Сьпіска Нова Вэс

Сьпіска Нова Вэс
славац. *Spišská Nová Ves*
	Сьпіска Нова Вэс; славац. Spišská Nová Ves
	Населены пункт
Сьцяг	Герб
Краіна	Славаччына
Край	Кошыцкі
Першыя згадкі	1268
Дата заснаваньня	1268
Кіраўніцтва і ўлада
Прэзыдэнт места	Ján Volný[d]
Геаграфія
Плошча	66,671727 км² (2024);
Вышыня НУМ	506 м
Часавы пас	UTC+1; UTC+2 (летні час);
Каардынаты	48°56′38″ пн. ш. 20°34′03″ у. д.HGЯO
Насельніцтва
Колькасьць	▼34 255 чал. (31 сьнежня 2024);
Лічбавыя ідэнтыфікатары
Тэлефонны код	053
Паштовы індэкс	052 01
Нумарны знак	SN
Сайт	spisskanovaves.eu
	Сьпіска Нова Вэс на мапе Славаччыны Сьпіска Нова Вэс

Сьпіска Нова Вэс, або Сьпіская Новая Вёска (па-славацку: Spišská Nová Ves, па-нямецку: Zipser Neudorf, па-вугорску: Igló) — горад ва ўсходняй Славаччыне на рацэ Горнад ля падножжа Высокіх Татраў. Насельніцтва каля 39 тыс. чалавек.

Гісторыя

У XII ст. на месцы Сьпіскай Новай Вэсі зьяўляецца славянскае паселішча Іглаў. У XIII ст. непадалёк засноўваюць сваё паселішча нямецкія каляністы і называюць яго Найдорф, неўзабаве славянскі Іглаў і нямецкі Нойдорф злучаюцца ў адзін горад. Горад хутка разьвіваецца, тут здабываецца медзь і вядзецца гандаль — сьпіскі гарадзкі кірмаш быў на той час найвялікшым у Славаччыне.

У 1412 годзе ў шэрагу з астатнімі сьпіскімі гарадамі Сьпіска Нова Вэс была адданая ў якасьці задатка за каралеўскую пазыку Польшчы, дзе яна знаходзілася да 1772 году. У 1778 Сьпіск Нова Вэс становіцца сталіцай «16 сьпіскіх гарадоў». У 1870 годзе тут пракладваецца чыгунка, а ў 1894 будуецца электрастанцыя.

Зараз Сьпіска Нова Вэс — папулярны турыстычны маршрут.

Дэмаграфія

Паводле перапісу 2001 году горад налічваў 39 193 жыхароў: славакі (94,21%), цыгане (1,93%), чэхі (0,51%)^[3]. Рэлігійны склад насельніцтва склаў: рыма-каталіцтва (69,81%), без рэлігійнай прыналежнасьці (16,95%), лютэранства (3,17%), грэка-каталіцтва (3,05%)^[3].