Ягор Шаранговіч
| Ягор Шаранговіч | ||
|---|---|---|
| ||
| Рост | 187 см | |
| Вага | 80 кг | |
| Пазыцыя | цэнтральны нападнік | |
| Кідок/Ловы | левы[d] | |
| Грамадзянства | ||
| Дата нараджэньня | 6 чэрвеня 1998[1] (26 гадоў) | |
| Месца нараджэньня | ||
| Клюб | Калгары Флэймз | |
| Выступаў за | ||
| Драфт НХЛ | 141, 2018 Нью-Джэрзі Дэвілз | |
| Гульнявая кар’ера | 2014 — цяпер | |
Ягор Шаранговіч (нар. 6 чэрвеня 1998 году) — беларускі хакеіст, нападнік клюбу «Калгары Флэймз» з Нацыянальнай хакейнай лігі. У 2018 годзе быў абраны на драфце НХЛ клюбам «Нью-Джэрзі Дэвілз» у пятым раўндзе пад агульным 141-м нумарам. У гэтым клюбе выступаў да 2023 году.
Кар’ера
[рэдагаваць | рэдагаваць крыніцу]Шаранговіч пачаў кар’еру ў Беларусі, дзе зь менскім «Дынама-Раўбічы» браў удзел у розыгрышах Найышэйшай лігі, то бок другім дывізіёне краіны. Пазьней бараніў колеры «Беларусь-U20» у Экстралізе. Быў заўважаны ў Паўночнай Амэрыцы, таму быў задрафтаваны у хакейнай лізе Злучаных Штатаў. Шаранговіч выбраў застацца ў Беларусі і дэбютаваў у КХЛ зь менскім «Дынама» у сэзоне 2017—2018 гадоў. У пачатковым сэзоне ў 47 гульнях закінуў 4 шайбы і назьбіраў 12 пунктаў. Па сканчэньні сэзону Шаранговіч быў абраны «Нью-Джэрзі Дэвілз» у пятым раўндзе, 141-м у агульным заліку, на драфце НХЛ 2018 году.
19 ліпеня 2018 году падпісаў трохгадовы кантракт з «д’ябламі»[2]. Не зважаючы на тое, што Шаранговіч браў удзел трэнавальным лягеры клюбу НХЛ, сэзон пачаў у фарм-клюбе каманды «Бінггэмптан Дэвілз» з Амэрыканскай хакейнай лігі (АХЛ)[3]. 10 кастрычніка закінуў сваю першую шайбу ў рамках чэмпіянату АХЛ.
У выніку затрымкі сэзону 2020—2021 гадоў праз пандэмію каранавірусу 16 ліпеня 2020 году хакеіст пастанавіў вярнуцца ў менскае «Дынама» на правах арэнды ад і гуляць у КХЛ да аднаўленьня паўночнаамэрыканскага сэзону[4]. 16 студзеня 2021 году беларус забіў свой першы гол у НХЛ у браму Яраслава Галака з «Бостан Бруінз». Гол у авэртайме даў «д’яблам» перамогу зь лікам 2:1[5]. 2 красавіка 2022 году адзначыўся першым хет-трыкам у матчы супраць «Флорыды Пантэрз».
Пасьля завяршэньня дзеі кантракту пачаткоўца 27 чэрвеня 2023 году Шаранговіч у якасьці абмежавана свабоднага агента быў абменены поруч з выбарам у трэцім раўндзе на драфце 2023 году ў «Калгары Флэймз», а таксама ў абмен Тайлера Тафолі[6]. На наступны дзень, то бок 28 чэрвеня, была складзеная ўгода тэрмінам на два гады на 6,2 мільёнаў даляраў[7]. 14 красавіка 2024 году закінутая шайба ў браму «Арызоны Каётыз» сталася для яго 59-м пунктам у сэзоне. Такім чынам хакеіст усталяваў новы рэкорд паводле выніковых пунктаў сярод беларускіх хакеістаў за адзін сэзон у НХЛ, абыйшоўшы Міхаіла Грабоўскага. 1 ліпеня 2024 году падоўжыў супрацу з камандай, умацаваўшы гэты новым пяцігадовым кантрактам на 28,75 мільёнаў даляраў[8][9].
Крыніцы
[рэдагаваць | рэдагаваць крыніцу]- ^ а б https://www.iihf.com/en/events/2018/wm/teams/roster/1598/ — Міжнародная фэдэрацыя хакею на лёдзе.
- ^ Devils sign Yegor Sharangovich to entry-level deal. NJ.com (2018-07-19).
- ^ «Wood returns to practice after signing new deal». NHL.
- ^ Достигнута договорённость о подписании контракта с Егором Шаранговичем (рас.). ХК «Дынама» Менск (16 July 2020).
- ^ Egor Shrangovich's OT goal gives Devils 2-1 win over Bruins
- ^ «Flames trade Tyler Toffoli to Devils for Sharangovich, third-round pick». Sportsnet.
- ^ «'I’m so happy'». NHL.
- ^ «Flames Re-Sign Yegor Sharangovich». NHL.
- ^ «Flames sign Yegor Sharangovich to five-year extension». Sportsnet.