SWIFT

«Таварыства сусьветнай міжбанкаўскай фінансавай сувязі»
Тып	каапэратыўнае таварыства з абмежаванай адказнасьцю
Заснаваная	3 траўня 1973 (51 год таму)
Заснавальнікі	239 банкаў з 15 краінаў
Краіна	Бэльгія;
Разьмяшчэньне	Ля-Юльп (правінцыя Валёнскі Брабант, рэгіён Валёнія, Бэльгія)
Ключавыя фігуры	Готфрыд Ляйбрант, Явар Шах
Галіна	сувязь
Прадукцыя	фінансавыя тэлекамунікацыі
Абарачэньне	745,136 млн эўра (2016 г.; $785,448 млн)
Апэрацыйны прыбытак	53,643 млн эўра (2016 г.; $56,545 млн)
Чысты прыбытак	26,219 млн эўра (2016 г.; $27,638 млн)
Лік супрацоўнікаў	> 2000
Аўдытар	«Эрнст і Янг» (Ангельшчына), «Прайс, Ўотэрхаўс і Купэры» (Ангельшчына)
	swift.com

Каардынаты: 50°44′4″ пн. ш. 4°28′43″ у. д. / 50.73444° пн. ш. 4.47861° у. д. / 50.73444; 4.47861

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Swift.

Тава́рыства сусьве́тнай міжба́нкаўскай фіна́нсавай су́вязі^[7] (ТСМФС; анг. Society for Worldwide Interbank Financial Telecommunications, SWIFT) — прадпрыемства Бэльгіі, якое з 1973 году пастаўляе апраграмаваньне для міжнародных плацяжоў між банкамі і іншымі фінансавымі ўстановамі.

Праз сваю міжнародную «Сетку ТСМФС» (анг. SWIFTNet) надае банкам ідэнтыфікацыйныя коды ISO 9362 (SWIFT-коды) для зьдзяйсьненьня плацяжу на Міжнародны нумар банкаўскага рахунку атрымальніка. Прадпрыемства выстаўляе патрабаваньні на аплату, якія банкі пагашаюць праз карэспандэнцкія рахункі, якія маюць паміж сабой. Галаўное прадпрыемства месьціцца ў Бэльгіі (Ля-Юльп). На 2017 год аддзяленьні прадпрыемства працавалі ў 25 краінах сьвету.

Паслугі

На 2017 год «Таварыства сусьветнай міжбанкаўскай фінансавай сувязі» (ТСМФС; анг. SWIFT) прадавала банкам доступ да абмену паведамленьнямі праз «Сетку ТСМФС» (анг. SWIFTNet). Перасылка паведамленьняў ажыцьцяўлялася праз службу «Фін» (анг. FIN), якая дазваляла капіяваць розныя віды паведамленьняў ТСМФС, стасавацца ў суполках і аднаўляць дасланыя праз Сеціва паведамленьні. Доступ да сеткі зьдзяйсьняўся праз воблачны сэрвэр «Лайт 2» (Lite2). Для абмену паведамленьнямі на пашыральнай мове разьметкі (ПМР; анг. XML) выкарыстоўвалі праграму «ІнтэрАкт» (анг. InterAct). Праграма дазваляла рынкаўтваральнікам і іх кліентам імгненна абменьвацца зваротамі і адказамі. Праграму «ФайлАкт» (анг. FileAct) выкарыстоўвалі для дасылкі кампутарных файлаў, якія зьмяшчалі справаздачы, зьвесткі пра дзейнасьць і аплату, зборы перапіскі. Таксама прапаноўваўся ўласны браўзэр «ВэбАксэс» (анг. WebAccess — Вэб-доступ)^[8].

За 2016 год звыш 11 000 банкаў з больш як 200 краінаў, якія карысталіся «Сеткай ТСМФС», перадалі звыш 6,5 млрд паведамленьняў праз службу «Фін» (+69%), звыш 4,2 млрд файлаў праз праграму «ФайлАкт» (+29%) і звыш 1 млрд паведамленьняў праз праграму «ІнтэрАкт» (+71%)^[9].

Кіраваньне

Агульны сход. Склікаецца штогод у 2-і чацьвер чэрвеня а 11:00. Правамоцны пры ўдзеле ўласьнікаў прынамсі паловы акцыяў. Зацьвярджае пастановы большасьцю пададзеных галасоў (1 акцыя = 1 голас). Прызначае склад Рады кіраўнікоў на 3 гады. Пагатоў «усе акцыянэры ад кожнай з першых 6 дзяржаваў паводле ліку акцыяў … могуць разам прапанаваць … па 2 кіраўнікі» (12 кіраўнікоў ад 6 дзяржаваў). «Усе акцыянэры ад кожнай з наступных 10 дзяржаваў паводле ліку акцыяў … могуць разам прапанаваць … па 1 кіраўніку» (10 кіраўнікоў ад 10 дзяржаваў). Усе акцыянэры з 2-х і больш дзяржаваў зь меншым лікам акцыяў могуць разам прапанаваць па 1 кіраўніку, але ня больш за 3 агулам. Таксама прызначае на 3 гады статутных аўдытараў зь ліку сябраў Каралеўскай установы рэвізораў прадпрыемстваў Бэльгіі (Брусэль). Можа зьмяняць Статут 75% пададзеных галасоў пры ўмове прысутнасьці ўласьнікаў 75% акцыяў.
Рада кіраўнікоў. Складаецца зь ня больш як 25 кіраўнікоў. Склікаецца прынамсі 4 разы на год. Кожны кіраўнік мае быць супрацоўнікам акцыянэра Таварыства. Правамоцная пры ўдзеле ў пасяджэньні прынамсі 60% кіраўнікоў, зь іх 50% маюць прысутнічаць асабіста. Прымае рашэньні простай большасьцю галасоў. Выконвае пастановы Агульнага сходу. Кіруе ўласнасьцю Таварыства і зацьвярджае штогадовы каштарыс. Прызначае ўласнага старшыню і аўдытарскі камітэт. Прымае новых акцыянэраў^[1].

Разьмяшчэньне

На 2017 год КТАА «Таварыства сусьветнай міжбанкаўскай фінансавай сувязі» мела 28 сядзібаў у 25 дзяржавах:

Азія (10 у 8 дзяржавах) — Аб’яднаныя Арабскія Эміраты (Дубай), Інданэзія (Джакарта), Індыя (Мумбаі), Кітай (Ганконг, Пэкін і Шанхай), Малайзія (Куала Лумпур), Паўднёвая Карэя (Сэул), Сынгапур і Японія (Токіё);
Акіянія (1) — Аўстралія (Сыднэй);
Афрыка (3) — Гана (Акра), Кенія (Найробі) і Паўднёвая Афрыка (Яганэсбург);
Паўднёвая Амэрыка (1) — Бразылія (Сан-Паўлу);
Паўночная Амэрыка (3 у 2 дзяржавах) — Злучаныя Штаты Амэрыкі (Маямі і Нью-Ёрк) і Мэксыка (Мэхіка);
Эўропа (10) — Аўстрыя (Вена), Бэльгія (Ля-Юльп), Вялікабрытанія (Лёндан), Гішпанія (Мадрыд), Італія (Мілан), Нямеччына (Франкфурт-на-Майне), Расея (Масква, Цэнтральная адміністрацыйная акруга, раён Арбат), Францыя (Парыж), Швайцарыя (Цюрых) і Швэцыя (Стакгольм)^[10].

Удзельнікі

Паводле 5-га артыкула Статута КТАА «Таварыства сусьветнай міжбанкаўскай фінансавай сувязі» ад 13 чэрвеня 2013 году, «пастаянная частка статутнага капіталу Таварыства складае 625 000 эўра». Акцыі маюць «намінальную вартасьць у 125 эўра кожная». Згодна з 10-м артыкулам Статута, «Кожная ўстанова, прынятая ў якасьці акцыянэра, мае спачатку атрымаць адну акцыю»^[1]. З 8 чэрвеня 2017 году цану акцыі «ТСМФС» устанавілі ў памеры 4665 эўра^[11]. Да ўдзелу ў Таварыстве дапускаліся 10 відаў установаў: банк, аплатная сыстэма, брокер, дэпазытарый, інвэстыцыйны кіраўнік, удзельнік фонду, карпарацыя, біржа, служба супастаўленьня і клірынгавы дом^[12].

Мінуўшчына

У траўні 1973 году 239 банкаў з 15 краінаў заснавалі ў Брусэлі (Бэльгія) КТАА «Таварыства сусьветнай міжбанкаўскай фінансавай сувязі» («ТСМФС»; анг. SWIFT) з мэтай усталяваньня агульных стандартаў для фінансавых транзакцыяў, стварэньня сыстэмы апрацоўкі супольнадаступных дадзеных і сусьветнай інфармацыйнай сеткі. У 1975 годзе ўсталявалі фундамэнтальныя апэрацыйныя інструкцыі і нормы адказнасьці. У 1977 годзе адаслалі першае паведамленьне. Пасьля тэрарыстычных нападаў 11 верасьня 2001 ЦРУ і Міністэрства фінансаў ЗША атрымалі доступ да фінансавае інфармацыі сеткі SWIFT з мэтай адсочваньня магчымых фінансавых транзакцыяў тэрарыстаў. На лістапад 2008 году прадпрыемства належала 8740 банкам з 209 краінаў. У 2008 годзе праз SWIFT штодзень праходзіла больш за мільён транзакцыяў пра грашовыя пераказы, міжбанкаўскія плацяжы, каштоўныя паперы. За год — 2,5 млрд плацёжных даручэньняў.

Крыніцы

^ ^а ^б ^в Статут КТАА «Таварыства сусьветнай міжбанкаўскай фінансавай сувязі» ад 13 чэрвеня 2013 году (анг.) // «Таварыства сусьветнай міжбанкаўскай фінансавай сувязі», 2017 г. Праверана 14 лістапада 2017 г.
^ Кіраўніцтва «ТСМФС» (анг.) // «Таварыства сусьветнай міжбанкаўскай фінансавай сувязі», 2017 г. Праверана 14 лістапада 2017 г.
^ Рада кіраўнікоў «ТСМФС» (анг.) // «Таварыства сусьветнай міжбанкаўскай фінансавай сувязі», 2017 г. Праверана 14 лістапада 2017 г.
^ Агляд «ТСМФС» за 2016 год (анг.) // «Таварыства сусьветнай міжбанкаўскай фінансавай сувязі», травень 2017 г. Праверана 14 лістапада 2017 г.
^ Абменны рынкавы курс эўра да замежных валютаў на 30 сьнежня 2016 г. (1,0541 даляра ЗША) (анг.) // Эўрапейскі цэнтральны банк, 30 сьнежня 2016 г. Праверана 14 лістапада 2017 г.
^ Кіраваньне (аўдыт) (анг.) // «Таварыства сусьветнай міжбанкаўскай фінансавай сувязі», 2017 г. Праверана 14 лістапада 2017 г.
^ Асноўныя паслугі Разьліковага цэнтра Нацыянальнага банка Рэспублікі Беларусь // Нацыянальны банк Рэспублікі Беларусь, 2017 г. Праверана 14 лістапада 2017 г.
^ Паведамленьні і стандарты (анг.) // «Таварыства сусьветнай міжбанкаўскай фінансавай сувязі», 2017 г. Праверана 14 лістапада 2017 г.
^ Галоўныя факты 2016 году (анг.) // «Таварыства сусьветнай міжбанкаўскай фінансавай сувязі», 2017 г. Праверана 14 лістапада 2017 г.
^ Сядзібы «ТСМФС» (Кантакты) (анг.) // «Таварыства сусьветнай міжбанкаўскай фінансавай сувязі», 2017 г. Праверана 14 лістапада 2017 г.
^ Становішча акцыянэра (анг.) // «Таварыства сусьветнай міжбанкаўскай фінансавай сувязі», 2017 г. Праверана 14 лістапада 2017 г.
^ Хто можа ўступіць (анг.) // «Таварыства сусьветнай міжбанкаўскай фінансавай сувязі», 2017 г. Праверана 14 лістапада 2017 г.

Вонкавыя спасылкі

Украінская нацыянальная суполка «ТСМФС» (укр.)

[с-1] а ^б ^в Статут КТАА «Таварыства сусьветнай міжбанкаўскай фінансавай сувязі» ад 13 чэрвеня 2013 году (анг.) // «Таварыства сусьветнай міжбанкаўскай фінансавай сувязі», 2017 г. Праверана 14 лістапада 2017 г.

[2] Кіраўніцтва «ТСМФС» (анг.) // «Таварыства сусьветнай міжбанкаўскай фінансавай сувязі», 2017 г. Праверана 14 лістапада 2017 г.

[3] Рада кіраўнікоў «ТСМФС» (анг.) // «Таварыства сусьветнай міжбанкаўскай фінансавай сувязі», 2017 г. Праверана 14 лістапада 2017 г.

[4] Агляд «ТСМФС» за 2016 год (анг.) // «Таварыства сусьветнай міжбанкаўскай фінансавай сувязі», травень 2017 г. Праверана 14 лістапада 2017 г.

[5] Абменны рынкавы курс эўра да замежных валютаў на 30 сьнежня 2016 г. (1,0541 даляра ЗША) (анг.) // Эўрапейскі цэнтральны банк, 30 сьнежня 2016 г. Праверана 14 лістапада 2017 г.

[6] Кіраваньне (аўдыт) (анг.) // «Таварыства сусьветнай міжбанкаўскай фінансавай сувязі», 2017 г. Праверана 14 лістапада 2017 г.

[7] Асноўныя паслугі Разьліковага цэнтра Нацыянальнага банка Рэспублікі Беларусь // Нацыянальны банк Рэспублікі Беларусь, 2017 г. Праверана 14 лістапада 2017 г.

[8] Паведамленьні і стандарты (анг.) // «Таварыства сусьветнай міжбанкаўскай фінансавай сувязі», 2017 г. Праверана 14 лістапада 2017 г.

[9] Галоўныя факты 2016 году (анг.) // «Таварыства сусьветнай міжбанкаўскай фінансавай сувязі», 2017 г. Праверана 14 лістапада 2017 г.

[10] Сядзібы «ТСМФС» (Кантакты) (анг.) // «Таварыства сусьветнай міжбанкаўскай фінансавай сувязі», 2017 г. Праверана 14 лістапада 2017 г.

[11] Становішча акцыянэра (анг.) // «Таварыства сусьветнай міжбанкаўскай фінансавай сувязі», 2017 г. Праверана 14 лістапада 2017 г.

[12] Хто можа ўступіць (анг.) // «Таварыства сусьветнай міжбанкаўскай фінансавай сувязі», 2017 г. Праверана 14 лістапада 2017 г.

[1]

[2]

[3]

[4]

[5]

[6]

[7]

[8]

[9]

[10]

[11]

[12]