Сьцяпан Баркоўскі

Вікіпэдыя мае артыкулы пра іншых асобаў з прозьвішчам Баркоўскі.

Сьцяпан Андрэевіч Баркоўскі
Асабістыя зьвесткі
Псэўданімы	Бар.; С. Бар.; С. Бар-і; С. Бар-кі; Бар-скі; С. Б-скі; С. Кожаны.
Нарадзіўся	10 красавіка 1905(1905-04-10) Слуцак, Менская губэрня)
Памёр	11 чэрвеня 1966(1966-06-11) (61 год) Менск
Пахаваны	Усходнія могілкі
Літаратурная дзейнасьць
Род дзейнасьці	крытык, літаратуразнаўца, этнограф
Гады творчасьці	1925—1936; 1955—1966
Кірунак	літаратуразнаўства, этнаграфія

Сьцяпан Андрэевіч Баркоўскі (псэўданімы і крыптанімы: Бар.; С. Бар.; С. Бар-і; С. Бар-кі; Бар-скі; С. Б-скі; С. Кожаны.) (нар. 10 красавіка [ст. ст. 28 сакавіка] 1905, Слуцак, Менская губэрня — † 11 чэрвеня 1966, Менск) — крытык, літаратуразнаўца, этнограф.

Біяграфія

Рана застаўся без бацькоў. Сярэднюю адукацыю атрымаў у Слуцку. Падлеткам браў удзел у Слуцкім паўстаньні (1920). Скончыў пэдагагічны факультэт БДУ (1926). Пасьля сканчэньня ў 1931 годзе асьпірантуры пры Інбелкульце АН БССР (1931) працаваў у Інстытуце гісторыі АН БССР. Першыя публікацыі па этнаграфіі зьявіліся ў 1925 годзе. Як літаратурны крытык сфарміраваўся ў аб’яднаньні «Маладняк». У сярэдзіне 1920-х г. у яго на кватэры ўтварыўся своеасаблівы «літаратурны салён» маладых літаратараў.

14 лістапада 1936 г. арыштаваны і асуджаны на 10 гадоў папраўча-працоўных лягераў. У 1936—1946 гг. адбываў пакараньне ў лягерах горна-мэталюргічнага камбіната ў Краснаярскім краі, на Джыдзінскім вальфрамавым камбінаце, руднік Халтасон. З канца 1946 г. у аддзеле мэліярацыі і арашэньня Чуйскай вопытнай станцыі лубяных культур (Кыргыстан). У 1950 г. быў накіраваны на цаліну, на будаўніцтва водагаспадарчых аб’ектаў у саўгасах Акмалінскай вобласьці (Казахстан). Пасьля рэабілітацыі ў (1955) вярнуўся ў Беларусь.

У 1956—1966 гг. працаваў у Інстытуце мастацтвазнаўства, этнаграфіі і фальклёру АН БССР. Займаўся этнаграфіяй Беларусі ХІХ ст. Укладальнік кніг твораў В. Маракова (1959), А. Дудара (1959), В. Каваля (1959), М. Нікановіча (1960). Пахаваны ў Менску на Ўсходніх могілках.

Творы

С. Баркоўскі. Анімістычны сьветапогляд беларуса па песьнях. // Чырвоны сьцяг : штомесячная студэнцкая часопісь. — 1925. — № 5-6. — С. 32—35. С. Кожаны. Аб мэтодах выкладаньня на Пэдфаку БДУ. // Чырвоны сьцяг : штомесячная студэнцкая часопісь. — 1925. — № 5-6. — С. 50, 51. С. Баркоўскі. Студэнцтва і крязнаўства. // Чырвоны сьцяг : штомесячная студэнцкая часопісь. — 1925. — № 7. — С. 60, 61. С. Кожаны. Бібліяграфічны агляд літаратуры па пытаньні «Краязнаўства і школа». // Чырвоны сьцяг : штомесячная студэнцкая часопісь. — 1926. — № 5. С. Баркоўскі. Вясельны быт беларускага селяніна. // Маладняк : часопіс. — 1926. — № 6. — С. 51—71. С. Кожаны. Кнігапіс. «Наш край» № 4—5 (7—8), красавік—травень 1926. // Маладняк : часопіс. — 1926. — № 6. — С. 85, 86. На аматарскую сцэну. // Звязда. 4 верасьня 1926. С. Баркоўскі. Ленін у беларускай паэзіі. // Маладняк : часопіс. — 1927. — № 2. — С. 67—75. С. Кожаны. Кнігапіс. Летапіс беларускага друку. // Маладняк : часопіс. — 1927. — № 2. — С. 102—103. С. Кожаны. Кнігапіс. Наддзьвіньне. // Маладняк : часопіс. — 1927. — № 3. — С. 87—89.

С. Баркоўскі. Першае мая на Беларусі. (Канец XIX стагодзьдя). // Маладняк : часопіс. — 1927. — № 4. — С. 56—66. С. Баркоўскі. Першае мая на Беларусі.. — Менск: Галоўпалітасьветы БССР, 1927. — 56 с. — 2000 ас. С. Кожаны. Кнігапіс. Дняпроўскія ўсплескі. // Маладняк : часопіс. — 1927. — № 4. — С. 91, 92. С. Баркоўскі. Па загонах новае Украіны. Уражаньні з падарожжа па Украіне. // Полымя : часопіс. — 1928. — № 8. — С. 150—164. Год маладняка. // Чырвоная зьмена. 11 лістапада 1928. Літаратурныя нататкі: «Полымя» за 1928 г. // Савецкая Беларусь. 7-9 лютага 1929. Друг Беларусі. // Літаратура і мастацтва. 9 студзеня 1957. Спадчына Алеся Дудара. // Літаратура і мастацтва. 28 сьнежня 1957. Лірыка Валерыя Маракова. // Літаратура і мастацтва. 26 лютага 1958. Алесь Дудар. // Дудар А. Выбраныя творы. Мінск. 1959. Валеры Маракоў. // Маракоў В. Лірыка. Мінск. 1959. Спадчына Васілія Каваля. // Літаратура і мастацтва. 18 сакавіка 1959. Спадчына М. Гарэцкага. // Літаратура і мастацтва. 19 снежня 1959. Поэтическое наследие Артемия Вериги-Даревского. // Советское славяноведение. Москва. № 2. 1971. /сааўт. А. Мальдзіс./

Літаратура

• Багдановіч І. Э., Гарадніцкі Я. А. Баркоўскі Сцяпан. / біяграфічныя зьвесткі Т. М. Кароткай; бібліяграфія В. І. Козіч, Н. К. Мазоўка // пад рэдакцыяй А. В. Мальдзіса. Беларускія пісьменнікі. Біябібліяграфічны слоўнік: у 6 т.. — Менск: Беларуская энцыклапедыя імя ПетрусяБроўкі, 1992. — Т. 1, Абуховіч-Ватацы. — С. 242, 243. — ISBN 5-85700-061-0.
• Беларускія пісьменнікі (1917—1990): Даведнік; Склад. А. К. Гардзіцкі. Нав. рэд. А. Л. Верабей. — Мн.: Мастацкая літаратура, 1994. — 653 с.: іл. ISBN 5-340-00709-X. — С. 242—243.
• Генадзь Кісялёў. Пошукі імя. — Менск: Мастацкая літаратура, 1978. — С. 64—65. — 288 с. — 3700 ас.
• Леанід Маракоў. Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі, 1794-1991 : энцыкл. давед.: у 3 т.. — Менск: 2003 Т. 1 I (Арамовіч—Кушаль). — С. 137, 138. — 480 с. — ISBN 985-6374-04-9
• Саламевіч І. У. Баркоўскі Сцяпан Андрэевіч. // Беларуская энцыклапедыя: У 18 т.. — Мн.: 1996 Т. 2: Аршыца — Беларусцы. — С. 309. — С. 309.