Царква Ўзьвіжаньня Сьвятога Крыжа (Асіпавічы)
| Помнік сакральнай архітэктуры | |
Царква Ўзьвіжаньня Сьвятога Крыжа
| |
.jpg) Узьвіжанская царква
| |
| Краіна | Беларусь |
| Места | Асіпавічы |
| Каардынаты | 53°17′45.97″ пн. ш. 28°38′41.59″ у. д. / 53.2961028° пн. ш. 28.6448861° у. д.Каардынаты: 53°17′45.97″ пн. ш. 28°38′41.59″ у. д. / 53.2961028° пн. ш. 28.6448861° у. д. |
| Канфэсія | праваслаўе і Беларускі экзархат |
| Эпархія | Бабруйская і Быхаўская епархія |
| Архітэктурны стыль | народнае дойлідзтва Беларусі[d] |
| Дата заснаваньня | XIX ст. |
Царква Ўзьвіжаньня Сьвятога Крыжа на мапе Беларусі   Царква Ўзьвіжаньня Сьвятога Крыжа | |
 Царква Ўзьвіжаньня Сьвятога Крыжа на Вікісховішчы
| |
Царква Ўзьвіжаньня Сьвятога Крыжа — помнік архітэктуры XIX стагодзьдзя ў Асіпавічах. Знаходзіцца ў цэнтры места[a]. Дзее. Твор традыцыйнай беларускай драўлянай архітэктуры з элемэнтамі стылю клясыцызму, мастацкае аблічча якога пацярпела ад надбудовы высокіх шатроў з какошнікамі і купаламі-цыбулінамі.
Гісторыя
[рэдагаваць | рэдагаваць крыніцу]Ад пачатку царква стаяла ў вёсцы Зборску, дзе яе збудавалі ў 1826 годзе з дрэва. У 1946 годзе будынак перавезьлі ў Асіпавічы. У 2009—2010 гадох праводзілася рэканструкцыя будынка, у выніку якой над асноўным зрубам і вежай-званіцай паставілі высокія шатры з какошнікамі і купаламі-цыбулінамі.
Архітэктура
[рэдагаваць | рэдагаваць крыніцу]Помнік традыцыйнай беларускай драўлянай архітэктуры з элемэнтамі стылю клясыцызму. Мае разгорнутую падоўжна-восевую кампазыцыю, якую фармуюць 3-ярусная чацьверыковая званіца з шатровым пакрыцьцём, працяглы бабінец, кубападобны аб’ём малітоўнай залі, прастакутная апсыда з бакавымі рызьніцамі. У сылюэце царквы дамінуе 8-гранны барабан з купалам, які завяршае вальмавы дах асноўнага зруба. Над вальмавым дахам апсыды яшчэ адзін невялікі купал. Гарызантальна ашаляваныя фасады рытмічна падзяляюцца прастакутнымі аконнымі праёмамі[1].
Заўвагі
[рэдагаваць | рэдагаваць крыніцу]- ^ Цяперашні афіцыйны адрас — вуліца Чумакова
Крыніцы
[рэдагаваць | рэдагаваць крыніцу]- ^ Кулагін А. Праваслаўныя храмы Беларусі: Энцыкл. даведнік. — Менск: Беларуская Энцыкляпэдыя, 2007.
Літаратура
[рэдагаваць | рэдагаваць крыніцу]- Кулагін А. Праваслаўныя храмы Беларусі: Энцыкл. даведнік. — Менск: Беларуская Энцыкляпэдыя, 2007.— 653 с.: іл. ISBN 978-985-11-0389-4.
Вонкавыя спасылкі
[рэдагаваць | рэдагаваць крыніцу] Царква Ўзьвіжаньня Сьвятога Крыжа (Асіпавічы) — сховішча мультымэдыйных матэрыялаў