Уладзімер Гайдук

Уладзі́мер Гайду́к
Уладзімер Гайдук у 2000-ыя гады
Асабістыя зьвесткі
Нарадзіўся	7 верасьня 1941 (82 гады) в. Тарнаполь, Нараўка, Гайнаўскі павет, Берасьцейская вобласьць, БССР, СССР
Памёр	24 лютага 2012 (70 гадоў) Бельск, Бельскі павет, Падляскае ваяводзтва, Польшча
Літаратурная дзейнасьць
Род дзейнасьці	паэтка
Гады творчасьці	з 1956 па 2012
Мовы	беларуская, польская
Дэбют	1956

Уладзі́мер Гайду́к (7 верасьня 1941, в. Тарнаполь, Берасьцейская вобласьць цяпер Беластоцкае ваяводзтва Польшча — 24 лютага 2012, в. Тарнопаль) — беларускі паэт у Польшчы.

Жыцьцяпіс

Нарадзіўся 7 верасьня 1941 году ў в. Тарнаполь Берасьцейскай вобласьці (цяпер — Беластоцкае ваяводзтва Польшчы) ў сялянскай сям’і. У 1955 годзе скончыў пачатковую школу і два гады вучыўся ў беларускім ліцэі ў Бельску Падляскім. У сярэдзіне 1960-х спрабаваў прадоўжыць адукацыю ў беластоцкім завочным ліцэі, аднак цяжкія матэрыяльныя ўмовы вымусілі адмовіцца ад задумы. Займаўся сельскай гаспадаркай на сваім хутары. Супрацоўнічаў з газэтай «Ніва».

Памёр 24 лютага 2012 году ў в. Тарнопаль.

Творчасьць

Першыя вершы напісаў яшчэ вучнем пачатковых клясаў. Дэбютаваў у 1956 годзе лістом-вершам «Пазнаёмімся» і вершамі «Захад сонца» і «Зіма ідзе» («Ніва»). У 1956—1958 гады творы друкуюцца ў «Ніве» сыстэматычна. Аўтар зборнікаў паэзіі, сябра Беларускага літаратурнага аб’яднаньня «Белавежа».

Бібліяграфія

• Ракіта. — Беласток, 1971;
• Блакітны вырай. — Беласток, 1990;
• Пах аернага хлеба. — Беласток, 1998. — 40 с.
• Полымя роднае. Беласток, 2010

Літаратура

• Чыквін Я. Самотнік у сьвеце рэчаў // Далёкія і блізкія (сэрыя «Беларускія пісьменьнікі замежжа», кн. 16) / Бібліятэчка Беларускага літаратурнага аб’яднаньня «Белавежа». — Беласток, 1997.

Вонкавыя спасылкі

• Уладзімер Гайдук на kamunikat.org