Царква Сьвятога Спаса (Чачэрск)
| Помнік сакральнай архітэктуры | |
Царква Сьвятога Спаса
| |
 Спаская царква
| |
| Краіна | Беларусь |
| Места | Чачэрск |
| Каардынаты | 52°55′00″ пн. ш. 30°54′53″ у. д. / 52.916667° пн. ш. 30.91472° у. д.Каардынаты: 52°55′00″ пн. ш. 30°54′53″ у. д. / 52.916667° пн. ш. 30.91472° у. д. |
| Канфэсія | Расейская праваслаўная царква і Беларускі экзахат |
| Эпархія | Гомельская япархія |
| Архітэктурны стыль | клясыцыстычная архітэктура[d] |
| Заснавальнік | Захар Рыгоравіч Чарнышоў[d] |
| Статус | Дзяржаўны сьпіс гісторыка-культурных каштоўнасьцяў Рэспублікі Беларусь |
Царква Сьвятога Спаса на мапе Беларусі   Царква Сьвятога Спаса | |
 Царква Сьвятога Спаса на Вікісховішчы
| |
Царква Сьвятога Спаса[a] — помнік архітэктуры канца XVIII стагодзьдзя ў Чачэрску. Знаходзіцца ў цэнтры места[b]. Дзее. Твор архітэктуры клясыцызму.
Гісторыя[рэдагаваць | рэдагаваць крыніцу]
.jpg)
Мураваную царкву ў Чачэрску ў 1783 годзе збудаваў граф Захар Чарнышоў у ансамблі з трыма іншымі сакральнымі будынкамі (не захаваліся).
Архітэктура[рэдагаваць | рэдагаваць крыніцу]
.jpg)
Помнік архітэктуры клясыцызму. Гэта 2-ярусны храм-ратонда, завершаны паўсфэрычным купалам на ступеньчатым барабане (драўляная канструкцыя). Да асноўнага аб’ёма з захаду далучаецца вежа-званіца, накрытая гранёным купалам. Асноўны аб’ём падзяляецца на ярусы разьвітым дарычным антаблемэнтам. Сьцены ніжняга яруса падзяляюцца пілястрамі, паўкруглымі і роўнымі нішамі, верхняга яруса — філянговымі рамамі. Аконныя праёмы прастакутныя[1].
У інтэр’еры алтарная частка аддзяляецца 6-створкавым іканастасам. Над уваходам разьмяшчаюцца драўляныя хоры. Інтэр’ер аздабляецца пілястрамі з стылізаванымі капітэлямі, карнізамі, росьпісам. Абразы італьянскага мастака 1-й паловы XIX ст.: «Абразаньне Хрыста», «Уезд у Ерусалім», «Зьвеставаньне», «Ушэсьце Хрыстова», «Сьвяты Мікалай», «Тайная вячэра», «Сон Ёсіфа», «Нараджэньне Марыі», «Пакроў», «Васкрасеньне» (усе ў сьвяточным радзе іканастаса). У інтэр’еры яшчэ 8 абразоў, выкананых у той жа манеры і ў той жа час. У алтары царквы захоўваецца ўнікальны абраз «Сашэсьце ў пекла», датаваны 1678 годам.
Заўвагі[рэдагаваць | рэдагаваць крыніцу]
- ^ Назва помніка архітэктуры прыводзіцца паводле беларускай гістарычнай традыцыі. Афіцыйны тытул Маскоўскага патрыярхату: «Царква Праабражэньня Гасподняга» або «Спаса-Праабражэнская царква» (рас. Церковь Преображения Господнего, Спасо-Преображенская церковь); таксама Спаская царква
- ^ Цяперашні афіцыйны адрас — вуліца Працоўная, 6а
Крыніцы[рэдагаваць | рэдагаваць крыніцу]
- ^ Кулагін А. Праваслаўныя храмы Беларусі: Энцыкл. даведнік. — Менск: Беларуская Энцыкляпэдыя, 2007.
Літаратура[рэдагаваць | рэдагаваць крыніцу]
- Кулагін А. Праваслаўныя храмы Беларусі: Энцыкл. даведнік. — Менск: Беларуская Энцыкляпэдыя, 2007.— 653 с.: іл. ISBN 978-985-11-0389-4.