Стэфанас Цыцыпас
| Стэфанас Цыцыпас | |
_(52036915350).jpg) | |
| Краіна | |
|---|---|
| Пражывае ў | |
| Нарадзіўся |
12 жніўня 1998[1] (28 гадоў) |
| Рост | 193 см[2] |
| Вага | 89 кг[1] |
| Пачатак кар’еры | 2016[1] — цяпер |
| Прызавыя грошы | 37 851 988 $[1] |
| Адзіночны разрад | |
| Матчаў | 383–197[1] |
| Тытулаў | 12 |
| Найвышэйшы рэйтынг | 3 (9 жніўня 2021) |
| Турніры Вялікага шлему | |
| Аўстралія | фінал (2023) |
| Францыя | фінал (2021) |
| Ўімбэлдан | 4 раўнд (2018, 2023) |
| ЗША | 3 раўнд (2020, 2021) |
| Асноўныя турніры | |
| Кубак Мастэрз | перамога (2019) |
| Парны разрад | |
| Матчаў | 49–83[1] |
| Тытулаў | 2 |
| Найвышэйшы рэйтынг | 64 (29 жніўня 2022) |
| Турніры Вялікага шлему ў пары | |
| Аўстралія | 2 раўнд (2023) |
| Францыя | чвэрцьфінал (2024) |
| Ўімбэлдан | 1 раўнд (2018, 2021, 2023, 2024) |
| ЗША | 2 раўнд (2018, 2023) |
| Стэфанас Цыцыпас у Вікісховішчы | |
Стэ́фанас Цыцыпа́с (па-грэцку: Στέφανος Τσιτσιπάς, нар. 12 жніўня 1998, Атэны, Грэцыя) — грэцкі тэнісіст, фіналіст адкрытага чэмпіянату Аўстраліі 2023 году і адкрытага чэмпіянату Францыі 2021 году ў адзінкавым разрадзе, былая трэцяя ракетка сьвету.
Дзяцінства і паходжаньне
[рэдагаваць | рэдагаваць код]Нарадзіўся ў Атэнах 12 жніўня 1998 года ў сям’і Апосталяса Цыцыпаса і Юліі Апосталі (у дзяцінстве — Сальнікава). Маці Стэфанаса ў мінулым была савецкай тэнісісткай і ўваходзіла ў топ-200, а таксама ўдзельнічала ў Кубку Фэдэрацыяў. Дзед паводле лініі маці таксама быў родам з СССР і быў прафэсійным футбалістам.
Кар’ера
[рэдагаваць | рэдагаваць код]2017 год
[рэдагаваць | рэдагаваць код]Дэбютаваў на турнірах Вялікага шлема на Ралян Гарос 2017 году, дзе саступіў вэтэрану Іва Карлавічу з Харватыі ў першым коле спаборніцтваў. У кастрычніку добра выступіў на турніры ў Бэльгіі European Open. Будучы кваліфаерам дайшоў да паўфіналу. На шляху да паўфіналу ўзяў рэванш у Іва Карлавіча за паразу ў Францыі, а таксама атрымаў сваю першую перамогу над гульцом з топ-10 Давідам Гафэнам, які выступаў на дамашняй пляцоўцы й быў першым сеяным турніру. Гэты пасьпяховы выступ дазволіў Цыцыпасу падняцца ў першую сотню рэйтынгу АТП.
2018 год
[рэдагаваць | рэдагаваць код]_(43079345724).jpg)
На першым турніры Вялікага шлема склаў ракетку ўжо ў першым коле, дзе саступіў Дзянісу Шапавалаву з Канады у трох партыях. На грунтовым турніры ў Барсэлёне выйшаў у свой першы фінал турніру сэрыі АТП-500. На шляху абгуляў трох гульцоў з топ-20, уключна з аўстрыйцам Домінікам Тымам. У фінале анічога ня змог супрацьпаставіць Рафаэлю Надалю — 2-6 1-6. Дзякуючы гэтаму выступу ўвайшоў у топ-50. На адкрытым чэмпіянаце Францыі прайшоў першы раўнд, але ў другім саступіў будучаму фіналісту Домініку Тыму.
На Ўімбэлдане ўпершыню за кар’еру ўвайшоў у лік сеяных і атрымаў 31-ы нумар пасеву. Змог дайсьці да 4 кола, на шляху перамог Грэгуара Барэра, Джарэда Дональдсана і Томаша Фабіяна. У 4 раўндзе саступіў амэрыканцу Джону Ізнэру у трох партыях — 4-6 86-7 46-7. Пасьпяхова выступіў на амэрыканскай сэрыі турніраў на гардзе. Выйшаў у паўфінал Вашынгтону, а таксама дайшоў да фіналу спаборніцтваў на Роджэрз Кап у Канадзе. Абгуляў чатырох прадстаўнікоў топ-10, у тым ліку перамог Домініка Тыма ў другім коле 6-3 7-66, Новака Джокавіча ў трэцім 6-3 56-7 6-3, Аляксандра Зьверава ў чвэрцьфінале 3-6 7-611 6-4, Кевіна Андэрсана ў паўфінале 46-7 6-4 7-67. У фінале турніру атрымаў паразу ад першай ракеткі сьвету Рафаэля Надаля 2-6 46-7.
На адкрытым чэмпіянаце ЗША саступіў у другім раўндзе расейцу Даніілу Мядзьведзеву, будучы 15-м сеяным турніру. У кастрычніку 2018 году перамог на турніры ў Стакгольме, пераадолеўшы супраціў Фабіё Фаньіні і Эрнэстса Гулбіса. Напрыканцы сэзону заваяваў тытул на турніры Next Gen ATP Finals і быў названы самым прагрэсуючым гульцом АТП цягам сэзону.
2019 год
[рэдагаваць | рэдагаваць код].jpg)
На адкрытым чэмпіянаце Аўстраліі 2019 году здолеў прабіцца да паўфіналу. Цягам турніру змог выбіць свайго куміра Роджэра Фэдэрэра ў чацьвертым коле спаборніцтваў. У паўфінале ізноў саступіў Рафаэлю Надалю. У лютым заваяваў свой другі тытул у кар’ере — адкрытага чэмпіянату Буш-дзю-Рон 2019 году. На наступным тыдні дайшоў да фіналу ў Дубаі, дзе паразу Стэфанасу нанёс Роджэр Фэдэрэр. Гэты посьпех дазволіў Цыцыпасу прарвацца ў першую дзясятку рэйтынгу.
На грунтовым турніры ў Эштарыле здабыў тытул. Праз тыдзень дайшоў да фіналу турніру сэрыі Мастэрз-1000 у Мадрыдзе, дзе перамог Зьверава і Надаля, але саступіў Новаку Джокавічу. Ралян Гарос скончыў на стадыі 4 раўнду, дзе саступіў былому чэмпіёну Станісласу Ваўрынке ў пяці сэтах.
На Ўімбэлдане і US Open скончыў свой выступ ужо ў першым раўндзе, атрымаўшы паразу ад Томаша Фабіяна і Андрэя Рублёва. Але гэтыя няўдачы не перашкодзілі Стэфанасу кваліфікавацца на выніковы турнір ATP Finals. У групавых спаборніцтвах перамог Зьверава і Мядзьведзева, але саступіў Надалю. Гэта не перашкодзіла Цыцыпасу ўвайсьці да паўфіналу турніру, дзе ён разабраўся з Роджэрам Фэдэрэрам і выйшаў у фінал. У фінале ягоным супернікам быў Домінік Тым з Аўстрыі. Стэфанас аддаў першы сэт на тай-брэйку, але ўзяў наступныя дзьве партыі і стаў пераможцам турніру 66-7 6-2 7-64. Скончыў сэзон на шостым месцы рэйтынгу.
2020 год
[рэдагаваць | рэдагаваць код]На адкрытым чэмпіянаце Аўстраліі дайшоў толькі да 3 раўнду, дзе саступіў Мілашу Раонічу з Канады. Узяў тытул на турніры ў Марсэлі. Таксама ў трэцім раўндзе саступіў на адкрытым чэмпіянаце ЗША, дзе сустркаўся з харватам Борнам Чорычам. адкрыты чэмпіянат Францыі быў пасьпяховым для грэка. Яму ўдалося дасягнуць паўфіналу турніру. У першым коле адгуляўся зь ліку 0-2 паводле партыяў з Хаўмэ Мунарам 4-6 2-6 6-1 6-4 6-4, у наступных 4 раўндах не аддаў ані сэту Паблё Куэвасу, Аляжу Бэдэнэ, Грыгору Дымітраву і Андрэю Рублёву перад тым, як саступіць першаму сеянаму Новаку Джокавічу ў пяці сэтах 3-6 2-6 7-5 6-4 1-6.
2021 год
[рэдагаваць | рэдагаваць код]Аўстраліян Оўпэн пачаў з праходу ў паўфінал. На сваім шляху адолеў Жыля Сымона 6-1 6-2 6-1, Танасі Какінакіса 56-7 6-4 6-1 56-7 6-4, Мікаэля Імэра 6-4 6-1 6-1. Італьянец Матэо Берэтыні зьняўся з матчу чацьвертага раўнду і Стэфанас без барацьбы прайшоў у чвэрцьфінал, дзе ягоным супэрнікам стаў Рафаэль Надаль. Пасьля паразы ў першых двух сэтах Цыцыпас здолеў перамагчы ў наступных 3 партыях — 3-6 2-6 7-64 6-4 7-5. Ён стаў толькі другім гульцом пасьля Фабіё Фаньіні, які змог перайграць Надаля пасьля ліку 0-2 паводле сэтаў. У паўфінале ня змог анічога супрацьпаставіць Даніілу Мядзьведзеву 4-6 2-6 5-7.
На адкрытым чэмпіянаце ЗША ён сутыкнуўся з нэгатыўным стаўленьнем празь ягоныя працяглыя перапынкі на прыбіральню. На турніры Мастэрз у Цынцынаці перад адкрытым чэмпіянатам ЗША, падчас матчу супраць Аляксандра Зьверава, Цыцыпас браў перапынак больш чым на 10 хвілінаў, за час якога, паводле словаў нямецкага тэнісіста, грэк па тэлефоне кансультаваўся з бацькам. На адкрытым чэмпіянаце ЗША Цыцыпас двойчы рабіў перапынак на прыбіральню, калі ён прайграваў свой матч першага раўнду супраць Эндзі Марэя, і нават прасіў спыніць матч. Марэй скардзіўся, што занадта доўгія перапынкі Цыцыпаса зьмяняюць імпульс гульні.
2022 год
[рэдагаваць | рэдагаваць код]
На адкрытым чэмпіянаце Аўстраліі 2022 году Цыцыпас у трэці раз дакрочыў да паўфіналу, дзе сустрэўся з Даніілам Мядзьведзевым у матчы-рэваншы леташняга паўфіналу. Грэк зьведаў паразу ў чарговы раз, а таксама атрымаў парушэньне, бо ягоны бацька Апосталяс даваў параду на грэцкай мове[3]. Цыцыпас пасьпяхова абараніў свой тытул на турніры Мастэрз у Монтэ-Карлё, перагуляўшы ў двух сэтах гішпанцам Алехандра Давідовіча Фокіна[4]. На турніры ў Італіі тэнісіст трапіў у чвэрцьфінал, перамогшы ў другім раўндзе Грыгора Дымітрава, выратаваўшы пры гэтым два матчболы[5][6], і перагуляўшы Карэна Хачанава ў 1/8 фіналу[7]. У чвэрцьфінале ён перамог Яніка Сынэра і выйшаў у свой трэці паўфінал запар на ўзроўні Мастэрз, зарабіўшы 30 перамог у сэзоне[8]. У наступным паядынку грэк быў мацней за Аляксандра Зьверава, атрымаўшы другую перамогу запар на грунце, але ў фінале саступіў Новаку Джокавічу[9].
Пасьля некалькіх раньніх паразаў на адкрытым чэмпіянаце Штутгарту і адкрытым чэмпіянаце Гале Цыцыпас здабыў свой першы тытул на травяных кортах пасьля таго, як атрымаў уайлдкард на адкрытым чэмпіянаце Мальёркі, дзе перамог у трох напружаных сэтах гішпаца Рабэрта Баўтысту Агута[10]. На Ўімбэлданскім турніры ў 2022 годзе Цыцыпас прайграў у матчы трэцяга кола Ніку Кірыясу ў чатырох сэтах[11]. На US Open 2022 году Цыцыпас быў пасеяны пад чацьвертым нумарам, але ўжо ў першым раўндзе пацярпеў паразу ад кваліфікаванага Даніеля Эляі Галяна ў чатырох сэтах, не зважаючы на тое, што Цыцыпас выратаваў восем матчболаў[12]. Пазьней браў удзел у турнірах у Астане, Стакгольме, Вене і Парыжу. На выніковых турніры Мастэрз саступіў Новаку Джокавічу[13].
2023 год
[рэдагаваць | рэдагаваць код]_(52882569002).jpg)
Сваю 250-ю перамогу тэнісіст запісаў свой рахунак на розыгрышы Аб’яднанага кубка 2023 году, калі перамог баўгара Грыгора Дымітрава[14]. На адкрытым чэмпіянаце Аўстраліі 2023 году Цыцыпас перамог Кентана Аліса, Рынкі Хідзікату, Таляна Грыкспоора, Яніка Сынэра, Іржы Лэгечку і Карэна Хачанава на шляху да фіналу. Гэты фінал стаў для яго другім на турнірах Вялікага шлема пасьля галоўнага матчу адкрытага чэмпіянату Францыі ў 2021 годзе. Як і некалькі гадоў таму, Цыцыпас трываў паразу ў фінале ад сэрба Новака Джокавіча. На Мастэрз у Індыян-Ўэлзе ён прайграў Джордану Томпсану ў першым раўндзе ў трох сэтах, а крыху пазьней выбыў з турніру ў Маямі пасьля паразы ад Карэна Хачанава ў двух сэтах у чацьвертым раўндзе. Пасьля грэк выбыў у чацьвертым раўндзе на турніры ў Монтэ-Карлё.
У лістападзе ў Парыжы ён, перагуляўшы Аляксандра Зьверава, зафіксаваў сваю 50-ю перамогу ў кар’еры за сэзон, стаўшы за апошнія тры гады найлепшым паводле колькасьці перамог поруч з Андрэем Рублёвым. Гэта таксама была ягоная першая перамога над гульцом зь першай дзясяткі ў сэзоне[15]. З гэтай перамогай ён кваліфікаваўся ў свой пяты запар фінал ATP. Гулец перамог Карэна Хачанава, пасеянага пад 16-м нумарам, зафіксаваўшы 300-ю перамогу ў сваёй кар’еры, аднак у паўфінале саступіў Грыгору Дымітраву.
2024 год
[рэдагаваць | рэдагаваць код]Пасьля павольнага пачатку сэзона грэк пачаў сэзон на грунтавых кортах турніру Мастэрз у Монтэ-Карлё, дзе быў сеяным з нумарам 12. Тэнісіст перамог Томаса Мартына Этчэвэры, Аляксандра Зьверава і Карэна Хачанава. Пры гэтым спатрэбілася на гэта яму ўсяго два сэты ў кожнай гульні. У паўфінале ў трох сэтах спартовец перамог Яніка Сынэра, пасьля чаго ў фінале сустрэўся з Каспэрам Руўдам. У выніку Цыцыпас здабыў сваю трэцюю перамогу ў Монтэ-Карлё. Крыху пазьней, у тым жа красавіку, гулец дакрочыў да фіналу адкрытага чэмпіянату Барсэлёны, дзе, аднак, саступіў Руўду.
На апошнім турніры Мастэрз-1000 у сэзоне Цыцыпас дакрочыў да чвэрцьфіналу, дзе саступіў Зьвераву[16]. У выніку грэку ўпершыню за шэсьць гадоў не зарабіў дастаткова пунктаў, каб кваліфікавацца на выніковы турніру АТП наўпрост, стаўшы другім запасным пасьля Грыгора Дымітрава. Ён завяршыў год на 11-м радку рэйтынгу, што было ягонай найніжэйшай пазыцыяй на канец сэзону з 2018 году.
2025 год
[рэдагаваць | рэдагаваць код]На Аўстраліян-Оўпэн ён пацярпеў паразу ўжо ў першым раўндзе. У выніку ён выбыў зь першай дзясяткі сусьветнага рэйтынгу. Па ад’езьдзе з Аўстраліі ён атрымаў ўайлд-кард на турнір у Ратэрдаме[17], дзе прабіўся да чвэрцьфіналу. У Дубаі, дзякуючы перамозе ў другім раўндзе над Карэнам Хачанавым, Цыцыпас здабыў сваю 350-ю перамогу ў кар’еры, стаўшы 13-м дзейным гульцом, які дасягнуў гэтай адзнакі[18]. Спартовец разжыўся перамогаў у тытулы, вярнуўшыся ў топ-10, заняўшы ў рэйтынгу 9-ы радок. Такім чынам ён перапыніў сваю сэрыю з адзінаццаці паразаў у фіналах АТП-500 і заваяваў свой дванаццаты тытул на ўзроўні тура і першы на пакрыцьцях гард з 2019 году[19].
У вясновым грунтовым сэзоне Цыцыпас ня здолеў абараніць тытул у Монтэ-Карлё, прайграўшы ў чвэрцьфінале Лярэнца Музэцьці ў трох сэтах з наступствам чарговага вылету з топ-10[20]. Пасьля паразы ў другім раўндзе на адкрытым чэмпіянаце Канады грэк абвесьціў, што вяртае свайго бацьку на пасаду трэнэра[21]. Пазьней ён зьняўся з астатняй часткі сэзону праз траўму нагі[22].
2026 год
[рэдагаваць | рэдагаваць код]2026 год стаў для спартоўца няўдалым. У Дубаі Цыцыпас зазнаў паразу ў першым раўндзе Юго Юмбэру, выбыўшы з топ-40 пасьля таго, як ня здолеў абараніць свае пункты ў чэмпіянаце[23]. Пасьля паразы ў Індыян-Ўэлзе ён ненадоўга апусьціўся ніжэй за 50-ы радок рэйтынгу. На турніры Мастэрз Монтэ-Карлё Цыцыпас займеў свой найгоршы вынік на турніры, саступіўшы ў першым раўндзе Франсіска Сэрундалё ў двух сэтах, у выніку зноў выбыўшы з топ-50[24]. Да 20 красавіка 2026 году грэк апусьціўся на 80-е месца ў рэйтынгу АТП.
Крыніцы
[рэдагаваць | рэдагаваць код]- 1 2 3 4 5 6 7 8 Association of Tennis Professionals website
- ↑ https://www.atptour.com/en/players/wikidata/TE51/overview
- ↑ «Australian Open: Daniil Medvedev and Stefanos Tsitsipas rivalry continues in Melbourne». BBC.
- ↑ «Tsitsipas Defeats Davidovich Fokina, Defends Monte Carlo title». ATP Tour.
- ↑ «Stefanos Tsitsipas edges out Grigor Dimitrov at Italian Open in Rome after see-saw three-setter». Eurosport.
- ↑ «Stefanos Tsitsipas Denies Grigor Dimitrov's Fightback with 2 MP Saves». ATP Tour.
- ↑ «Stefanos Tsitsipas Defeats Karen Khachanov in Rome». ATP Tour.
- ↑ «Stefanos Tsitsipas Sinks Jannik Sinner in Rome». ATP Tour.
- ↑ «Djokovic enters French defense with Italian title». ESPN.
- ↑ «Stefanos Tsitsipas Edges Roberto Bautista Agut for Maiden Grass Crown». ATP Tour.
- ↑ «'He has an evil side' — Tsitsipas & Kyrgios continue row off-court». BBC Sport.
- ↑ «Daniel Elahi Galan Stuns Stefanos Tsitsipas On 9th Match Point At US Open». ATP Tour.
- ↑ «Stat of the Day: Novak Djokovic defeats Stefanos Tsitsipas for 60th career win over a Top 3 player». Tennis.com.
- ↑ «Stat of the Day: Stefanos Tsitsipas records 250th win of career». Tennis.com.
- ↑ «Stefanos Tsitsipas downs Alexander Zverev for 50th win of the year, qualifies for ATP Finals». Tennis.com.
- ↑ Paris Masters: Alexander Zverev beats Stefanos Tsitsipas to reach semi-finals. BBC Sport (01.11.2024).
- ↑ Stefanos Tsitsipas receives Rotterdam wild card. ATP Tour.
- ↑ Stefanos Tsitsipas captures 350th win, advances to Dubai QFs. ATP Tour.
- ↑ Dubai Tennis Championships: Stefanos Tsitsipas beats Felix Auger-Aliassime to claim maiden title. BBC Sport (01.03.2025).
- ↑ Jacot, Sam (11.04.2025) Tsitsipas: 'I was playing with just one serve'. Rolex Monte-Carlo Masters.
- ↑ Kearns, Sean (31.07.2025) Tsitsipas reappoints father after Ivanisevic split. BBC Sport.
- ↑ Stefanos Tsitsipas withdraws from Rolex Shanghai Masters. ATP Tour.
- ↑ Ugo Humbert ends Stefanos Tsitsipas' title defence in Dubai. ATP Tour.
- ↑ Tennis.com Francisco Cerundolo hands Stefanos Tsitsipas first opening Monte Carlo defeat, Greek to exit Top 60. Tennis.com.