tottenham confirm signing of Emmanuel Adebayor from Manchester City in deal worth £9m. Telegraph

Вонкавыя спасылкі

Профіль на афіцыйным сайце «Тотэнгэм Готспур»(недаступная спасылка)
Профіль на сайце sports.ru
Статыстыка на сайце National Football Teams

[_589b3da4f864d7ec-1] а ^б ^в Emmanuel Adebayor // Transfermarkt (мн.) — 2000.

[_c1856d4e22d05095-2] а ^б ^в EMMANUEL SHEYI ADEBAYOR // Argentine Soccer Database (гішп.)

[_88d69f598085c97a-3] а ^б ^в Sheyi Emmanuel Adebayor // As (гішп.) — Madrid: PRISA, 1967. — ISSN 1888-6671

[4] Adeybayor signs for Blues. Manchester City FC

[5] Tottenham confirm signing of Emmanuel Adebayor from Manchester City in deal worth £9m. Telegraph

[1]

[2]

[3]

[4]

[5]

Пэрсанальная інфармацыя
Эманюэль Адэбаёр

Нарадзіўся	26 лютага 1984(1984-02-26)^[1]^[2]^[3] (40 гадоў) Лямэ, Тога
Рост	191 см
Вага	84 кг
Пазыцыя	нападнік
Клюбы
Гады	Клюб	Гульні (галы)¹
2001—2003 2003—2006 2006—2009 2009—2012 2011 2011—2012 2012—2015 2016 2017—2019 2019 2020	Мэц Манака Арсэнал Манчэстэр Сіці → Рэал Мадрыд (арэнда) → Тотэнгэм Готспур (арэнда) Тотэнгэм Готспур Крыстал Пэлас Істанбул Башакшэхір Кайсэрыспор Алімпія	44 (15) 78 (18) 104 (46) 34 (15) 14 (5) 33 (17) 59 (18) 12 (1) 60 (24) 8 (2) 2 (0)
Зборныя
2000—2019	Тога	66 (29)