Лютэранская кірха (Магілёў)

Помнік сакральнай архітэктуры
Лютэранская кірха
Лютэранская кірха
Краіна	Беларусь
Места	Магілёў
Каардынаты	53°54′3.21″ пн. ш. 30°20′19.92″ у. д.
Канфэсія	лютэранства
Эпархія	Магілёўская супэрінтэндацыя
Тып будынка	кірха
Архітэктурны стыль	клясыцызм
Дата заснаваньня	1780
Будаваньне	1775—1780 гады
Лютэранская кірха на мапе Беларусі Лютэранская кірха

Лютэранская кірха — помнік архітэктуры апошняй траціны XVIII стагодзьдзя ў Магілёве. Знаходзілася на рагу Лютэранскага завулку і Ветранай вуліцы, насупраць мужчынскай гімназіі пасярод сучаснага Лютэранскага сквэру. Твор архітэктуры клясыцызму. У 1930-я рокі савецкія ўлады зруйнавалі кірху.

Гісторыя

Кірха, 1914 г.

У 1775 року ў Магілёве (як і ў Полацку) узьнікла лютэранская грамада немцаў, дзеля якіх заснавалі лютэранскія (эвангеліцка-аўгсбурскія) кірхі. Дазвол на пабудову кірхі ў Магілёве дала маскоўская гаспадыня Кацярына II. Яе загадам пад будынак кірхі выдзялілі адзін з будынкаў Ўрадавага сыноду Расейскай імпэрыі.

Будаваньне кірхі скончылася ў 1780 року. Уласна Кацярына II пры наведваньні Магілёва ў 1780 року ахвяравала на будаваньне кірхі 500 рублёў, тым часам Георгі Каніскі перадаў дзеля гэтых мэтаў ацалелыя элемэнты Спаскай царквы

Кірха безь перапынку працавала да самога Кастрычніцкага перавароту. Да пачатку 1930-х рокаў кірха стаяла зачыненай, пакуль савецкія ўлады, відаць ў зьвязку з магчымым пераносам сталіцы ў Магілёў, не надумалі зьнішчыць кірху. У пачатку 1930-х рокаў кірху зьнішчылі, пазьней на гэтым месцы разьбілі сквэр.

Архітэктура

Помнік архітэктуры клясыцызму. Гэта быў драўляны невялікіх памераў будынак, па-нямецку акуратна дагледжаны, увіты плюшчом. Асабліва маляўніча кірха выглядала ўлетку

Глядзіце таксама

• Немцы ў Беларусі
• Немцы Магілёва
• Лютэранская кірха ў Менску
• Лютэранская кірха ў Горадні
• Лютэранская кірха ў Полацку

Вонкавыя спасылкі

• Лютэранская кірха ў Магілёве, Radzima.org