Тацяна Шамякіна

Зьвесткі зь Вікіпэдыі — вольнай энцыкляпэдыі
Тацяна Шамякіна
Дата нараджэньня 8 кастрычніка 1948(1948-10-08) (74 гады)
Месца нараджэньня
Месца вучобы
Занятак літаратуразнаўца, перакладніца, літаратурны крытык
Навуковая сфэра літаратуразнаўства[1], літаратурная крытыка[1], перакладніцкая дзейнасьць[d][1] і фальклёр[1]
Месца працы
Навуковая ступень доктар філялягічных навук[d]
Бацька Іван Шамякін
Узнагароды

Таця́на Іва́наўна Шамя́кіна (8 кастрычніка 1948, Менск) — беларускі крытык, літаратуразнаўца, перакладчык. Доктар філялягічных навук (2001).

Біяграфія[рэдагаваць | рэдагаваць крыніцу]

Нарадзілася 8 кастрычніка 1948 году ў Менску ў сям’і беларускага пісьменьніка Івана Шамякіна. Скончыла філялягічны факультэт Беларускага дзяржаўнага ўнівэрсытэту (1971) і асьпірантуру пры гэтым унівэрсытэце (1974). З 1974 году — выкладчыца, з 1982 году — дацэнт катэдры беларускай літаратуры Беларускага дзяржаўнага ўнівэрсытэту.

Навуковая дзейнасьць[рэдагаваць | рэдагаваць крыніцу]

Дасьледуе беларускую міталёгію ў кантэксьце сусьветнай, у сувязі зь літаратурай і фальклёрам, праблемы сучаснай беларускай прозы, асаблівасьці стылю беларускіх пісьменьнікаў (Якуба Коласа, Алены Васілевіч, Івана Пташнікава, Аляксея Карпюка, Міхася Стральцова, Івана Чыгрынава й іншых). Аўтар манаграфій «На лініі перасячэньня» (1981), «Беларуская клясычная літаратура і міталёгія» (2001). Суаўтар падручнікаў па беларускай літаратуры для школ з паглыбленым і профільным вывучэньнем беларускай літаратуры, ліцэяў, каледжаў, гімназій і ВНУ.

Творчасьць[рэдагаваць | рэдагаваць крыніцу]

Аўтар кнігі літаратурнай крытыкі «На лініі перасячэньня» (1981). Пераклала на расейскую мову аповесьці Івана Шамякіна «Гандлярка і паэт» (Масква, 1977), «Драма» (часопіс «Нёман», 1989), п’есу «Залаты мэдаль» (пастаўлена ў 1980), раманы «Вазьму твой боль» (Масква, 1980), «Петраград — Брэст» (Масква, 1985), «Зеніт» (Масква, 1988).

Узнагароды[рэдагаваць | рэдагаваць крыніцу]

Выбраная бібліяграфія[рэдагаваць | рэдагаваць крыніцу]

  • Міфалогія Беларусі. — Мн., 2000.
  • Міфалогія і беларуская літаратура: нарысы і эсэ. — Мн., 2008. ISBN 978-985-02-0925-2

Крыніцы[рэдагаваць | рэдагаваць крыніцу]

Літаратура[рэдагаваць | рэдагаваць крыніцу]

  • Таццяна Іванаўна Шамякіна // Беларускія пісьменнікі: Біябібліяграфічны слоўнік. У 6 т. / пад рэд. А. І. Мальдзіса. — Мн.: БелЭн, 1992—1995.