Юры Фэліцыян Сапега

Юры Фэліцыян Сапега
	; Герб «Ліс»
Асабістыя зьвесткі
Нарадзіўся	1680; Ляхавічы, Наваградзкі павет, Наваградзкае ваяводзтва, Вялікае Княства Літоўскае, Рэч Паспалітая;
Памёр	3 верасьня 1750
Пахаваны	Сямятычы;
Род	Сапегі
Бацькі	Францішак Стэфан Сапега; Ганна Крысьціна Любамірская[d]
Дзеці	Марыяна з Сапегаў[d] і Крысціна з Сапегаў[d]

Юры Фэліцыян Сапега (люты 1680 — 3 верасьня 1750) — дзяржаўны і вайсковы дзяяч Вялікага Княства Літоўскага. Генэрал-маёр Літоўскага войска (1708), ваявода амсьціслаўскі (з 1742).

Трымаў Вількаўскае староства.

Біяграфія

З чарэйска-ружанскай лініі магнацкага роду Сапегаў гербу «Ліс», сын Францішка Стэфана і Ганны Крыстыны зь Любамірскіх. Меў братоў Яна Казімера і Юзэфа Францішка.

Навучаўся ў езуіцкім калегіуме ў Брунсбэргу і за мяжой. У Вялікую Паўночную вайну стаў на бок Станіслава Ляшчынскага, атрымаў ад яго пасаду кухмістра вялікага літоўскага (1709). Пазьней перайшоў да Аўгуста Моцнага. Узяў удзел у антыкаралеўскай Віленскай канфэдэрацыі (1716), быў палкоўнікам Наваградзкага ваяводзтва^[3].

Абіраўся паслом на соймы 1720, 1724, 1729, 1732, 1733 і 1738, быў маршалкам Галоўнага Трыбуналу ў 1717.

У 1733 падтрымаў абраньне на сталец Станіслава Ляшчынскага, да самай абдыкацыі належаў да найбліжэйшых да манарха асобаў. Пазьней вызнаў каралём і вялікім князем Аўгуста Саса.

Крыніцы

^ ^а ^б ^в Гісторыя Сапегаў : жыццяпісы, маёнткі, фундацыі (белар.) — Мінск: Віктар Хурсік, 2017. — С. 68. — 586 с. — ISBN 978-985-7025-75-6
^ ^а ^б Гісторыя Сапегаў : жыццяпісы, маёнткі, фундацыі (белар.) — Мінск: Віктар Хурсік, 2017. — С. 73. — 586 с. — ISBN 978-985-7025-75-6
^ Андрэй Мацук. Сапега Ежы Феліцыян // ВКЛ. Энцыкл. — Мн.: 2005 Т. 2. С. 541.

Літаратура

Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 788 с. — ISBN 985-11-0378-0
Энцыклапедыя гісторыі Беларусі. У 6 т. / Беларус. Энцыкл.; Рэдкал.: Г. П. Пашкоў (гал. рэд.) і інш.; Маст. Э. Э. Жакевіч. — Мн.: БелЭн, 2001. — Т. 6. Кн. 1: Пузыны — Усая. — 591 с. — ISBN 985-11-0214-8

[_6ca2275a47a4c41a-1] а ^б ^в Гісторыя Сапегаў : жыццяпісы, маёнткі, фундацыі (белар.) — Мінск: Віктар Хурсік, 2017. — С. 68. — 586 с. — ISBN 978-985-7025-75-6

[_1e2ad7ec06cd5ad2-2] а ^б Гісторыя Сапегаў : жыццяпісы, маёнткі, фундацыі (белар.) — Мінск: Віктар Хурсік, 2017. — С. 73. — 586 с. — ISBN 978-985-7025-75-6

[3] Андрэй Мацук. Сапега Ежы Феліцыян // ВКЛ. Энцыкл. — Мн.: 2005 Т. 2. С. 541.

[1]

[2]

[3]