Freelancer

Freelancer
Дата выпуску	4 сакавіка 2003
Апошняя вэрсія	1.1
Жанр	касьмічны сымулятар
Стваральнікі
Распрацоўнік	Digital Anvil
Выдавец	Microsoft
Кампазытар	James Hannigan[d]
Тэхнічныя дэталі
Плятформа	Microsoft Windows
Рэжымы	адзін гулец, мноства гульцоў
Носьбіт	DVD
Сыстэмныя патрабаваньні
Pentium III 600 МГц, 128 МБ памяці, 32 Мб відэа, 1,5 Гб месца
Кіраваньне	клявіятура, мыш
Афіцыйны сайт

Freelancer — касьмічны сымулятар, створаны былой кампаніяй Digital Anvil і выпушчаны ў продаж кампаніяй Microsoft у 2003 годзе. Гульня зьяўляецца працягам іншага сымулятара ад Digital Anvil, Starlancer, у якім па сюжэце сутыкнуліся ў жорсткай вайне два саюзы Сонечнай сыстэмы: Альянс (Амэрыка, Ангельшчына, Нямеччына, Японія, Гішпанія й іншыя заходнія краіны) і Кааліцыя (Расея, Кітай і краіны Сярэдняга Ўсходу).

Сюжэт

Дзеяньне гульні разгортваецца прыкладна праз 900 гадоў пасьля пачатку той вайны. Застаўка гульні паказвае, што пасьля стогадовай бойні Кааліцыя адціснула Альянс да аднаго адзінага месяцу сыстэмы. Альянс, разумеючы, што вайна прайграна, пабудаваў 5 каляніяльных караблёў, кожны зь якіх быў названы ў гонар зямной нацыі, да якой належала большасьць каляністаў на борце кожнага зь іх: Кусары (Японія), Райнляндыя (Нямеччына), Свабода (у іншай вэрсіі перакладу — Лібэрці (ЗША)), Брэтон (Вялікабрытанія) і Гішпанія (Гішпанія). Падчас апошняй бітвы вайны гэтыя караблі змаглі прабіцца скрозь ударны флёт Кааліцыі і скокнуць у кірунку сэктара Сырыюс.

Першапачатковая застаўка, выразаная перад выхадам гульні, паказвае, што Сонечная сыстэма была зьнішчана іншаплянэтным караблём, які зьявіўся пасьля Выхаду. Адзін карабель Кааліцыі перажыў выбух Сонца і пайшоў за каляністамі, каб папярэдзіць іх аб небясьпецы.

Праз 800 гадоў пасьля Выхаду (з прыбыцьцём людзей на Сырыюс пачалася так званая калянізацыйная эра, летазьлічэньне ў гульні вядзецца ў гадах к.э.). Калянізаваны сэктар Сырыюс падзелены на чатыры «дамы» або дзяржавы: Свабода (сталіца — плянэта Мангэтан), Кусары (сталіца — плянэта Новы Токіо), Рэйнляндыя (сталіца — плянэта Новы Бэрлін) і Брэтон (сталіца — плянэта Новы Лёндан). Тып ўраду ўзяты зь зямной гісторыі: Свабода — дэмакратыя з абраным прэзыдэнтам (Барбара Якобі); Кусары — фэўдальная сыстэма, дзе кіруе сягун (Эда); Брэтон — канстытуцыйная манархія з кіруючым каралём ці каралевай (Карына) і Рэйнляндыя — вайсковы ўрад Прусіі XIX стагодзьдзя на чале з канцлерам (Флярыян Густаў Німан). Таксама існуюць Прыгранічныя й Незалежныя Міры. Гэтыя плянэты й сыстэмы кантралююцца рознымі фракцыямі (горназдабыўнымі кампаніямі, паў-легальнымі Юнкер, піратамі). Карабель Гішпанія быў пашкоджаны й пакінуты ў сыстэме Амікрона ў выніку сабатажу, і дагэтуль ён там стаіць сярод поля абломкаў побач з плянэтай ізгояў, Мальтай.

Галоўны герой гульні — малады пілёт-найміт 'Эдысан Трэнт' (на малюнку). Ураджэнец брэтонскай плянэты Лідс, Трэнт не жадае быць мэханікам як Тобіяс, чалавек, які яго выгадаваў. Яго туляньні прывялі яго на Свабодны Порт-7 у сыстэму Сыгма-17, дзе ён заключыў зьдзелку дастаўкі буйной партыі бору. Не пасьпеў Трэнт скончыць зьдзелку ды атрымаць абяцаны мільён крэдытаў, як станцыю тарпедавалі невядомыя караблі. Разам зь іншымі выжылымі Трэнт быў накіраваны ў Мангэтан. Лёнігана, які павінен яму мільён, забралі ў шпіталь. Гульня пачынаецца з таго, што галоўны герой стаіць у касмапорту сталіцы Свабоды й думае, што ж яму рабіць без карабля ды грошай (маючы ўсяго 500 крэдытаў у кішэні).

Трэнт ідзе ў бар касмапорту, дзе сустракае супрацоўніцу СБЛ (Служба Бясьпекі Лібэрці. У іншай вэрсіі перакладу - Служба Бясьпекі Свабоды, СБС) Джунка Зэйн. Пачуўшы, што Трэнт страціў свой карабель у Фрыпорце-7, Джуні (яна не любіць сваё поўнае імя) наймае яго на заданьне й дае яму лёгкі касьмічны зьнішчальнік. На арбіце плянэты Трэнт сустракае памочніка Джуні Кінга. Трэнт бачыць Рейнляндзкі крэйсэр Дона з адміралам Шульцкім на борце на падыходзе да арбітальнага прычалу. Адкуль ні вазьміся зьяўляецца эскадра цяжкіх зьнішчальнікаў і тарпэдуе крэйсэр, перш чым хто-небудзь можа нешта зрабіць. Караблі, якія прыбылі належаць да крымінальнай арганізацыі пад назвай Ордэн. Трэнт і Кінг дапамагаюць флёту Лібэрці зьнішчыць злачынцаў, пасьля чаго яны накіроўваюцца да форта Буш праз гандлёвую лінію — унутрысыстэмны высакахуткасны рух. Каля форту яны сустракаюць 2 транспарта, якія чакаюць канваіраў — Кінга і Трэнта. Разам ўсе чацьвёра ўваходзяць у гандлёвую лінію па кірунку да плянэты Піцбург, але па шляху іх перахопліваюць піраты. Канваіры пасьпяхова адбіваюць першы напад і зноў ўваходзяць у гандлёвую лінію. Прыбыўшы на арбіту Піцбурга, Трэнт даведваецца, што транспарт быў прынадай, каб пацьвердзіць асьцярогі СБЛ ў тым, што піраты маюць базу ў поле абломкаў Піцбурга. Сеўшы на пасадачную пляцоўку Піцбурга, Кінг тлумачыць сытуацыю Трэнту. Наступнае заданьне ўключае ў сябе патруляваньне сьмецьцевага воблака непадалёк ад плянэты. У патрулі ўдзельнічае некалькі эскадраў СБЛ. Не пасьпеў Трэнт пачаць свой патруль, як ён з Кінгам атрымлівае сыгнал бедзтва ад турэмнага транспарту XT-19. Трэнт і Кінг хутка ляцяць у кірунку сыгналу й бачаць, што піраты атакуюць транспарт. Адбіўшы напад, Кінг атрымлівае SOS ад адной з патрульных эскадраў. Прыляцеўшы на месца, яны выяўляюць, што ад эскадры застаўся адзін зьнішчальнік. Адбіўшы чарговы напад піратаў, пілёт, які выжыў, накіроўвае іх да варожай базы. На шляху да яе, Кінг запытаў дапамогу двух эскадраў. Адна зь іх сустракае Кінга і Трэнта каля базы, дзе яны й пачынаюць зьбіваць пірацкія зьнішчальнікі й гарматныя плятформы. На падмогу пасьпявае эскадра бамбавікоў, якая тарпэдуе базу, пазбавіўшы піратаў буйной апорнай кропкі ў сыстэме. Кінг кажа Трэнту, што ён, ці Джуні зь ім зьвяжуцца пазьней. Да гэтага, Трэнт можа выконваць заданьні іншых кліентаў, але ён ня можа пакідаць сыстэму.

У рэшце рэшт, Джуні выклікае Трэнта ў бар на Мангэтане, дзе яны з Кінгам просяць яго дапамагчы схапіць Шона Эшкрафта — верхавода кантрабандыстаў іншаплянэтнымі артэфактамі, гандаль якіх Прэзыдэнт нядаўна абвясьціла нелегальным. У ўзнагароду Трэнт атрымае коды для падарожжа ў іншыя сыстэмы Свабоды. У касмапорце, Трэнт бачыць Лёнігана, які ўцёк з шпіталя. Ён сьцьвярджае, што хтосьці палюе на тых хто выжыў у нападзе на Фрыпорт-7. Потым зьяўляюцца людзі ў форме й усыпляюць Лёнігана, а Трэнта б'юць электрычнай дубінкай. Джун і Кінг знаходзяць яго ў накаўт і нагадваюць пра Эшкрофт. Кінг і Трэнт скачуць праз гіпэрвароты ў сыстэму Каларада і чакаюць каля брамы. Пачаўшы заданьне, Трэнт скануе груз некалькіх караблёў і знаходзіць артэфакты ў адным зь іх. Кантрабандыст на іх нападае, але яны выводзяць з ладу рухавік ягонага карабля. Тут ён ім кажа, што ён не Эшкрафт, Джуні паведамляе, што страчана сувязь са станцыяй Пуэбло, і просіць Трэнта з Кінгам даведацца ў чым справа. Станцыю атакуе тузін зьнішчальнікаў, Вы павінны разабрацца зь імі. Калі вы скончыце, Шона ўжо ня будзе на вашых радарах, але са станцыі Пуэбло пасьпелі прымацаваць маяк на яго карабель, Вы будзеце прытрымлівацца па ім. Базу Эшкрафта выявілі ў адным зь сьмецьцевых аблокаў. Трэнт, Кінг, і эскадра зьнішчальнікаў СБС ляцяць туды й нападаюць на кантрабандыстаў. Эшкрафт, бачачы, што супраціўнік мацней, ляціць на ўсіх парах да бліжэйшай гіпэрдыры, але Трэнт яго даганяе й зьбівае. Эшкрафт катапультуецца, і Трэнт хапае яго капсулу. Яны ляцяць да лінкара ў Мізуры (флягман Касмафлёту Свабоды) і здаюць злачынца СБС.

Джуні неўзабаве патэлефануе зноў, і прапануе сустрэцца ў бары на Мангэтане, але яе там не апынецца. Бармэн скажа што Джуні чакае Вас на плянэце Малая Каліфорнія. Калі вы патрапіце ў Каліфорнію каля брамы вас сустрэне яшчэ адзін пілот, ён будзе казаць што за выжылымі з Фрыпорта 7 ідзе паляваньне, і вы павінны бегчы, але тут зьявіцца патруль флёту і разьнясе яго на шматкі. Вы зьбянтэжаны прыляціце на плянэту Малая Каліфорнія. Джуні папросіць Вас дапамагчы ёй у эскорце канвою з артэфактамі на дасьледчую станцыю Вялярд. Аб канвоі будуць ведаць толькі некалькі чалавек у СБС, і калі на канвой нападуць, то тады будзе ясна, што ў іх шэрагах ёсьць здраднікі. Вы адправіцеся да памежнай станцыі Сан-Дыега, недалёка ад яе сустрэнеце канвой, які й пачнеце суправаджаць. На трэцяй Кантрольнай кропцы на Вас нападуць больш за 10 зьнішчальнікаў супраціўніка, некаторы час Вы будзеце абараняцца толькі ўдваіх, але потым з Сан Дыега дашлюць падмогу. Пасьля таго як адаб'ецеся ад ворагаў, даведзяце канвой да станцыі Вілярд. Адтуль Джуні будзе вяртацца з Вамі да плянэты Малая Каліфорнія. Па дарозе вас сустрэнуць 3 зьнішчальніка Рэйнляндыі. Пасьля непасьпяховых спробаў Джуні патрабаваць караблі Рэйнляндыі ідэнтыфікаваць сябе, яны атакуюць Трэнта й Джуні. Забіўшы іх, Вы вернецеся на плянэту Малая Каліфорнія. Там Вы ўбачыцеся з Ўокерам, камандзірам крэйсэрскага атраду, які таксама занепакоены імклівымі зьменамі ў Свабодзе. Разам зь ім і яго атрадам вы накіруецеся на патруляваньне, і адразу ж атрымаеце сыгнал бедзтва са станцыі Вілярд. Наблізіўшыся да яе Вы выявіце што яе атакуюць некалькі кананерак і зьвяно зьнішчальнікаў / бамбавікоў Рейнляндыі. Гэта будзе самае вялікая бітва, з часоў 80-гадовай вайны. Пасьля таго як Вы выйграеце, Джуні скажа, што ёй тэрмінова трэба перагаварыць са сваім кіраўніцтвам, і адправіцца ў Нью-Ёрк, у вас жа будзе трохі вольнага часу да наступнай місіі.

Пасьля некаторых пакут Трэнт сустракае чалавека, які выжыў на Фрыпорте-7. Ён паказвае Трэнту іншаплянэтны артэфакт — рэч, прызначэньне якой яшчэ трэба будзе высьветліць. Прама падчас сустрэчы гэтага чалавека забівае ваенны афіцэр і пагражае сьмерцю Трэнту. Але побач аказваецца Джуні, якая, у сваю чаргу, забівае таго афіцэра. Гэта дзеяньне адразу ж наладзіла Свабоду супраць Джуні й Трэнта. Яны абвешчаныя галоўнымі злачынцамі Свабоды. На іх пачынаюць паляваньне як усе паліцыянты Свабоды, так і Гільдыя наймітаў. Джуні й Трэнт вымушаны схавацца ў бясплодных землях — анамальна астэроідным поле, прыстанішча злачынцаў. Джуні паведамляе Трэнту, што ў полі ёсьць станцыя, на якой у адзіноце жыве й працуе яе знаёмы навуковец Ван Пяльцье. Пасьля таго, як Трэнт паказвае яму артэфакт, той загадвае Эдысан знайсьці прафэсара Ролянда Квэньціна, самага вядомага ў навуковым сьвеце ксэнаархіёляга. Яго аповед перарывае сыстэма бясьпекі, якая паведамляе аб захадзе за пэрымэтар караблёў Свабоды. Ван Пяльцье просіць Джунко і Трэнта ляцець, а сам застаецца на станцыі, якая пасьля нядоўгіх перамоваў была зьнішчана крэйсэрамі Свабоды.

Трэнт і Джуні вымушаны схавацца ў сыстэме Магелян пад часовым заступніцтвам Хакераў Лейна — забойцаў, якія складаюцца ў асноўным з былых супрацоўнікаў кампаніі Агэйра. Гэтыя людзі ведаюць, як вывесьці з ладу вароты гандлёвых шляхоў, каб затым напасьці на ашклянелыя экіпажы.

З базы Мактан Трэнт адпраўляецца наўпрост у сыстэму Лідс (Брэтон), а Джуні — на пошукі Квэньціна па ўсёй Бретоні. На Лідсе Трэнт сустракаецца з Тобіясам. У яго ён чакае вестак ад Джунко. Неўзабаве Зэйн зьвязваецца з Трэнтам і просіць сустрэцца на плянэце Кэмбрыдж. Пасьля прылёту Эдысан пазнае, што Джунко змагла адшукаць чалавека, які час ад часу працуе з Квэньцінам. Той распавядае, што ня ведае, дзе ў апошні час знаходзіцца доктар Ролянд, і таму дае каардынаты плянэты Спраг сыстэмы Амега-3), дзе працуе на раскопках калега Квэньціна — доктар Кэндра Сынклэр.

Трэнт і Зейн ляцяць на Спраг, на падлёце да якога трапляюць у засаду зьвяна рейнляндзкіх зьнішчальнікаў, якія зьявіліся ніадкуль. Зьнішчыўшы іх, Зэйн і Эдысан садзяцца на Спраг, дзе сустракаюцца з доктарам Сынклэрам. Джуні і Трэнт распавядаюць ёй пра артэфакт. Сынклэр сьцьвярджае, што ведае, што гэта за артэфакт. Яна сьцьвярджае, што менавіта яна знайшла яго на адной з плянэт Імпэрыі Дана Кавашы, расы, якая існавала на Сырыюсе і заснаваная задоўга да таго, як зьявілася чалавецтва. Потым артэфакт зьнік. Падчас размовы базу Сынклэрам атакуюць караблі Рэйнландыі. Зэйн, Трэнт і Кэндра вымушаныя тэрмінова стартаваць з плянэты. Пасьля гэтага рейнляндзкія караблі разносяць базу на плянэце і кольцы стыкоўкі. Спрабуючы адарвацца ад перасьледу, Эдысан, Сынклэр і Джунка хаваюцца ў ледзяным воблаку паблізу ад плянэты. Пасьля скачку празь гіпэрдыру ў Кэмбрыдж яны сустракаюць два зьнішчальнікі Рэйнляндыі. Гэта дэзэртыры, якія ня хочуць удзельнічаць у гэтай дзіўнай вайне. Яны распавядаюць, што ўрад Рэйнляндыі атрымаў у рукі невядомую дагэтуль тэхналёгію, якая дазваляе караблям пераходзіць у рэжым нябачнасьці (У літаральным сэнсе). Гэтым тлумачыцца раптоўнае зьяўленьне караблёў Рэйнляндыі ў Спраг. Дэзэртыры дапамагаюць героям прарвацца скрозь блякаду Рэйнляндыі й вярнуцца ў Лідс. Джуні зноў накіроўваецца на пошукі Квэньціна, а зь ёй і Сынклэр.

Празь некаторы час Трэнт атрымлівае паведамленьне ад Джуні з саветам зьлятаць на лінкар Худ ў сыстэму Дублін. Паводле яе словаў, там Трэнт можа сустрэць чалавека па імені Дэкстар Ховіс, які часам працуе на Квэньціна як дастаўшчык неабходных прафэсару грузаў. Трэнт накіроўваецца туды і сустракае Дэкстара ў паказаным месцы — на лінкары. Той прапануе Эдысан зьдзелку — інфармацыя пра месцазнаходжаньне Квэньціна ў абмен на Адзін круг гонак зь ім. Трэнт згаджаецца, і даведаецца ад Ховіса, што ў суседнім астэроідным полі «пастаянныя наведвальнікі» лінкара Худ зладзілі гоначную трасу з адмысловых кольцаў.

Пасьля гонкі Трэнт і Дэкстар вяртаюцца на Худ, і Ховіс перадае Трэнту каардынаты станцыі Слаўная на якой абгрунтаваўся Квэньцін. Прыбыўшы на месца, Эдысан бачыць, што станцыю атакуе зьвяно Рэйнляндзкіх зьнішчальнікаў, ад якіх абараняюць станцыю людзі прафэсара. Трэнт дапамагае расправіцца з рэйнляндцамі, і атрымлівае дазвол сесьці. Тым часам прыбывае падмацаваньне Рэйнляндыі, і Квэньцін аб’яўляе экстраны старт. Пад агнём рэйнляндцаў яны ляцяць да дзіркі гіпэрпереходу ў Лідс, а затым, пасьля скачку, на аднайменную плянэту.

У краме Тобіясу сустракаюцца Трэнт, Квэньцін, Сынклэр, Джуні, і ўласна, сам Тобіяс. Празь некаторы час у краму ўрываюцца двое Рэйнляндзкіх агентаў, якія распытваюць Тобіяса, ці ня бачыў ён чалавека, падобнага на таго, здымак якога яны прад’явілі айчыма Трэнта. На здымку быў намаляваны Квэньцін. Тобіяс запэўнівае няпрошаных гасьцей, што такога чалавека ён зроду ня бачыў. Двое сыходзяць, а Джуні, Сынклэр, Квэньцін і Трэнт рыхтуюцца да ўзьлёту.

На арбіце іх сустракаюць агенты, якія прыходзілі да Тобіяса. Зьявіўшыся зь неадкуль, выкарыстоўваючы стэлс-тэхналёгію, пасьля нядоўгіх перамоваў атакуюць групу. Тыя, адбіўшыся, ляцяць у сыстэму Таў-31, у гіпэрврат у якую іх сустракае Рэйнляндзкі Крэйсэр, а таксама Тобіяс. З боем яны прарываюцца да дзіркі, а затым і праз усю Таў-31.

Квэньцін паведамляе, што адзін яго знаёмы — палкоўнік Крэс, можа знаходзіцца на станцыі Шынкаку сыстэмы Таў-29. Яны ляцяць туды, і ўведаюць на станцыі, што Крэс цяпер — у сыстэме Таў-23, на базе Калі. Па шляху да дзіркі герояў атакуе магутная група рэйнляндзкіх караблёў. Празь некаторы час ім на дапамогу ляціць зьвяно зьнішчальнікаў, падпарадкаваных Крэсу, прыцягнутых актыўнасьцю ў сэктары бою. Зь іх дапамогай, група атрымлівае магчымасьць супрацьстаяць рэйняандцам. Пасьля бітвы героі адпраўляюцца да дзіркі Таў-23, а затым і на базу Калі.

На базе Калі героі сустракаюць Крэса, які распавядае ім, што працуе на Ордэн, і што гэтая арганізацыя — не злачынная. Квэньцін, пасьля таго як разглядае артэфакт, і просіць знайсьці іншы артэфакт — Том Протэўса, які знаходзіцца ў галерэі Новага Токіо. Крэс раіць Джуні і Трэнту ляцець у сыстэму Хансю, і там знайсьці лорда Хакіру — прэфэкта сыстэмы, таксама чальца Ордэна.

Рушыўшы ўсьлед радзе палкоўніка, Джуні й Трэнт адпраўляюцца ў Хансю, пакінуўшы Сынклэр і Квэньціна на базе. У Хансю на аднаймённай плянэце яны сустракаюць чакаючага іх Хакіру.

На тое, каб атрымаць Протэўс ў свае рукі, Хакіре патрабуецца час. У гэты час Джуні зьвязваецца з Трэнтам і дамаўляецца пра сустрэчу на базе ў сыстэме Кушу. Там яго сустракаюць Джуні і Азу — адзін з чальцоў арганізацыі Цмокі Крыві, зь якімі супрацоўнічае Хакіра. Гэтыя людзі — спадчыньнікі каралеўскай варты зрынутага сотні гадоў таму сягуна, і якія прысьвяцілі сваё жыцьцё зьвяржэньню цяперашняга ўраду Кусары. Азу распавядае, што карыстаючыся сваімі паўнамоцтвамі, Губэрнатар сыстэмы Кушу Тэкагі дзеля смутнай мэты забірае Том Протэўса сам. Азу патрабуе ад Трэнта дапамогі ў нападзе на вэрфі Юкава, на якіх павінен быць прычаленны карабель Тэкагі, а на яго борце павінен знаходзіцца Том.

Пасьля таго, як Трэнт згаджаецца, Джуні, Азу й Трэнт стартуюць, і адпраўляюцца да вэрфі, па шляху сустракаючы ўдарную групу Цмокаў.

Пасьля найскладанага нападу на вэрфі, Цмокам атрымоўваецца захапіць карабель з грузам, але Тома Протэўса сярод золата і артэфактаў знайсьці не атрымоўваецца. Для таго, каб схавацца ад ВПС Кусары й паліцыі ўдарная група адыходзіць ў сыстэму Чугоку — змрочную сыстэму, якая цалкам знаходзіцца ў цёмна-фіялетавай імглістасьці. У цэнтры яе — вялізны астэроід, усярэдзіне якога Цмокі Крыві заснавалі ўласны горад. Гэта база Кіёта, якая стала на дзесяцігодзьдзі домам Цмокаў.

Пасьля таго, як Цмокі па сваіх каналах адшукваюць Тэкагі, аказваецца, што той схаваўся ў закрытай сыстэме Тохоку, дзе знаходзіцца база ВПС Кусары. Азу прымае рашэньне прабівацца да Тома Протэўса, таму просіць Трэнта далучыцца да атакі. Пасьля яго згоды, яны ляцяць да дзіркі ў сыстэму да Тохоку. У зялёна-блякітным воблаку на краі сыстэмы яны выходзяць з гіпэрпрастору, і ляцяць да аванпаста драконаў, дзе сустрэўшыся з ударнай групай, адпраўляюцца на штурм. У імглістасьці іх сустракае атрад ВПС і разыгрываецца бітва. Пасьля таго, як Цмокі выходзяць пераможцам, яны ляцяць да базы. На выхадзе зь імглістасьці ім адкрываецца захапляльная дух карціна. У цэнтры сыстэмы знаходзіцца некалькі вугляватых плянэтойдаў, на самым велізарным зь якіх узьведзена так званая Нябесная Брама — гіганцкая арка, пад якой знаходзіцца яшчэ адно грандыёзнае збудаваньне — база ВПС, якая прашывае плянэтоід наскрозь. Побач дысьлякаваныя лінкары. Бачачы, у адзіночку ім з гэтым не справіцца, Цмокі выклікаюць агонь на сябе, пасылаючы Трэнта атакаваць генэратары шчыта аркі. Пасьля таго, як Трэнт адключае шчыт, яны садзяцца на базу. Азу й Трэнт адпраўляюцца ў пакоі Тэкагі, якія знаходзяцца ў вялізнай зале з панарамным дахам. Перш за ўсё Азу мініруе залу. У зале іх падцікоўвае пастка — пакой напаўняецца снатворным газам.

Азу і Трэнт прыходзяць у прытомнасьць ў прысутнасьці Тэкагі, які, трымаючы ў руцэ Том Протэўса, спрабуе дамагчыся ад абодвух, навошта яны штурмавалі базу. Калі ён нарэшце, прыходзіць у лютасьць, разумеючы, што ім быў неабходны артэфакт, зь ім пачынаюць адбывацца дзіўныя мэтамарфозы. У гневе кінуўшы ў Азу кідальным клінком, той хоча прыняцца і за Трэнта, але ў гэты час падыходзіць доўгачаканае падмацаваньне, і Хакіра, даведаўшыся, дзе знаходзіцца Трэнт і Азу, ляціць на падмогу. Пасьля стыкоўкі з базай, Хакіра ўлятае ў вялізную залю з пакоямі Тэкагі на сваім модыфіцаваным «кінжале» і атакуе пакой з карабельных гармат. Трэнт, скарыстаўшыся сумятню, выхоплівае Том з рук Тэкагі, і скача да Хакіреы, на яго карабель, а Азу, паміраючы, пасьпявае актываваць міны.

Спусьціўшыся да стыковачнага адскэў, Хакіра дае магчымасьць Трэнту заскочыць на яго карабель, і яны адразу пакідаюць базу. На ўваходзе ў імглістасьць зь дзіркай у Чугоку на іх нападаюць кананеркі Рэйнляндыі ўперамешку з ВПС Кусары, але Трэнта і Хакіру сустракае Джуні й атрад Цмокаў, і разам яны адбіваюцца, і затым ляцяць да Чугоку. Па шляху Хакіра тлумачыць Трэнту, што Тэкагі быў ва ўладзе вандроўніка, істоты малавядомай расы, якія здольныя падпарадкоўваць сабе людзей, і што гэтыя Вандроўцы завалодалі ўрадам Рэйнляндыі, таму яна і стала агрэсіўнай.

Пасьля вяртаньня на базу Хакіра распавядае, што нарэшце атрымаў зьвесткі ад свайго інфарматара ў Рэйнляндыі (аб ім ён згадваў пры іх першай сустрэчы). Ён прапануе Трэнту адправіцца туды, каб выцягнуць інфарматара са складанай сытуацыі, так як грамадзян Кусары ў Рэйнляндыі будзе арыштаваны, а Брэтон яшчэ нэўтральная.

Трэнт адпраўляецца ў сыстэму, газавую імглістасьць сыгма-13, у суправаджэньні двух Цмокаў. Там паміж імі і дысьлякаванай там флятыліяй Рэйнляндыі адбываецца сутычка, зь якой тыя вырываюцца, і ляцяць да дзіркі ў Новы Бэрлін праз поле абломкаў. У шляху Трэнт пазнае, што гэта наступствы бітвы паміж Рэйнляндыяй і Гільдыяй Здабытчыкаў Газу, дзе ГДГ топчучы тактычную хітрасьць, прывабілі войскі Рэйнляндыі ў газавую кішэню.

У Новым Бэрліне Трэнт сустракаецца з двума дзіўнымі людзьмі, адзін зь якіх з ваўкаватым выглядам трымае нейкі артэфакт. Той зь іх, што без артэфакта, намякае Трэнту, што гэтыя двое ведаюць, каго ён шукае, і кажа, што ён сустрэне правадыра ў хуткім будучыні. Сапраўды, хутка да яго далучаецца знаёмы інфарматара, які дапамагае яму прайсьці праз усё кардоны з гіпэрурат.

Пасьля таго, як апошні кардон з двух дзясятак кананерак, пары лінкараў і некалькіх крэйсэраў быў пераадолены, Трэнт адпраўляецца да плянэты Хальштэйн, дзе і сустракаецца зь інфарматарам, якога завуць Дытрых фон Клаўс. Разам зь ім яны адпраўляюцца ў суседні астэроідны пояс, на базу паўстанцаў Буншуг, дзе адбываецца чарговая сутычка з атрадам рэйнляндзкіх зьнішчальнікаў. Чальцы гэтае арганізацыі дапамагаюць фон Клаўсэну, і той дапамагае ім. Адзін з камандзіраў, сустрэўшы фон Клаўса на базе, паведамляе, што ў суседняй туманнасьці іх сканары засеклі падазроную актыўнасьць. Трэнт, фон Клаўс, і некалькі пілотаў Буншуга. Яны прарываюцца скрозь міннае поле і аказваюцца ў кішэні пасярод імглістасьці, дзе на засакрэчаных вэрфях будуюцца дзіўныя, арганічныя караблі. Трэнт і ўсю групу адразу пачынаюць атакаваць войскі Рэйнляндыі, якія складаюцца зь некалькіх лінкараў, тузіны кананерак і мноства зьнішчальнікаў. Штурмавая група нясе вялікія страты, і таму тыя пілоты Буншуга, што засталіся, прымушаючы Фон Клаўса і Трэнта сыходзіць, ахвяруюць сабой, выбухнуўшы свае караблі, і разносячы вэрфі. На выхадзе зь імглістасьці іх сустракае лінкар, Трэнт і фон Клаўс атакуюць яго, але раптам побач нешта актывуецца, і побач зьяўляецца лінкар, падазрона падобны на лінкар Свабоды. Зьяўляецца ён мэтадам, як і стэлс-караблі Рэйнляндыі. Трэнта і фон Клаўса запрашаюць садзіцца, што тыя і робяць.

Карабель апынуўся базай Ордэна, на якой Трэнта і фон Клаўса сустракаюць Джуні, Кінг, Уокер, Хакіра, а таксама Каспэр Арыліён — кіраўнік ордэна, які распавядае ім аб экспэрымэнтальным лінкары Асырыс (выкрадзеным Ордэнам у флёта Свабоды), і аб Ордэне, які, як аказваецца, спрабуе супрацьстаяць пагрозе вандроўнікаў.

Пасьля таго, як лінкар прыбывае ў Тэхас, Джуні, Кінг і Трэнт адпраўляюцца ў Нью-Ёрк празь дзірку гіпэрпераходу. Там, у дзікіх землях, яны садзяцца на базе валацугаў Свабоды Бафала, зь якой яны ляцяць на атаку спадарожніка стэлс-выяўленьня — пагрозы для Асырыса. Пасьля гэтага ўдарная група на чале з Ўокерам ляціць у Зону-21, а адтуль — у сыстэму Аляска, дзе трымаюць у зьняволеньні прэзыдэнта Свабоды Барбару Якобі. У турме яны сустракаюць канцлера Німана, які аказваецца заражаным вандроўнікамі, і спрабуе выклікаць насеньне вандроўніка ў Якобі. Трэнт забівае канцлера, і зазіваўшыся, ледзь не становіцца ахвярай вандроўніка, якога трапна падстрэльвае прэзыдэнт Якобі. Яны ляцяць, але на выхадзе з сыстэмы ім загароджваюць дарогу 2 лінкары. Уокер, ахвяруючы сабой, тараніць адзін зь лінкараў, і адначасова актывуе «гравітацыйныя» бомбы, якія знаходзяцца на борце. Шлях аказваецца вольны. Падчас усяго рэйду іх рэгулярна атакуюць караблі вандроўнікаў і караблі Свабоды, абсталяваныя ўзбраеньнем вандроўнікаў. Як толькі яны ўваходзяць у сыстэму Нью-Ёрк іх забірае «Асырыс».

Неўзабаве «Асырыс» дысьлякуецца ў адной з сыстэм вандроўнікаў, за адну сыстэму ад асноўнай базы Ордэна. Квэнцін просіць герояў дастаць генэратар энэргіі вандроўнікаў, які павінен дапамагчы актываваць артэфакт. Такі прысутнічае на закінутай, на думку Квэнціна, базе вандроўнікаў.

Кінг, Джуні і Трэнт вылятаюць на заданьне. Уся сыстэма ўяўляе сабой цёмнае зялёнае воблака з астэроідамі, дзе кішаць бактэрыі й іншыя мікраарганізмы. Героі адпраўляюцца да вялізнага будынка вандроўнікаў, які відаць на радары. Неўзабаве яны ляцяць да велічэзнага чэчавіцаабразнага аб’екта, дзе іх сустракаюць Вандроўцы — будынак аказваецца не закінутым. У запале бою Трэнт знаходзіць шлюз ўнутр, і праз тунэль далятае да генэратара і падбірае яго прыладай захопу. Пад ударамі вандроўнікаў героі пакідаюць логава.

Неўзабаве героі павінны адправіцца на плянэту Таледа — закінутую на ўскраіне галактыкі базу Ордэна. Там Квэньцін распрацоўвае зброю супраць вандроўнікаў — генэратар злучаны з артэфактам, які павінен актываваць браму, дзесьці ў адной з сыстэм вандроўнікаў. Што ў рэшце рэшт завяршаецца посьпехам.

З дапамогаю мапы, якой аказваецца артэфакт, Ордэн выяўляе партал у родную сыстэму вандроўнікаў. Зьвёны Ордэна накіроўваюцца туды. Прарываючыся скрозь вандроўнікаў, Ордэн дасягае брамы і актывуе іх, бо гэтыя вароты вельмі магутныя, і каб працаваць, яны забяруць энэргію ў вандроўнікаў. У выніку посьпеху, вандроўнікі ня зьнішчацца цалкам, але іх колькасьць зьнізіцца. Тых вандроўнікаў, якім не хапае энэргіі, зацягвае ў браму. Так як колькасьць вандроўнікаў скарачаецца, людзі могуць зь імі змагацца, хоць яны наогул ужо не ўяўляюць пагрозы.

Вы вяртаецеся ў Свабоду, дзе Вас і Джунко ўзнагароджваюць мэдалямі і выказваюць падзякі. Акрамя вас з Джунко, Ордэна, «цмокаў крыві» і прэзыдэнта Якобі, ніхто ня ведае пра існавалую пагрозу вандроўнікаў. Удзел Арыліёна застаецца ў таямніцы, і Ордэн, афіцыйна, зьяўляецца, як і раней, тэрарыстычнай арганізацыяй. Арыліён Вам прапануе стаць яго агентам ў Свабодзе, і кажа, што яшчэ зьвяжацца, але на гэтым кампанія сканчаецца, і Вы можаце падарожнічаць па дзясятках сыстэм, якія яшчэ не дасьледаваныя Вамі, і па сыстэмах, яшчэ не дасьледаваных нікім!

Асноўныя пэрсанажы

• 'Эдысан Трэнт' (Ян Зырынг) — галоўны пэрсанаж гульні. Ён нахабны час ад часу і мае нястрымную патрэбу прасоўвацца ў галяктыцы — узяць той адзін вялікі куш. У Трэнта клясычныя прыкметы антыгероя, але ў яго ўсё ж такі высакароднае сэрца.
• 'Джунко «Джуні» Зэйн' (Джэніфэр Хэйл) — сумесь крыві Кусары й Лібэрці. Яна маральна цьвёрдая й прамая — ніякага глупства. Джуні арганізоўвае заданьні для пілётаў у Лібэрці. Яна ўпарта працавала каб дабрацца туды, дзе яна цяпер і заўсёды клапоціцца аб дэталях і адданасьці. Яна зьяўляецца кваліфікаваным і хітрым пілётам.
• 'Майкал Кінг' — добры салдат і дасьведчаны пілёт, Майкал зьяўляецца камандзірам зьвяна і рэзэрвам для Джуні. Ён выдатны пілёт, але таксама і рэаліст, калі справа даходзіць да яго пэрспэктывы на жыцьцё. У яго даволі дакладны погляд на рэчы.
• 'Маркус Ўокер' (Коры Бэртан) — клясычны герой, Ўокер зьяўляецца капітанам крэйсэра флёту Лібэрці і вельмі гэтым ганарыцца. Ён — поўная супрацьлегласьць Трэнта.
• 'Рышард Ўінстан Тобіас' (Джон Рыс-Дэвіс) — Брэтонскі мэханік і гандляр, Тобіяс ўзяў Трэнта ў чаляднікі калі ён яго знайшоў некалькі гадоў да гэтага. Ён — цёплы і пацешны чалавек, з моцным пачуцьцём лаяльнасьці й гонару. Ён любіць Трэнта як ўласнага сына, і быў засмучаны, калі Трэнт зьехаў шукаць багацьця на прыгранічных Мірах.
• 'Сэм Лёніган' — легальны і нелегальны перакупшчык тавараў. Усё яго жыцьцё вядзецца вакол грошай. Ён заключыў з Трэнтам дамову аб дастаўцы вялікай партыі бору на Фрыпорт 7 за 1.000.000 крэдытаў.
• 'Доктар Кэндра Сынклэр' (Кры Саммэр) — ксенаархеёляг з Брэтоні, Сынклэр займаецца раскопкамі іншаплянэтных руін. У гэтай справе, яна часта працуе з Доктарам Квэнцінам.
• 'Доктар Роланд Квэнцін' (Чарлз Шонэсі) — тыповым навукоўцам яго не назваць. Квынцін — чалавек заняты сваімі дасьледаваньнямі, але, дзякуючы гадам капаньня на ня вельмі дружалюбных плянэтах, ён даволі добра ўмее за сябе пастаяць.
• 'Лорд Хакіра' (Джордж Такеі) — дваранін Кусары, ён зьяўляецца прэфэктам сыстэмы Хансю. Яго статус накладае на яго шмат адказнасьці за сваіх падданых перад сягунам Іда. Хакіра — даўні знаёмы Джуні і таемны член Ордэна.
• 'Дытрых фон Клаўс' — дваранін Рэйнляндыі. З-за яго высокай пазыцыі ва флёце і ўрадзе Рэйнляндыі, ён шмат чаго даведаўся што яму не спадабалася. Калі зь ім у кантакт увайшоў Лорд Хакіра з прапановай працаваць на Ордэн, фон Клаўсэн пагадзіўся і стаў перадаваць інфармацыю праз свайго «калегу» з Кусары. Вельмі вядомая асоба ва ўсім сэктары з-за таго што за ўсе свае 300 баявых вылетаў не страціў ні аднаго чальца зьвяна.
• 'Барбара Якобі' — цяперашні прэзыдэнт Лібэрці, яна разумная і ўплывовая жанчына. Яна ня толькі моцная палітычная дзяячка, але яшчэ і практычная і вытанчаная прадстаўніца сваёй дзяржавы, збалянсаваная і рахманая, калі неабходна.
• 'Флярыян Густаў Німан' (Тоні Джэй) — канцлер Рейнляндыі. Раней ён быў сумленным і справядлівым кіраўніком, але, пасьля дзіўнай знаходкі на новаадкрытых плянэтах, стаў ваяўнічым і сакрэтным.
• 'Губэрнатар Тэкагі' — тоўсты кіраўнік адной з сыстэм Кусары, гістарычна зацікаўлены сьветам. Яго погляды памяняліся разам зь Німанаўскімі й у той жа бок.
• 'Каспэр Арыліён' (Майкл Т. Уайс) — былы афіцэр флёту Лібэрці. Ён быў прызначаны быць боцманам экспэрымэнтальнага лінкара. Даведаўшыся пра пляны намадаў і ледзь уцёкшы ад замаху на яго жыцьцё, Арыліён скраў карабель, ахрысьціўшы яго «Асырысам». На ім ён сфармаваў Ордэн, закліканы весьці ўтоеную вайну супраць іншаплянэтнай пагрозы людзям у Сырыюсе. Як былы афіцэр флёту, ён выдатна натрэніраваны, а яго флягман можа пайсьці адзін-на-адзін зь любым іншым караблём і перамагчы.

Сэрыі касьмічных караблёў

Усе караблі, якія можна купіць падчас гульні, так ці інакш зьяўляюцца часткай якой-небудзь сэрыі. Караблі адной сэрыі можна адрозьніць па зьнешнім падабенстве мадэляў. Больш магутныя і добрыя караблі звычайна абсталёўваюцца стабілізатарамі, дадатковымі рухавікамі, крыламі, іншымі кампанэнтамі.

Караблі Свабоды

Самыя танныя і слабыя караблі ў гульні. Падчас праходжаньня кампаніі штучна прыраўноўваюцца да караблёў іншых дзяржаў з дапамогай паніжэньня броні, моцы гармат і шчытоў апошніх. Колер караблёў — шэры, мэталічны, на кожным — герб Свабоды.

Колер плязмы рухавіка — белы. Сьпіс караблёў сэрыі:

• Патрыёт (лёгкі зьнішчальнік)
• Абаронца (цяжкі зьнішчальнік)
• Насарог (грузавы)

Караблі Брэтоні

Другія па магутнасьці караблі ў гульні. Характэрныя рысы — цьмяны аранжавай-карычневы афарбоўка і круглявыя формы. Колер плязмы рухавіка — сіні. Сьпіс караблёў сэрыі:

• Кавалер (лёгкі зьнішчальнік)
• Крыжак (цяжкі зьнішчальнік)
• Клайдсдейл (грузавы)

Караблі Кусары

Караблі Кусары, у першую чаргу, цікавыя сваімі формамі. Форма крылаў нагадвае луску цмока. Трэція па магутнасьці караблі ў гульні. Колер плязмы рухавіка — жоўты. Сьпіс караблёў сэрыі:

• Яшчар (лёгкі зьнішчальнік)
• Цмок (цяжкі зьнішчальнік)
• Труцень (грузавы)

Караблі Рэйнляндыі

Асаблівасьць караблёў Рэйнляндыі — перавага зялёнага колеру: ад колеру плязмы да колеру корпусу й імпульсаў зброі. Гэта самыя магутныя караблі з тых, што вырабляюцца дзяржаўнымі вэрфямі ўсіх дамоў. Цікавай асаблівасьцю гэтых караблёў зьяўляецца круглая форма паліўна-энэргетычнага блёку.

Сьпіс караблёў сэрыі:

• Баншы (лёгкі зьнішчальнік)
• Валькірыя (цяжкі зьнішчальнік)
• Гарбун (грузавы)

Грамадзянскія зьнішчальнікі

Па форме падобныя на птушак. Грузавых сярод іх няма. Сьпіс караблёў сэрыі:

• Ястраб (лёгкі зьнішчальнік)
• Сокал (цяжкі зьнішчальнік)
• Арол (звышцяжкі зьнішчальнік, самы манэўраны, але менш моцны чым Шабля ды Тытан)

Грамадзянскія зоркалёты

Узбраеньне — тры прылады. Слабая браня. Сьпіс караблёў сэрыі:

• Грамадзянскі зоркалёт CTE 750AE (лёгкі зьнішчальнік)
• Мустанг (лёгкі зьнішчальнік)

Зьнішчальнікі прыгранічных сьветаў

Выкарыстоўваюцца шматлікімі крымінальнымі арганізацыямі і ня толькі. Тут — шырокі выбар караблёў ўсіх тыпаў. Надзейныя і магутныя. Сьпіс караблёў сэрыі:

• Кінжал (лёгкі зьнішчальнік)
• Стэлет (цяжкі зьнішчальнік)
• Шабля (звышцяжкі зьнішчальнік, парамэтры манэўранасьці і крэпасьці корпусу сярэднія, адзіны звышцяжкі зьнішчальнік з магчымасьцю ўсталёўкі 10 Клясы гармат, у якога турэль здольная страляць наперад)
• Вярблюд (грузавы)

Зьнішчальнікі Піратаў

Манэўраныя і магутныя, досыць танныя. Сьпіс караблёў сэрыі:

• Ганчак (лёгкі зьнішчальнік)
• Ваўкадаў (цяжкі зьнішчальнік)
• Мул (грузавы)

Караблі Ордэна

Зьнішчальнік Ордэна:

• Анубіс (звышцяжкай зьнішчальнік). Кляса гармат і шчыта — 5 і 6. Сабраны інжынэрамі Ордэна .. На палубе флягмана Ордэна — лінкара Асырыс і на плянэце Таледа яго можна купіць. Ён абсталяваны шасьцю слотамі пад прылады, адным пад турэль і адным пад тарпэду, альбо прэрывальнік. Ёсьць яшчэ адзін карабель Ордэна, схаваны ў гульні, які выглядае гэтак жа сама як Анубіс, клясыфікуецца як лёгкі зьнішчальнік, браня 4200, усе слоты пад прылады 10 кляса, шчыт 10 кляса для цяжкіх зьнішчальнікаў,

вельмі ёмісты трум — 600, а таксама — 2 тарпэдныя ўстаноўкі і бясконцая колькасьць наноботаў. Атрымаць яго можна з дапамогай рэдактара захаваньняў. Код гэтага карабля ship_archetype = 2913217602.

Караблі Гільдыі наймітаў

Сьпіс караблёў сэрыі:

• Піраньня (лёгкі зьнішчальнік)
• Баракуда (цяжкі зьнішчальнік)
• Молат (звышцяжкай зьнішчальнік. Ня можа несьці прылады ўзроўню 10)

Караблі карсараў

Надзейныя, браніраваныя, маюць магутныя энэргаўстаноўкі. Сьпіс караблёў сэрыі:

• Легіянэр (лёгкі зьнішчальнік)
• Цэнтурыёна (цяжкі зьнішчальнік)
• Тытан (звышцяжкай зьнішчальнік, мае самы моцны корпус, найменшую манэўранасьць)

Вонкавыя спасылкі

• Афіцыйны сайт
• Расейская суполка гульцоў