Гаральд II Годвінсан

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Гаральд II Годвінсан
Кароль
Harold2.jpg
На паляваньні (Дыван з Баё, 1070 год)
 Кароль Ангельшчыны
5 студзеня — 14 кастрычніка 1066
Каранацыя 6 студзеня 1066
Папярэднік Эдуард Спаведнік
Наступнік Эдгар Этэлінг
Асабістыя зьвесткі
Імя пры нараджэньні Гаральд Годвінсан
Нарадзіўся 1022, Ўэсэкс
Памёр 14 кастрычніка 1066, Гастынгс, Сасэкс, Ангельшчына
Пахаваны 14 кастрычніка 1066, Ўолтэм Эбі(en) (графства Эсэкс, Ангельшчына)
Нашчадкі Сыны: Годвін і Эдмунд (нар. 1049), Магнус (нар. 1051); дочкі Гіта Ўэсэцкая(en) (1053—1098) і Гунхільда Ўэсэцкая(en) (1055—1097). Сыны Гаральд (1066—1098), Ульф (1066—1087)
Жонкі Эдыта Справядлівая(en) (1025—1086), Эдыта Мэрсійская(en) (1057—1066)
Бацька Годвін Ўэсэцкі(en) (1001—1053)
Маці Гіта Торкельсдоцір(en) (997—1069)

Гаральд II Годвінсан (ст.-анг. Harold Gōdwines sunu; 1022 — 14 кастрычніка 1066) — апошні англасаксонскі кароль Ангельшчыны да Нармандзкай заваёвы. Гаральд каранаваўся 5 студзеня 1066 і кіраваў каралеўствам да сваёй сьмерці ў бітве пры Гастынгсе 14 кастрычніка таго ж году, змагаючыся супраць нармандзкіх захопнікаў, пад кіраўніцтвам Вільгельма I Заваёўніка. Гаральд адзін з трох каралёў Ангельшчыны, што былі забіты на поле бойкі, побач з Рычардам I Львінае сэрца й Рычардам III.

Гаральд ня быў прадстаўніком каралеўскай дынастыі, але меў дачыненьне да яе. Яго сястра Эдыт Ўсэцкая была жонкай Эдуарда Спавяданьніка. Таксама Гаральд меў роднасьць з дацкім каралеўскім дворам, ён быў стрыечным братам караля Свэна II.

Гаральд да таго як стаць каралём быў эрлам Ўэсэксу, а потым быў назначаны яшчэ й на пасаду эрла Гэрэфорда. Удзельнічаў у пераможнай ваеннай кампаніі супраць Грыфіда ап Лівэліна Гвінэдзкага — уладара Валіі — у 1062—1963 гадох. Стаў каралём па парадзе Эдуарда Спавяданьніка й па рашэньню Ўітэнагемоту на наступны дзень пасьля сьмерці Эдварда.

Па традыцыі лічыцца, што Гаральд быў забіты стралой у вока падчас бітвы пры Гастынгсе.

Вонкавыя спасылкі[рэдагаваць | рэдагаваць крыніцу]

Commons-logo.svg Гаральд II Годвінсансховішча мультымэдыйных матэрыялаў

Папярэднік
Эдуард Спавяданьнік
Кароль Ангельшчыны
1066
Наступнік
Эдгар Этэлінг
  1. ^ а б The Wiley Blackwell Encyclopedia of Anglo-Saxon England — 2 — Chichester: Wiley, 2014. — P. 537. — 583 p. — ISBN 978-0-470-65632-7
  2. ^ а б Гида // Русский биографический словарьМ.: 1916. — Т. 5. — С. 174–175.