Юзэф Вінцэнт Плятэр

Юзэф Вінцэнт Плятэр
	; Герб «Плятэр»
Асабістыя зьвесткі
Нарадзіўся	11 ліпеня 1745; Краслаўка, Інфлянцкае ваяводзтва, Карона Каралеўства Польскага, Рэч Паспалітая;
Памёр	паміж 1 і 6 студзеня 1806; Берастэчка, Дубенскі павет[d], Валынская губэрня[d], Расейская імпэрыя;
Род	Плятэры
Бацькі	Канстантын Людвік Плятэр; Аўгуста з Агінскіх
Жонка	Кацярына з Сасноўскіх
Дзеці	Цэцылія, Фэрдынанд, Адам Эдвард, Станіслаў, Генрыка Соф’я, Адэляіда

Юзэф Вінцэнт Плятэр (11 ліпеня 1745, места Краслаўка Інфлянцкага ваяводзтва — паміж 1 і 6 студзеня 1806) — дзяржаўны дзяяч Вялікага Княства Літоўскага. Генэрал-лейтэнант (1775—1791), пісар польны літоўскі (1771—1783), кашталян троцкі (з 1793).

Трымаў Берасьцейскае староства (1770—1777).

Біяграфія

Прадстаўнік шляхецкага роду Плятэраў гербу ўласнага, сын Канстантына Людвіка, кашталяна троцкага, і Аўгусты з Агінскіх. Меў брата Казімера Канстантына.

Абіраўся маршалкам Галоўнага Трыбуналу у 1774, сябра Пастаяннай Рады ў 1793—1794. У 1775 заснаваў у Талачыне родавую камандорыю Мальтыйскага ордэна^[1].

Ажаніўся з Кацярынай, дачкой ваяводы полацкага Юзэфа Сасноўскага. У шлюбе нарадзіліся дзеці Цэцылія, Фэрдынанд, Адам Эдвард, Станіслаў, Генрыка Соф’я і Адэляіда.

Крыніцы

^ Вяроўкін-Шэлюта У. Плятэры // ВКЛ. Энцыкл. — Мн.: 2005 Т. 2. С. 443.

Літаратура

Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 788 с. — ISBN 985-11-0378-0

[1] Вяроўкін-Шэлюта У. Плятэры // ВКЛ. Энцыкл. — Мн.: 2005 Т. 2. С. 443.

[1]