Эндру Флэтчар

Эндру Флэтчар
Эндру Джон Флэтчар
Дата нараджэньня	8 ліпеня 1961(1961-07-08)
Месца нараджэньня	Нотынггэм, Ангельшчына
Дата сьмерці	26 траўня 2022(2022-05-26) (60 гадоў)
Месца сьмерці	Лёндан, Вялікабрытанія
Прычына сьмерці	aortic dissection[d]
Грамадзянства	Вялікабрытанія
Прафэсія	музыка, мэнэджар, дыджэй
Навуковая сфэра	музыка, рок-музыка, альтэрнатыўная музыка[d], электронная танцавальная музыка[d], альтэрнатыўны рок і электронная музыка
Гады дзейнасьці	1978 — 2022
Псэўданімы	Fletch і Andy Fletcher
Сябра ў	Depeche Mode
Жанры	альтэрнатыўны рок і новая хваля[d]
Інструмэнты	клявішныя, бас-гітара, вакал
Псэўданімы	Fletch і Andy Fletcher
Гурты	Depeche Mode, Client
Лэйблы	Mute Records, Toast Hawaii
Сайт	countdown.depechemode.com
Эндру Флэтчар у Вікісховішчы

Эндру Джон Леонард Флэтчар (па-ангельску: Andrew John Leonard Fletcher, мянушка — «Fletch», 8 ліпеня 1961, горад Нотынггэм, Ангельшчына — 26 мая 2022). Адзін з заснавальнікаў і клявішнік гурту Depeche Mode.

Кар’ера

Depeche Mode

Эндру Флэтчар спачатку граў на бас-гітары ў гурце Вінса Кларка, але потым сеў за сінтэзатар у гурце Composition of Sound, у якой гралі ўжо Кларк з Мартынам Горам. У 1980 годзе музыкі заснавалі Depeche Mode і ўзялі вакалістам Дэйва Гаана. Флэтчар ніколі не быў на першым пляне ў гурце, затое выконваў функцыі мэнэджара, што яму добра ўдавалася. Ён адзіны ўдзельнік гурту, які не напісаў ніводнай песьні для рэпертуару, хаця ў інтэрв’ю ён сьцьвярджаў, што спрабаваў пісаць песьні раней.

Абавязкі ў Depeche Mode

Шмат каго з аматараў Depeche Mode зьдзіўляе тое, што Флэтчар грае на бас-гітары, займаецца праграмаваньнем сынтэзатараў. У той жа час на канцэртах і рэпетыцыях ён грае на клявішных.

Флэтчар ўзяў на сябе абавязкі «агента па сувязях з грамадзкасцю» — менавіта ён увесь час аб’яўляе навіны гурту, як гэта было пра падрабязнасьці альбомаў Exciter у 2001 годзе і Playing the Angel у 2004 і 2005 гадох, галоўным чынам для прэсы.

Гэта Флэтчар аб’ядноўвае гурт у адно, ён спрыяў кампрамісу пры разьдзяленьні аўтарства песень на альбоме Playing the Angel паміж Гаанам ды Горам.

Папулярнасьць

Флэтчара часта папракаюць за тое, што ён робіць замалы ўнёсак у музыку Depeche Mode. Гэта выклікана, галоўным чынам, тым, што ад яго мала патрабавалася, калі ў гурце быў Алан Ўайлдэр. Пасьля сыходу Ўайлдэра ў 1996 годзе Эндру стаў значна больш заняты інструмэнтальнымі партыямі. Так, ён граў на бас-гітары ў песьні «A Pain That I’m Used To» з альбому «Playing the Angel», як сьцьвярджае прадусар альбому Бэн Хілье. Эндру грае на бас-гітары ў песьні «The Sinner in Me» (відэа праз старонку Fletchcam і на дадатковым дыску да гэтага альбому) і ў песьні «Clean and Surrender» пэрыяду запісу альбому «Playing the Angel».

Флэтчар — выдатны інструмэнталіст. Ён граў большасьць партыяў на сынтэзатарах падчас выступаў на сцэне, хаця больш складаныя аранжыроўкі зробленыя прафэсійнымі студыйнымі музыкамі (а таксама Аланам Ўайлдэрам у пэрыяд з 1982 да 1995 году). Калі Алан Ўайлдэр далучыўся да гурту ў пачатку 1982 году, Флэтчар узяў на сябе абавязкі мэнэджара, і ў музычным пляне ягоная роля зводзілася да агульных прапаноў, якія ператвараліся ў песьні Гора ды Гаана.

Спроба сольнай кар’еры

Паводле афіцыйнай біягрфіі Depeche Mode, Флэтчар запісаў сольны альбом з назваю «Toast Hawaii». Назву ўзялі ад любімай стравы музыкі, якую рабілі ў студыйнай сталовай. Матэрыял запісваўся падчас працы над альбомам «Some Great Reward» у 1984 годзе. Усе песьні альбома — кавер-вэрсіі чужых песень, якія сьпявае Флэтчар. У запісе альбома удзельнічалі Алан Ўайлдэр або Марцін Гор, або разам — яны гралі на піяніна, а фатаграфію для вокладі зрабіў Ўайлдэр. Выпусьціць альбом не ўдалося — не згадзіўся Daniel Miller, так што зараз ён існуе толькі ў некалькіх экземплярах. Флэтчар — адзіны ўдзельнік гурту, які не сьпявае на студыйных альбомах (за выключэннем схаванай песьні «Crucified» на альбоме Violator, партыі чацьвертага голасу папрыканцы песьні «New Life», песьні «Condemnation», у якой ён сьпеў партыю фонавага голасу разам з Горам ды Ўайлдэрам ды «The Sun and the Rainfall», дзе напрыканцы чутны словы «All that I’m saying…» -«Усё, што я сьпяваю…» з правага каналу). Нягледзячы на тое, што на канцэртах бачна, як Флтчар сьпявае, ягоны голас звычайна чутны толькі праз калонкі-маніторы на сцэне.

Праект Toast Hawaii і кар’ера DJ

Некалькі год таму Эндзі Флэтчар заснаваў кампанію Toast Hawaii, якая, верагодна, атрымала назву паводле нявыпушчанага альбома і стваралася для раскруткі гурту Client. У кастрычніку 2006 году на сайце Часопісу Side-Line Magazine было абвешчана, што Client разарвалі дамову з кампаніяй Toast Hawaii, што паставіла пад сумнеў яе далейшае існаваньне.

Акрамя ўсяго сказанага, Флэтчар таксама час ад часу займаецца дыск-жакействам. Большасьць ягоных канцэртаў, у якіх ён выступаў у якасьці дыск-жакея, адбыліся ў сумесным турнэ з гуртом Client. Ён выступаў у стандартным стылі «дыск-жакейства ў ванне» — рабіў кампіляцыю з урыўкаў песень. Людзі, якія прыйходзілі на канцэрты, атрымліваць асалоду ад урыўкаў песень Depeche Mode. Адзін такі канцэрт быў запісаны на відэа, а запіс выпушчаны пад назваю «Andy Fletcher: One Night in Warsaw.» Улетку 2007 году Флэтчар зрабіў невялікае турнэ, галоўным чынам па Італіі.

Асабістае жыцьцё

Сам Эндру Флэтчар — старэйшы сын у сям’і Джона ды Джой, ягоных сясцёр клічуць Сюзана (па-ангельску: Suzan), Кэран (па-ангельску: Karen), брата — Сымон (па-ангельску: Simon). Напачатку 1980-х Эндру напрацягу амаль што год сустракаўся з ангельскай акторкай Джэніфэр Саўндэрз (па-ангельску: Jennifer Saunders). Цяпер ён ужо 14 гадоў жанаты на Грарніі (па-ангельску: Grainne) (вымаўляецца 'Grar-nee-ah'), гадуе дваіх дзетак, Мэґан (па-ангельску: Megan) і Джо (па-ангельску: Joe).

Вонкавыя спасылкі

• depeche mode dot com