Царква Покрыва Багародзіцы (Стрэшын)

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Царква Покрыва Багародзіцы (неадназначнасьць).

Помнік сакральнай архітэктуры
Царква Покрыва Багародзіцы
Пакроўская царква
Краіна	Беларусь
Мястэчка	Стрэшын
Каардынаты	52°43′44.62″ пн. ш. 30°06′41.28″ у. д. / 52.7290611° пн. ш. 30.1114667° у. д. / 52.7290611; 30.1114667Каардынаты: 52°43′44.62″ пн. ш. 30°06′41.28″ у. д. / 52.7290611° пн. ш. 30.1114667° у. д. / 52.7290611; 30.1114667
Канфэсія	Беларускі экзахат
Эпархія	Гомельская япархія
Архітэктурны стыль	клясыцыстычная архітэктура^[d]
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Царква Покрыва Багародзіцы на мапе Беларусі Царква Покрыва Багародзіцы
Царква Покрыва Багародзіцы на Вікісховішчы

Царква Покрыва Багародзіцы — помнік архітэктуры пачатку XIX стагодзьдзя ў Стрэшыне. Знаходзіцца ў цэнтры мястэчка. Дзее. Твор архітэктуры клясыцызму.

Гісторыя[рэдагаваць | рэдагаваць крыніцу]

Мураваную царкву Ўрадавага сыноду Расейскай імпэрыі (Маскоўскай царквы) у Стрэшыне збудавалі ў 1807 годзе.

У 1930-я гады савецкія ўлады зачынілі царкву. У 1989 годзе будынак перадалі Беларускаму экзархату Маскоўскага патрыярхату.

Архітэктура[рэдагаваць | рэдагаваць крыніцу]

Помнік архітэктуры клясыцызму. Гэты цэнтрычны храм, які складаецца з асноўнага аб’ёму (у пляне квадрат з зрэзанымі кутамі) і прылеглых да яго з чатырох бакоў паўкруглых аб’ёмаў. Ва ўсходняй частцы знаходзіцца алтар, у астатніх месьцяцца ўваходы з высокімі каменнымі ганкамі. Цэнтральны аб’ём дамінуе ў агульнай кампазыцыі і мае сфэрычнае пакрыцьцё, завершанае круглым барабанам зь невялікім купалам. Шырокія межы цэнтральнага аб’ёму маюць франтоны ў завяршэньні. Фасады аздабляюцца пілястрамі і паўцыркульнымі нішамі, у якіх разьмяшчаюцца вокны.

У інтэр’еры перакрыцьці аб’ёмаў, прылеглых да асноўнай залі, маюць выгляд конхаў, якія пераходзяць у парусныя скляпеньні залі. Пад будынкам месьціцца крыпта, куды вядуць усходы, разьмешчаныя з бакоў галоўнага ўваходу^[1].