Сямён Домаш

Сямён Мікалаевіч Домаш
Старшыня Гарадзенскага абласнога выканаўчага камітэту
1993 — 1994
Прэм’ер-міністар:	Вячаслаў Кебіч
Папярэднік:	Дзьмітры Арцыменя
Наступнік:	Аляксандар Дубко
Старшыня Гарадзенскага гарадзкога выканаўчага камітэту
1991 — 1993
Прэм’ер-міністар:	Вячаслаў Кебіч
Папярэднік:	пасада заснаваная
Наступнік:	Генрых Крупенка
Асабістыя зьвесткі
Нарадзіўся:	2 студзеня 1950 Тумашы, Ляхавіцкі раён, БССР
Памёр:	9 лютага 2019 Горадня
Партыя:	КПБ(б)-КПСС
Бацька:	Мікалай Домаш
Адукацыя:	БДЭУ

Сямё́н Мікала́евіч До́маш (2 студзеня 1950, в. Тумашы, Ляхавіцкі раён — 9 студзеня 2019, Горадня) — савецкі і беларускі партыйны і палітычны дзяяч.

Адукацыя

• Бабруйскі аўтатранспартны тэхнікум (1969)
• Менская вышэйшая партыйная школа (1981)
• Беларускі дзяржаўны інстытут народнай гаспадаркі (1989)

Кар’ера

• мэханік, галоўны інжынэр, дырэктар Астравецкае аўтабазы № 4 (1969—1977);
• дырэктар Гарадзенскага аўтакамбінату № 1 (1977—1982);
• загадчык прамыслова-транспартнага аддзелу Гарадзенскага гаркаму КПБ (1982—1983);
• другі сакратар Кастрычніцкага райкаму КПБ Горадні (1983—1987);
• старшыня Лідзкага гарвыканкаму (1987—1990);
• першы сакратар Кастрычніцкага райкаму КПБ Горадні (1990);

У 1990 годзе абраны старшынём выканкаму Горадні. У 1991—1993 гадах — старшыня выканкаму і гарадзкога Савету дэпутатаў Горадні. У 1993 годзе абраны старшынём Гарадзенскага аблвыканкаму, якім прабыў да 1994 году. Старшыня абласнога Савету дэпутатаў (1994—1996).

Дэпутат і сябар Прэзыдыюму Вярхоўнага Савету 13-га скліканьня.

З 2000 году — Старшыня Рады Гарадзенскага абласнога грамадзкага аб’яднаньня «Ратуша».

Кандыдат ад апазыцыі на прэзыдэнцкіх выбарах у 2001 годзе. За некалькі дзён да галасаваньня зьняў сваю кандыдатуру на карысьць Уладзімера Ганчарыка.

З 2006 году — генэральны дырэктар рэспубліканскага ўнітарнага прадпрыемства «Гарадзенскае вытворчае гарбарнае аб’яднаньне».

Вонкавыя спасылкі

• Старонка на сайце «Хто ёсьць хто ў РБ»  (рас.)