Віктар Каваленка

	Віктар Каваленка
Асабістыя зьвесткі
Нарадзіўся	21 ліпеня 1929; Сакаўшчына, Валожынскі павет[d], Наваградзкае ваяводзтва, Польская Рэспубліка;
Памёр	17 жніўня 2001 (72 гады); Менск, Беларусь;
Літаратурная дзейнасьць
Род дзейнасьці	літаратуразнаўца, пісьменьнік, літаратурны крытык, крытык, празаік
Узнагароды	Літаратурная прэмія імя Якуба Коласа (1980)

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Каваленка.

Ві́ктар Анто́навіч Кавале́нка^[1] (21 ліпеня 1929, в. Сакаўшчына, Валожынскі раён — 17 жніўня 2001) — беларускі крытык, літаратуразнавец, празаік. Акадэмік НАН Беларусі (1994).

Жыцьцяпіс[рэдагаваць | рэдагаваць крыніцу]

Навучаўся ў Лідзкай пэдвучэльні, якое закончыў у 1948 годзе. Потым скончыў Менскі пэдагагічны інстытут (1953). Доктар філялягічных навук (1978).

3 1958 годзе працаваў у Інстытуце літаратуры АН Беларусі, у 1982—1997^[1] гг. — дырэктар.

Творчасьць[рэдагаваць | рэдагаваць крыніцу]

Аўтар кніг крытыкі і літаратуразнаўства «Пошукі і здзяйсненьні» (1963), «Давер» (1967), «Прага духоўнасьці» (1975), «Праблемы сучаснай беларускай крытыкі» (1977), «Жывое аблічча дзён» (1979), «Покліч жыцьця» (1987) і інш., раману «Падвышанае неба» (1975).

Аўтар больш за 200 навуковых прац, зборнікаў літаратурна-крытычных артыкулаў, у тым ліку 11 манаграфій. Яго працы, прысьвечаныя творчасьці З. Бядулі, Я. Коласа, І. Шамякіна, літаратурнаму працэсу XIX ст. — пачатку XX ст. адрозьніваюцца канцэптуальнасьцю, навізной пастаноўкі праблем, актуальнасьцю, шматграннасьцю навуковых рашэньняў, глыбінёй і гістарызмам дасьледаваньняў. Дасьледаваў працэс паскоранасьці ў разьвіцьці беларускай літаратуры, роля ў ёй нацыянальна-самабытных вытокаў і ўплывы суседніх літаратур^[2].

Асноўныя працы[рэдагаваць | рэдагаваць крыніцу]

Шляхі разьвіцьця беларускай савецкай прозы. Мн.: Навука і тэхніка, 1972
Вытокі. Уплывы. Паскоранасьць. Мн.: Навука і тэхніка, 1975.
Праблемы сучаснай беларускай крытыкі. Мн.: Навука і тэхніка, 1977.
Міфа-паэтычныя матывы ў беларускай літаратуры. Мн.: Навука і тэхніка, 1981.
Общность судеб и сердец. Мн.: Наука и техника, 1985.
Покліч жыцьця: Літ. крытыка. Мн.: Мастацкая літаратура, 1987.
Веліч праўды: Выбранае. Мн.: Мастацкая літаратура, 1989.

Узнагароды[рэдагаваць | рэдагаваць крыніцу]

Ляўрэат Дзяржаўнай прэміі БССР імя Якуба Коласа (1980). Заслужаны дзяяч навукі БССР (1981).

Крыніцы[рэдагаваць | рэдагаваць крыніцу]

^ ^а ^б БЭ. — Мн.: 1998 Т. 7.
^ Памяці вучонага, Сайт НАН Беларусі

Літаратура[рэдагаваць | рэдагаваць крыніцу]

Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 1998. — Т. 7: Застаўка — Кантата. — 604 с. — ISBN 985-11-0130-3 — С. 390.

Вонкавыя спасылкі[рэдагаваць | рэдагаваць крыніцу]

Каваленка Віктар Антонавіч. База зьвестак «Гісторыя беларускай навукі ў асобах» Цэнтральнай навуковай бібліятэкі імя Я.Коласа НАН Беларусі. Праверана 4 лістапада 2011 г.

[БЭ7-1] а ^б БЭ. — Мн.: 1998 Т. 7.

[2] Памяці вучонага, Сайт НАН Беларусі

[1]

[2]