Huawei Ascend W1

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Huawei Ascend W1
Huawei Ascend W1
Вытворца Хуавэй (Тайвань)
Дыяпазоны частасьцяў GSM/GPRS/EDGE 850/900/1800/1900; UMTS 900/2100
Тып корпусу Пліта
Вага 130 грамаў
Памер 125×64×10 мм
Фотакамэра 5 млн. піксэлаў, сьветладыёдная ўспышка, аўтафакусаваньне
Інтэрфэйсы Bluetooth 2.1, Wi-Fi

Huawei Ascend W1 (анг. Ascend — падымацца) — першы смартфон Хуавэй пад Windows Phone 8, прадстаўлены 8-11 студзеня 2013 году на Міжнароднай выставе спажывецкай электронікі (горад Лас-Вэгас, штат Нэвада, ЗША). У студзені 2013 г. зьявіўся на кітайскім рынку ў якасьці найтаньнейшага мабільніка з апэрацыйнай сыстэмай WP8, што мае і беларускамоўны інтэрфэйс.

Уласьцівасьці[рэдагаваць | рэдагаваць крыніцу]

Дотыкавы экран з дыяганальлю 4 цалі з тонкастужкавых транзыстараў (TFT) меў разрозьненьне 480×800 піксэлаў (233 пкс/цаля) і здольнасьць адлюстроўваць да 16 млн адценьняў. Сховішча складала 4 гігабайты з магчымасьцю пашырэньня за кошт падлучэньня картаў памяці, апэратыўная запамінальная прылада — 512 мэгабайтаў. Камэра дазваляе ствараць высокаразрозьненае відэа ў 720 паземных лініяў з суадносінамі бакоў 16:9 (1,78:1). Двухядзерны працэсар MSM8x30 мае частасьць 1,2 гігагэрц. Акумулятар меў ёмістасьць на 1950 міліампэраў/гадзіна. Корпус прапаноўваўся ў адным з 4 адценьняўбелы, блакітны, чорны або чырвоны[1].

Крыніцы[рэдагаваць | рэдагаваць крыніцу]

  1. ^ Huawei Ascend W1 // Майкрасофт Праверана 5 чэрвеня 2013 г.