Сымон Малеўскі

Сымон Малеўскі
Дата нараджэньня	1759
Дата сьмерці	1832
Месца сьмерці	Вільня, Расейская імпэрыя
Месца пахаваньня	Тургелі
Месца вучобы	Галоўная віленская школа
Занятак	эканаміст
Месца працы	Віленскі ўнівэрсытэт
Сябра ў	Кракаўскае навуковае таварыства[d]
Дзеці	Францішак Геранім Малеўскі

Сымо́н Мале́ўскі (па-польску: Szymon Malewski; 1759—1832, Вільня) — правазнаўца, эканаміст фізыякрат; рэактар Віленскага ўнівэрсыстэту (1826—1832); бацька Францішка Малеўскага.

Біяграфія

У 1781 годзе паступіў у настаўніцкую сэмінарыю пры Галоўнай школе Вялікага Княства Літоўскага; два гады вучыўся ў кракаўскім Ягелонскім унівэрсытэце. У 1785 годзе атрымаў ступень доктара філязофіі ў Галоўнай літоўскай школе і стаў настаўнікам матэматыкі ў Вільні. З 1787 году — прафэсар права і палітычнай эканоміі галоўнай літоўскай школы; паводле іншых зьвестак, выкладаць курсы права і лёгікі пачаў у 1793 годзе.

Быў прыхільнікам караля Станіслава Аўгуста. У 1794 годзе атрымаў чын надворнага саветніка. У часе паўстаньня пад кіраўніцтвам Тадэвуша Касьцюшкі быў упаўнаважаным цэнтральнай дэпутацыі Вялікага Княства Літоўскага.

У 1803—1809 гадох выкладаў у Віленскім унівэрсытэце палітычную эканоміку. З 1816 году прафэсар эмэрыт маральных і палітычных навук. У 1817—1822 гадох быў рэктарам імпэратарскага Віленскага ўнівэрсытэту. Ускосна падтрымліваў дзейнасьць студэнцкага таварыства філяматаў, у якім удзельнічаў яго сын Францішак.

Памёр у Вільні, пахаваных у Тургелях, вёсцы Салечніцкага раёну.

Літаратура

• Simonas Malevskis // Visuotinė lietuvių enciklopedija. — Vilnius: Mokslo ir enciklopedijų leidybos institutas, 2008. — Т. XIV: Magdalena— México. — С. 151.  (лет.)

Вонкавыя спасылкі

• Malevskis, Simonas  (лет.)