Энэргетык-БДАТУ Менск
| Энэргетык-БДАТУ | |
 | |
| Заснаваны | 1 красавіка 2011 |
|---|---|
| Горад | Менск, Беларусь |
| Стадыён | БДАТУ |
| Чэмпіянат | Другая ліга |
| · 2022 | 6 месца (Менск) |
«Энэргетык»-БДАТУ — беларускі футбольны клюб зь Менску. З 2017 году выступае ў Другой лізе чэмпіянату Беларусі.
Гісторыя
[рэдагаваць | рэдагаваць код]Каманда «Энэргазбыт» зьявілася ў 2011 годзе дзякуючы аднайменнаму прадпрыемству і першапачаткова выступала ў аматарскім чэмпіянаце Менску[1]. У 2015 і 2016 гадах «Энэргазбыт» станавіўся чэмпіёнам Менску. У пачатку 2017 году стала вядома, што «Энэргазбыт» дапоўніць склад Другой лігі чэмпіянату Беларусі[2]. Сэзон 2017 году каманда пачала пад новай назвай «Энэргетык»-БДАТУ. У дэбютным сэзоне сталічная каманда заняла 10-е месца пры 14 удзельніках, акрамя таго стала пераможцам Рэгіянальнага Кубка Беларусі, адолеўшы ў фінале 29 кастрычніка клюб «Івацэвічы» (2:1).
У сэзоне 2018 году каманда працягвала браць удзел у Другой лізе, дзе доўгі час была ўнізе табліцы, і, толькі часова палепшыўшы сытуацыю, скончыла сэзон на 13-м месцы пры 15 удзельніках. У кастрычніку 2018 годзу «Энэргетык»-БДАТУ браў удзел у адборачным раўндзе Кубка рэгіёнаў УЭФА, дзе трывала паразы. Мацней за беларускі клюб выявіліся каманды Заходняга рэгіёну Баўгарыі (1:3), Стамбула (0:3) і Паўднёвага Ўэйлзу (1:3). У сэзоне 2019 году «Энэргетык»-БДАТУ зноў знаходзіўся пераважна ўнізе табліцы Другой лігі і паўторна стаў 13-м.
У 2020 годзе «Энэргетык»-БДАТУ стаў перадапошнім у сваёй групе ў Другой лізе, а ў сэзоне 2021 году ў Менскім дывізіёне пэўны час змагаўся за выхад у плэй-оф Другой лігі, але фінішаваў чацьвертым. У 2022 годзе ў дывізіёне гораду Менску каманда ня лічылася фаварытам і скончыла сэзон у сярэдзіне табліцы, на 6-м радку пры 9 удзельніках.
Статыстыка
[рэдагаваць | рэдагаваць код]Чэмпіянат і Кубак Беларусі
[рэдагаваць | рэдагаваць код]| Сэзон | Ліга | Месца | Г | В | Н | П | РМ | Пкт | Кубак |
|---|---|---|---|---|---|---|---|---|---|
| 2017 | Другая | 10 | 26 | 8 | 5 | 13 | 41–59 | 29 | 1/32 |
| 2018 | Другая | 13 | 28 | 7 | 4 | 17 | 40–63 | 25 | 1/16 |
| 2019 | Другая | 13 | 28 | 7 | 2 | 19 | 34–81 | 23 | 1/64 |
| 2020 | Другая — Б | 10 | 20 | 2 | 3 | 15 | 28–59 | 9 | 1/32 |
| Другая — за 19 месца | 20 | 2 | 1 | 0 | 1 | 3–4 | |||
| 2021 | Другая — Менскі (поўдзень) | 4 | 20 | 11 | 3 | 6 | 59–34 | 36 | 1/128 |
| Другая — Менскі (плэй-оф) | 8 | 1 | 0 | 0 | 1 | 2–5 | |||
| 2022 | Другая — Менск | 6 | 16 | 5 | 3 | 8 | 32–35 | 18 | 1/128 |
| 2023 | Другая — Менск | 1/128 |