Туравейскае возера

Возера Туравейскае Краіна Беларусь Плошча 0,38 км² Плошча вадазбору 131 км² Максымальная глыбіня 4,7 м Найбольшая даўжыня 1,57 км Найбольшая шырыня 0,39 км Даўжыня берагавой лініі 3,87 км Вышыня над узроўнем мора 131,6 Аб’ём вады 1,04 млн м³ Каардынаты 54°53′29.99″ пн. ш. 26°10′31.13″ у. д. Туравейскае на мапе Беларусі Туравейскае

Галерэя здымкаў у Вікісховішчы

Туравейскае (Тураве) — возера ў Астравецкім раёне Гарадзенскай вобласьці. Знаходзіцца за 37 км на паўночны ўсход ад гарадзкога пасёлка Астравец, каля вёскі Малае Тураўе. Належыць да групы Сарачанскіх азёр.

Возера знаходзіцца ў басэйне ракі Сарачанка. Плошча возера Туравейскае складае 0,38 км². Найбольшая глыбіня возера — 4,7 м. Даўжыня возера — 1,57 км, найбольшая шырыня — 0,39 км. Аб’ём вады ў возеры складае 1,04 млн м³. Даўжыня берагавой лініі возера складае 3,87 км, плошча вадазбору — 131 км2. Велічыня празрыстасьці вады ў возеры складае 1,2 м.

Возера Туравейскае

Схілы катлавіны маюць вышыню 3—5 м, на захадзе вышыня схілаў сягае 11 м. Схілы парослыя лесам. Берагі возера нізкія, пяшчаныя. На паўночным усходзе і захадзе берагі забалочаныя, на ўсходзе і паўднёвым усходзе знаходзяцца пад лесам.

Мелкаводная зона да глыбіні 0,5—1 пяшчанае, на большых глыбінях дно высланае сапрапэлем.

Возера зарастае прыбярэжнай надводнай расьліннасьцю да глыбіні 2—2,5 м.

Праз вадаём працякае рака Клевель, якая на паўночным захадзе злучае яго з возерам Белае, а на паўднёвым усходзе — з возерам Залаўскае.

Літаратура

• Блакітная кніга Беларусі: энцыкл / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Мн.: БелЭн, 1994. — 415 с. — ISBN 5-85700-133-1.