Перайсьці да зьместу

Яўген Калінін

Зьвесткі зь Вікіпэдыі — вольнай энцыкляпэдыі
Яўген Калінін
Пэрсанальная інфармацыя
Нарадзіўся 15 жніўня 1993(1993-08-15)[1][2] (32 гады)
Рост 179 см
Вага 68 кг[3]
Пазыцыя нападнік
Клюбы
Гады Клюб Гульні (галы)¹
2010—2014 БАТЭ 0 (0)
2013 → Слуцак 18 (3)
2014 → Смаргонь 24 (4)
2015 Смаргонь 26 (10)
2016—2017 Віцебск 13 (1)
2017 → Нафтан 7 (1)
2017 → Слонім-2017 14 (2)
2018 Ворша 13 (5)
2018 Дняпро Магілёў 0 (0)
2019 Лякаматыў Гомель 8 (1)
2019 Смаргонь 11 (0)
2020 Ворша 25 (4)
2021 МЛ Віцебск 2 (0)
2021—2022 Лепель[d] 5 (1)

Яўген Калінін (нар. 15 жніўня 1993 году) — беларускі футбаліст, паўабаронца.

Кар’ера

[рэдагаваць | рэдагаваць код]

Выхаванец чашніцкай ДЮСШ, пазьней займаўся ў спэцыяльнай спартовай клясе Лужасьнянскай школы-інтэрната. Улетку 2010 году быў запрошаны ў барысаўскі БАТЭ, дзе пачаў выступаць за дубль. У сэзоне 2011 году з 12 галамі стаў найлепшым бамбардзірам дубля БАТЭ і дапамог яму перамагчы ў чэмпіянаце дублёраў. Пазьней трапляў у заяўку асноўнай каманды БАТЭ на матчы Кубка Беларусі, але на поле гэтак і ня выйшаў. Усяго за дублюючы склад за тры гады правёў 66 матчаў і забіў 17 галоў. У сэзоне 2013 году быў аддадзены ў арэнду «Слуцку», разам зь якім выйграў Першую лігу, аднак у асноўным складзе каманды замацавацца ня здолеў. У красавіку 2014 году зноў на правах арэнды перайшоў у іншы клюб Першай лігі — «Смаргонь», а ў наступным годзе падпісаў зь ім паўнавартасны кантракт. У сэзоне 2015 году стаў адным з найлепшых гульцоў смаргонскага клюбу, забіўшы 10 галоў і аддаўшы 7 галявых перадач.

У лютым 2016 году падпісаў кантракт з клюбам «Віцебск»[4]. 11 красавіка 2016 году дэбютаваў у Найвышэйшай лізе, зьявіўшыся ў стартавым складзе ў матчы супраць «Белшыны» (1:0). У першай палове сэзону 2016 году звычайна выступаў у якасьці асноўнага нападніка віцяблянаў. Улетку быў прызваны на зборы ў армію, па вяртаньні ў жніўні выступаў ужо за дубль. У сакавіку 2017 году аддадзены ў арэнду наваполацкаму «Нафтану»[5][6]. 15 траўня адзначыўся голам у браму «Гарадзеі», які прынёс навапалачанам першую перамогу ў сэзоне (1:0). У жніўні 2017 году перайшоў у клюб «Слонім-2017»[7], дзе замацаваўся ў асноўным складзе. Па заканчэньні сэзону ў сьнежні 2017 году пакінуў «Віцебск»[8].

У пачатку 2018 году праходзіў прагляд у бабруйскай «Белшыне» і мазырскай «Славіі», але ня даў рады. У першай палове 2018 году выступаў за клюб «Ворша»[9], дзе быў адным з асноўных гульцоў. У Першай лізе ў 13 матчах улучыў 5 мячоў у браму супернікаў. У жніўні 2018 году перайшоў у магілёўскі «Дняпро»[10]. За асноўную каманду магіляўчанаў гэтак і не згуляў, выступаў за дубль. У верасьні адсутнічаў праз траўму. У сьнежні 2018 году пакінуў магілёўскі клюб[11]. У лютым 2019 году падпісаў кантракт з гомельскім «Лякаматывам»[12]. У складзе гамельчукоў ня здолеў замацавацца ў складзе, толькі часам выходзячы на замену. У ліпені 2019 году пакінуў каманду[13]. У жніўні 2019 году перайшоў у «Смаргонь»[14], дзе рэгулярна зьяўляўся на полі. У лютым 2020 году ўзгодніў кантракт з «Воршай»[15], дзе таксама быў гульцом асноўнага складу. Выступаў у клюбе да канца сэзону 2020 году. У красавіку 2021 году далучыўся да рагачоўскага «Макслайну», а ў ліпені 2021 году стаў гульцом «Лепеля», дзе выступаў да 2022 году.

Статыстыка

[рэдагаваць | рэдагаваць код]
КлюбСэзонЧэмпіянат
ДывізіёнМатчыГалы
Віцебск2016Найвышэйшая ліга131
Нафтан2017Найвышэйшая ліга71
Слонім-2017Першая ліга142
Ворша2018Першая ліга135

Крыніцы

[рэдагаваць | рэдагаваць код]
  1. ↑ Evgeni Kalinin // Transfermarkt (мн.) — 2000.
  2. ↑ Evgeni Kalinin // As (гішп.) — Madrid: PRISA, 1967. — ISSN 1888-6671
  3. ↑ https://www.pressball.by/footballstat/evgeni_kalinin/
  4. ↑ Наумов и Калинин подписали контракты с «Витебском» (рас.)
  5. ↑ «Прессбол» №49 (4019), 31 сакавіка 2017
  6. ↑ «Нафтан» планирует арендовать Волкова и Калинина у «Витебска» (рас.)
  7. ↑ Сказ про Соловья и Козела (рас.)
  8. ↑ Вайтюховский Н.И.: "Короткий шаг назад перед большим шагом вперед" (рас.) Афіцыйны сайт «Віцебска» Архіўная копія ад 2018-01-30 г.
  9. ↑ 1-я лига. Анонс сезона. «Локо» в Хойниках. Новополоцк и Мозырь: надолго? (рас.)
  10. ↑ «Днепр» объявил о подписании Калинина (рас.)
  11. ↑ 11 футболистов покинули "Днепр" (рас.)
  12. ↑ Евгений Калинин сменил «Днепр» на гомельский «Локомотив» (рас.)
  13. ↑ Евгений Калинин покинул "Локомотив" (рас.)
  14. ↑ Калинин вернулся в «Сморгонь» (рас.)
  15. ↑ Беразун і Калінін падпісалі пагадненьніШаблён:Ref-be-tarask

Вонкавыя спасылкі

[рэдагаваць | рэдагаваць код]
Атрымана з «https://be-tarask.wikipedia.org/w/index.php?title=Яўген_Калінін&oldid=2622151»