Сьпіс Герояў Беларусі
Званьнем «Герой Беларусі» ўзнагароджаны:
- Уладзімер Карват (пасьмяротна) — падпалкоўнік авіяцыі. Указ № 484 ад 21 лістапада 1996.
- Павал Марыеў — генэральны дырэктар вытворчага аб’яднаньня БелАЗ. Указ № 360 ад 29 чэрвеня 2001.
- Аляксандар Дубко (пасьмяротна) — Старшыня Гарадзенскага аблвыканкаму. Указ № 361 ад 30 чэрвеня 2001.
- Міхаіл Карчміт — старшыня агракамбінату «Сноў» (Нясьвіскі раён). Указ № 362 ад 30 чэрвеня 2001.
- Віталь Крамко — старшыня сельскагаспадарчага прадпрыемства «Кастрычнік» (Гарадзенскі раён). Указ № 362 ад 30 чэрвеня 2001.
- Міхаіл Высоцкі — генэральны дырэктар Навукова-інжынэрнага рэспубліканскага ўнітарнага прадпрыемства «Белаўтатрактарабудоўля» Нацыянальнай акадэміі навук Беларусі. Указ № 135 ад 1 сакавіка 2006.
- Пётар Пракаповіч — кіраўнік Нацыянальнага банку Рэспублікі Беларусь. Указ № 135 ад 1 сакавіка 2006.
- Васіль Равяка — старшыня сельскагаспадарчага вытворчага каапэратыву «Прагрэс-Верцялішкі». Указ № 135 ад 1 сакавіка 2006.
- Міхаіл Савіцкі — кіраўнік дзяржустановы культуры «Творчыя акадэмічныя майстэрні жывапісу, графікі і скульптуры». Указ № 135 ад 1 сакавіка 2006.
- Філярэт — Мітрапаліт Менскі і Слуцкі, Патрыяршы Экзарх усёй Беларусі. Указ № 137 ад 1 сакавіка 2006.