Сітцы

Сітцы, трансьліт. Sitcy
Населены пункт
Краіна	Беларусь
Вобласьць	Віцебская
Раён	Докшыцкі
Сельсавет	Сітцаўскі
Часавы пас	UTC+3
Каардынаты	54°55′24″ пн. ш. 27°32′11″ з. д.
Насельніцтва
Колькасьць	704 чал. (2010)
Лічбавыя ідэнтыфікатары
Тэлефонны код	+375 2157
Нумарны знак	2
Сітцы на мапе Беларусі ± Сітцы Сітцы

Сі́тцы — вёска ў Докшыцкім раёне Віцебскай вобласьці Беларусі. Уваходзіць у склад і зьяўляецца цэнтрам Сітцаўскага сельсавету. Знаходзіцца за 19 кілямэтраў на захад ад Докшыцаў, за 220 кілямэтраў ад Віцебску.

Гісторыя

Сядзібна-паркавы комплекс Дамейкаў у Сітцах

У XVII стагодзьдзі ў вёсцы быў умацаваны замак з палацам і гаспадарчымі пабудовамі (належаў сям’і Бжастоўскіх). Потым разам з угодзьдзямі выкуплены родам Дамейкаў, прадстаўніком якіх быў Ігнат Дамейка. Ва ўласнасьці ў Дамейкаў была аранжарэя, сад і пліткавы завод (фамільная плітка — на сьценах асобных сельскіх пабудоваў). Вёска зьяўлялася цэнтрам Сітцаўскай воласьці Вялейскага павету Віленскай губэрні. У 1939 годзе вёска вернута БССР. Нашчадкі Дамейкаў былі раскулачаны і адправіліся за мяжу. Дзякуючы дзяржаўнай праграме вёска стала аграгарадком, а мясцовы калгас набыў статус прыватнага прадпрыемства.

Насельніцтва

• 2010 год — 704 чалавекі
• 1999 год — 785 чалавек

Інфраструктура

• Сырніца
• Сярэдняя школа
• Дом культуры
• Бібліятэка
• Лякарня
• Амбуляторыя
• Аптэка
• Аддзяленьне сувязі

Славутасьці

Сітцаўскі дуб-волат

• Сядзібна-паркавы комплекс Дамейкаў
• Сьвята-Георгіеўская царква (1913 год)
• Дуб-волат — батанічны помнік прыроды рэспубліканскага значэньня.

Літаратура

• Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 2002. — Т. 14: Рэле — Слаявіна. — 512 с. — ISBN 985-11-0238-5

Вонкавыя спасылкі

Сітцы — сховішча мультымэдыйных матэрыялаў