Шын Фэйн

	Шын Фейн
	Sinn Féin
Лідэр партыі	Джэры Адамз
Заснавальнік	Артур Грыфіт[d]
Дата заснаваньня	28 лістапада 1905
Штаб-кватэра	Бэлфаст
Ідэалёгія	адзіная і незалежная Ірляндыя
Колькасьць дэпутатаў
· Эўрапарлямэнт	няма
· парлямант Паўночнай Ірляндыі	29 паслоў
Афіцыйны сайт	Афіцыйны сайт Шын Фэйн Джэры Адамза

Шын Фэйн (па-ірляндзку: Sinn Féin — «мы самі») — палітычная партыя, якая дзейнічае ў Паўночнай Ірляндыі (Ольстэры) і выступае за яго далучэньне да Рэспублікі Ірляндыя. Таксама партыя дзейнічае ў Рэспубліцы Ірляндыя.

Партыя была заснавана ў 1905 годзе Артурам Грыфітам. Сёньня існуюць дзьве партыі «Шын Фэйн» — Рэспубліканская і Часовая. Апошнюю, найбольш вядомую, з 1983 году ўзначальвае Джэры Адамз.

Прадстаўнікі Шын Фэйн прымаюць удзел у агульных выбарах і на сёньняшні момант маюць 5 месцаў у брытанскім парлямэнце, аднак не займаюць іх з-за неабходнасьці даваць прысягу ангельскай каралеве. Таксама Шын Фэйн займае адно месца ў Эўрапарлямэнце, 28 месцаў у Асамблеі Паўночнай Ірляндыі і 4 месцы ў ірляндзкім парлямэнце.

Партыя карыстаецца падтрымкай сярод ірляндцаў-каталікоў і супрацьстаіць юніянісцкім арганізацыям, якія выступаюць за знаходжаньне Паўночнай Ірляндыі ў складзе Вялікабрытаніі.