Этэльрэд Неразумны

	Этэльрэд Неразумны; Æðelræd Unræd
Кароль Ангельшчыны
	18 сакавіка 978 — 1013
Папярэднік	Эдўард Пакутнік
Наступнік	Свэн Вілабароды
	3 лютага 1014 — 23 красавіка 1016
Папярэднік	Свэн Вілабароды
Наступнік	Эдмунд II
Асабістыя зьвесткі
Нарадзіўся	968, Ўэсэкс, Ангельшчына
Памёр	23 красавіка 1016, Лёндан, Ангельшчына
Дынастыя	Ўэсэкская дынастыя
Жонкі	Эльфгіфу, Эма Нармандзкая
Бацька	Эдгар
Маці	Эльфрыда

Этэльрэд Неразу́мны (па-стараангельску: Æðelræd Unræd, 968 — 23 красавіка 1016) —- кароль Ангельшчыны 978—1013 і 1014—1016, прадстаўнік Ўэсэкскай дынастыі. Сын Эдгара й Эльфрыды. Быў абвешчаны каралём Ангельшчыны пасьля забойства свайго зводнага брата Эдўарда.

Часы панаваньня

Панаваньне Этэльрэда было адзначана вялікай колькасьцю сутычак з вікінгамі. У дзень сьвятога Брайса 13 лістапада 1002 году на загад Этэльрэда адбыўся гвалт датчанаў, што жылі ў Ангельшчыне. Гэта прывяло да нападу з боку Свэна Вілабародага, які ў пэрыяд з 1003 па 1007 гады зьдзейсьніў некалькі набегаў. У 1007 годзе Свэн атрымаў адступныя, і напады скончыліся да 1013 году, калі дацкі конунг захапіў ангельскі сталец. Этэльрэд зьбег у Нармандыю, аднак неўзабаве ў 1014 годзе Свэн сканаў, і Ўітэнагемот зноўку абраў Этэльрэда на каралеўскую пасаду. Але дацкі флёт абвесьціў каралём Кнуда, сына Свэна, з-за чаго пачалася вайна, падчас якой памёр і Этэльрэд.

Спадкаемцы

Этэльрэд меў ня менш за 16 дзяцей ад двух шлюбаў. Першая жонка, Эльфгіфу, памерла ў 1002 годзе. Сын ад гэтага шлюбу, Эдмунд, спадкаваў трон. Другі шлюб адбыўся ў 1002 годзе, Этэльрэд ажаніўся з Эмай Нармандзкай. У 1042 годзе сын Эмы, Эдўард Спавяданьнік, таксама абіраецца каралём Ангельшчыны. Вільгельм I Заваёўнік, унучаты пляменьнік Эмы й кузэн Эдўарда, выкарыстаў гэтую роднасьць як падставу ангельскай кароны.

Мянушка

У сучаснай ангельскай мове Unready азначае «негатовы». Аднак сама мянушка ўпершыню была зафіксавана ў 1180 годзе ў форме Unræd, што на старажытнаангельскай мове азначае «той, хто не атрымаў парады». Улічваючы, што імя Æþelræd азначае «добрая парада», «слушная парада», то яно ў спалучэньні з такой мянушкай было проста гульнёй словаў.

Крыніцы

^ ^а ^б Ethelred the Unready // Encyclopædia Britannica (анг.)
^ ^а ^б Lundy D. R. Æthelred II 'the Unready', King of England // The Peerage (анг.)
^ ^а ^б Aethelred II. // Энцыкляпэдыя Бракгаўза (ням.)

Папярэднік Эдўард Пакутнік	Кароль Ангельшчыны 978—1013	Наступнік Свэн Вілабароды
Папярэднік Свэн Вілабароды	Кароль Ангельшчыны 1014—1016	Наступнік Эдмунд II

Вонкавыя спасылкі

Этэльрэд Неразумны — сховішча мультымэдыйных матэрыялаў

Англа-саксонская хроніка. 920—1014 гады (анг.)
Старонка на anglo-saxons.net (анг.)
Рыжоў К.: Усе манархі сьвету. Заходняя Эўропа (рас.)

[_1503fb97351152ec-1] а ^б Ethelred the Unready // Encyclopædia Britannica (анг.)

[_cc4929c0e17b419d-2] а ^б Lundy D. R. Æthelred II 'the Unready', King of England // The Peerage (анг.)

[_86b925b8eccfcbfe-3] а ^б Aethelred II. // Энцыкляпэдыя Бракгаўза (ням.)