Сямён Мікульскі

Сямён Пятровіч Мікульскі
15 верасьня 1896 — 8 траўня 1964
Месца нараджэньня	в. Ківачына Пружанскага павету Гарадзенскай губэрні
Месца сьмерці	Масква, РСФСР
Прыналежнасьць	Расейская імпэрыя СССР
Гады службы	1915—1955
Званьне	генэрал-лейтэнант
Бітвы/войны	Першая сусьветная вайна Грамадзянская вайна ў Расеі Савецка-фінская вайна Нямецка-савецкая вайна
Узнагароды	Ордэн Леніна Ордэн Чырвонага Сьцягу Ордэн Чырвонага Сьцягу Ордэн Чырвонага Сьцягу Ордэн Чырвонага Сьцягу Ордэн Кутузава 1 ступені Ордэн Багдана Хмяльніцкага 1 ступені Ордэн Суворава II ступені

Сямё́н Пятро́віч Міку́льскі (15 верасьня [ст. ст. 3 верасьня] 1896, в. Ківачына Пружанскага павету Гарадзенскай губэрні — 8 траўня 1964, Масква) — савецкі вайсковы дзяяч, генэрал-лейтэнант (1944).

Жыцьцяпіс

У імпэратарскім войску з 1915, скончыў 2-ю Маскоўскую школу прапаршчыкаў. Ваяваў на Паўднёва-Заходнім фронце, камандзір пяхотнай роты, падпаручнік.

З 1918 у Чырвонай Арміі, удзельнік грамадзянскай вайны (1918—1920). Удзельнічаў у баёх на Заходнім фронце, у здушэньні паўстаньня ў Тамбоўскай губэрні. З 15 лістапада 1921 да 31 сакавіка 1922 камандаваў 15-й Сыбірскай кавалерыйскай дывізіяй.

Скончыў Ваенную акадэмію імя Фрунзэ (1929), апэратыўны факультэт гэтай акадэміі (1934).

1939—1940 — удзельнік савецка-фінляндзкай вайны. З 27 красавіка 1940 да 28 верасьня 1941 — камандзір 142-й стралковай дывізіі.

У нямецка-савецкую вайну на Ленінградзкім, Волхаўскім, Карэльскім, 3-м Прыбалтыйскім і 2-м Беларускім франтох. Камандзір дывізіі, начальнік штаба 23-й арміі (1 кастрычніка 1941 — 23 студзеня 1942), 2-й ударнай арміі (12 лістапада — 15 сьнежня 1942), намесьнік камандоўцы арміяй і войскамі Волхаўскай апэратыўнай групы, камандзір 3-га стралковага корпусу, 99-га стралковага корпусу (3 чэрвеня — 29 сьнежня 1944), 40-га гвардзейскага стралковага корпусу, камэндант м. Гданьск.

У 1948 скончыў Ваенную акадэмію Генштабу, выкладчык гэтай акадэміі ў 1946—1955 роках. З сакавіка 1955 року ў запасе.

Памёр 8 траўня 1964 року ў Маскве.

Узнагароды

• Ордэн Леніна
• 4 ордэны Чырвонага Сьцяга
• Ордэн Кутузава 1-й ступені (21 ліпеня 1944)
• Ордэн Багдана Хмяльніцкага 1-й ступені (2 лістапада 1944)
• Ордэн Суворава 2-й ступені
• Мэдалі

Вайсковая кар’ера

• 1916 — падпаручнік
• 11 верасьня 1941 — генэрал-маёр
• 2 лістапада 1944 — генэрал-лейтэнант

Літаратура

• Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 2000. — Т. 10: Малайзія — Мугаджары. — 544 с. — ISBN 985-11-0169-9

Вонкавыя спасылкі

• Жыцьцяпіс(недаступная спасылка) (рас.)